Model komunikasi
Model komunikasi adolah bantuak dari arah dan proses bajalannyo komunikasi saat balangsuang. Model komunikasi bakambang sairiang adonyo panalitian dan pakambangan zaman. Komunikasi sangat paralu di dalam kahidupan sahari-hari dari mulai dirumah komunikasi samo urang tuo atau sanak nan ado dirumah dan komunikasi katiko sadang dilua rumah samo urang ataupun masyarakat. Komunikasi sabananyo alah diajaan dari ketek nan batujuan untuak manyampaian apo nan ado dalam fikiran dan bertujuan untuak adonyo hubungan samo urang lain. Ado urang nan manyabuikan kalau komunikasi sebagai proses adolah Sabagai satiok fenomena nan manunjuakan parubahan nan bakalanjuikan sapanjang waktu, setiok pelaksanaan atau perlakuan nan bakalanjuikan.[1]
Dek acok barubah, proses komunikasi iko manjadi sabuah fenomena nan kompleks. Ado babarapo macam namonyo mode-mode komunikasi diantaranyo hubungan antaro elemen komunikasi. Ado ampek fungsi mode komunikasi nan biaso dilakuan diantaronyo;
- Mengorganisasi: manjadi karangko karajo dan manjalehan peranan variable komunikasi dalam keseluruhan proses.
- Heuristik: mamudahkan untuak menganalisis bagaimana variable komunikasi bvakarajo.
- Prediktif: marancang keputusan-keputusan untuak berkomunukasi sacaro efektif.
- Mengukua: maagaiah peluang adonyo prediksi nan basifat kuantitatif dengan derajat presisi nan akurat.[2]
Tipologi
[suntiang | suntiang sumber]Model linier
[suntiang | suntiang sumber]Model linier ado duo antaro pembicaro (sumber) jo pandanga (panarimo) Proses komunikasi dimulai dari sumber nan mangirimkan pasan agar ado manimbulkan pangaruah pado panarimo pado model iko proses komunikasi saarah panarimolah nan di pangaruhi sumber. Adopun contoh dari komunikasi linier adolah bapidato. Presiden nan bapidato pado peringatan hari kemerdekaan. Presiden sebagai komunikator nan maagaiah informasi atau pasan ciek arah kapado kasado warga indonesia nan berperan sabagai komunikan. Dalam hal iko komunikan mandanga dan manyutujui, baik jo verbal atau non verbal. Salain itu, pamasangan poster atau apanduk di tapi jalan untuak manayampaian informasi atau pasan kapado para pambaco.[3]
Model Interaksional
[suntiang | suntiang sumber]Tipologi model nan iko manjalalehan tentang pambicaro dan pandanga babicaro dan mandanga sacaro bagantian, salanjuknyo komunikasi balangsuang sacaro duo arah, ado umpan baliak kapado dumber dari panarimo. Ado babarapo contoh komunikasi interaksional diantaronyo panyuluhan bidan kapado ibu nan sadang hamil. Bidan nan maagiah panyuluhan kapado ibu nan sadang hamil,.dalam hal iko bidan sabagai komunikator nan maagiah pasan panyuluhan nan maagaiah pasan manajago kehamilan nan baik untuak ibu nan sadang hamil, dan ibu hamil sabagai komunikan,dalam panyuluhan iko tajadi feedback barupo pertanyaan dari ibu nan sadang hamil kapado bidan, kemudian bidan manjawek sasuai pertanyaan. selanjutnyo bidan maagiah bimbingan kapado ibu hamil (sebab), dan ibu nan sadang hamil mangatahui/mamahami informasi manganai caro manjago kehamilan (akibek). Contoh lainnyo adolah seminar atau pakuliahan. Dalam seminar panyaji sabagai komunikator maagiah informasi tau pasan kapado pandanga atau urang nan ikuik sabagai komunikan. itu tajadi taruih manaruih sahinggo komunikan mangarati.[4]
Model Transaksional
[suntiang | suntiang sumber]Dalam model transaksional maksuiknyo adolah komunikasi dipandang sabagai konteks hubuangan antaro duo urang atau labiah ado arah pasan balangsuang sacaro simultan salamo pihak-pihak nan terlibat dalam komunikasi, baik sebagai sumber maupun panarimo saliang mampengaruhi. Ado babarapo macam contoh komunikasi transaksional sarupo proses jua bali (negosisasi) : urang nan nio mambali produk sayua organic (palanjo/pambali) kapado urang petani, pambali dan petani disiko bisa manjadi komunikator atau komunikan pado saat pambali manjadi komunikator, bararti petani manjadi komunikan, selanjuiknyo pambali maagiahan informasi kalau inyo nio kualitas sayua organik nan mode apo dan petani mandangan apo nan di nio oleh pambali, sedangakan petani manjadi komunikator katiko menyampaikan produk sayua organik barupo hargo kapado pelanggan, sudah itu inyo maadoan negosiasi sampai akhirnyo mandapapekan kasapakatan basamo.[5]
Rujuakan
[suntiang | suntiang sumber]- ↑ Rizki, Menati Fajar (2018). "PENGAPLIKASIAN MODEL KOMUNIKASI OSGOOD AND SCHRAMM OLEH PENGAJAR TK DALAM ACARA PARENTS WORKSHOP DI HIGHSCOPE BINTARO". Communicology: Jurnal Ilmu Komunikasi (dalam bahasa Inggris). 6 (2): 69–83. doi:10.21009/Communicology.0602.05. ISSN 2580-9172.
- ↑ Tolinggi, Wawan K. (2015-05-02). "Desain Model Penyuluhan Transaksional Berbasis Web Service Untuk Implementasi Cyber Extension di Kabupaten Gorontalo". Hibah Bersaing (DP2M) (dalam bahasa Inggris). 2 (985).
- ↑ Masjuli, Masjuli; Ruliana, Poppy; Fatmawati, Erna (2021-06-29). "Model Komunikasi Interpersonal dalam Pelaksanaan Pelatihan Process Safety Management Berbasis Pengetahuan Karyawan". Warta Ikatan Sarjana Komunikasi Indonesia (dalam bahasa Inggris). 4 (1): 72–80. doi:10.25008/wartaiski.v4i1.103. ISSN 2686-0724.
- ↑ Angsori, Muhammad L. "Model Komunikasi". OSF Preprints. Diakses tanggal 2021-09-14.
- ↑ Jannah, Dini Nur (2020-01-19). "Model Komunikasi Mudir Ma'had sebagai Leader di Tarbiyatul Muallimien Al-Islamiyah Putri Pondok Pesantren Al-Amien Prenduan". HUDAN LINNAAS: JURNAL ILMU SOSIAL DAN HUMANIORA (dalam bahasa Inggris). 1 (1): 63–76. doi:10.28944/hudan. Diarsipkan dari versi asli tanggal 2021-09-14. Diakses tanggal 2021-09-14.