Malayu Cocos

Wikipedia Minangkabau - Lubuak aka tapian ilimu
(Dialiahkan dari Melayu Cocos)
Malayu Cocos
Anak daro jo marapulai Malayu dalam alek panikahan di Kapulauan Cocos (Keeling), 1912.
Jumlah populasi

4.000-5.000[1]

Kawasan bapopulasi cukuik banyak
 Malaysia 4.000[1]
 Kapulauan Cocos (Keeling) 400
Bahaso
Malayu Cocos, Inggrih, Malaysia
Agamo
Islam
Kalompok etnik takaik
Malayu, Jawa, Betawi

Malayu Cocos adolah sakalompok masyarakaik babudayo Malayu nan mambantuak mayoritas panduduak Kapulauan Cocos (Keeling), nan kini marupoan bagian dari Australia. Walaupun mareka alah barasimilasi dalam budayo Malayu, nenek-moyang mareka sabananyo barasa dari tampek nan babeda-beda, iyolah Malaka, Penang, Sumatera, Batavia, Cirebon, Madura, Bali, Pasir-Kutai, Sulawesi, Sumbawa, Bima, jo Timor.[2]

Pado taun 1950-an, Inggris membao sabagian Malayu Cocos untuak pindah jo manatap di Sabah, Malaysia, dan kini jumlah katurunan mareka di sinan labiah gadang daripado nan tadapek di Kapulauan Cocos.

Umumnyo, Malayu Cocos manganuik agamo Islam, jo khususnyo bapaham Sunni.[3]

Sijarah[suntiang | suntiang sumber]

Urang Malayu partamo dipakiroan tibo jo manatap di Kapulauan Cocos pado taun 1826, iyolah katiko Alexander Hare, urang Inggris nan mambaok gundik jo budak Malayunyo ka sinan.[3] Pado taun 1827, John Clunies-Ross marubah kahidupan budak-budak Malayu katiko inyo jo kaluarganyo mamutuihan untuak manatap juo di kapulauan tasabuik. Urang Malayu satampek jo banyak pandatang Malayu baru nan dibaok dek Clunies-Ross dikarajoannyo untuak manolong mamanen karambia untuak dibuek kopra.[3] Pado bulan September 1978, kaluarga Clunies-Ross manjua Kapulauan Cocos kapado pamerentah Australia. Sajak itu, Ratu Elizabeth II manjadi Kepalo Nagari wilayah situ, nan diwakilan dek Gubernur Jenderal-Administrator, nan kini dijabat dek Brian Lacy. Samantaro nan mawikili masyarakaik sabagai Kapalo Dewan Kapulauan adolah Haji Wahin bin Bynie.

Perpindahan[suntiang | suntiang sumber]

Pado taun 1950-an, Inggris mambaok sabagian Malayu Cocos untuak pindah jo manatap di Sabah, nan kini bagian dari Malaysia.[4] Jumlah nan ikuik pindah untuak partamo kali dipakiroan sakitar duo puluah urang, tapi sasudah maningkek katiko pamukiman mareka dipalaweh. Malayu Cocos tarutamo tingga di Kampuang Cocos, indak jauah dari kota Lahad Datu, Bahagian Tawau, Sabah.[5] Populasi mareka kini di Sabah mancapai sakitar 4.000 jiwa, labiah gadang daripado  populasi nan tasiso di Kapulauan Cocos. Budayo Malayu Cocos kini bakaik arek jo indak jauah babeda jo urang-urang Malayu Malaysia lainnya,[6] dan mareka juo dianggap mampunyai status bumiputra dek pamarentah Malaysia. Bahaso mareka, nan marupoan varian dari bahaso Malayu standar, mampunyoi kode ISO 639-3 coa.

Bahasa[suntiang | suntiang sumber]

Malayu Cocos mampunyoi variasi bahasonyo surang, nan disabuik Basa Pulu Kokos. Bahaso ko dianggap non formal jo kurang bakelas, karano mamakai kosa kato indak baku (slang) jo adabta arti kato nan barubah. Bahaso ko marupoan campuran bahaso Indonesia jo Malaysia, samo pangucapan lokal jo babagai elemen bahasa Inggris jo Scots di dalamnyo.

Malayu Cocos Inggirih Indonesia Catatan panggunoan
Selamat ténggah hari Good afternoon Selamat siang
Kerangkeng Food closet Lemari makanan
Ke kaca Cute Gagah/tampan
Kenes Cute Cantik/manis
Jumpa lai See you later/see you again Sampai jumpa
Korsi Chair Kursi
Dostor Doctor Dokter
Esbok Fridge Lemari es
Bok Box Kotak
Epel Apple Apel
Jukong Cocos Malay boat Jongkong/sampan Sabuikan junk ship dalam bahaso Inggirih barasa dari sabuikan parahu iko
Gua/Loh Me/You Saya/Kamu Iko marupoan kato-kato dari bahaso Hokkien, nan dalam
bahaso Indonesia dianggap indak baku (slang) namun dalam Malayu Cocos
dianggap baku
Cimni Chimney Cerobong
Kot Coat Jas
Hiju/Hijo Green Hijau
Kalo If Kalau
Emak/Mak Mother Ibu Digunoan untuak mamanggia padusi nan punyo anak
Pak/Ayah Father Bapak/Ayah Kato patamo digunoan untuak mamanggia laki-laki nan punyo anak.
Kato kaduo aratinyo ayah
Paman/Man Uncle Paman Digunoan untuak mamanggia laki-laki nan indak punyo anak
Bibik Aunty Bibi/Tante Padusi nan labiah mudo dari rang gaek
Nek/Nenek Grandma Kakek/Nenek Digunoan untuak mamanggia ka angku ataupun anduang
Wak Aunty Uak Panggilan oromaik ka padusi nan punyo anak nan lah bujang/gadih

Caliak pulo[suntiang | suntiang sumber]

Rujuakan[suntiang | suntiang sumber]

  1. a b Yong Leng Lee (1965). North Borneo (Sabah): A Study in Settlement Geography. Eastern Universities Press. http://books.google.com/books?id=fJceAAAAMAAJ. 
  2. Mission Atlas Project: Cocos (Keeling) Islands SnapShot Archived 2013-12-25 di Wayback Machine., www.worldmap.org.
  3. a b c Cocos Malays Archived 2007-02-09 di Wayback Machine., © 2005-2017 Minnesota State University, Mankato. Minnesota State University, Mankato.
  4. Sabah: history and society. Malaysian Historical Society. 3 Maret 1981. http://books.google.com/books?id=8CUuAAAAMAAJ. 
  5. "RTM documenting unique culture of Sabah Cocos community". The Borneo Post. 7 March 2011. Diakses tanggal 5 April 2015. 
  6. Frans Welman. Borneo Trilogy Volume 1: Sabah. Booksmango. pp. 168–. ISBN 978-616-245-078-5. http://books.google.com/books?id=glG-WBH8hkQC&pg=PA168. 

Pautan lua[suntiang | suntiang sumber]