Musajik Raya Syekh Burhanuddin

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Musajik Raya Syekh Burhanuddin adolah musajik nan juo cagar budayo di Sumatra Barat. Musajik iko barado di Nagari Ulakan, kecamatan Ulakan Tapakis, kabupaten Padang Pariaman, Sumatra Barat.[1]

Sajarah[suntiang | suntiang sumber]

Musajik iko dibangun dek Burhanuddin Ulakan pado taun 1670, hinggo tamasuak musajik nan tuo di Indonesia. Kutiko mulai dibangun, bantuak musajik iko sangaik sederhana baukuran 15 x 15 meter tabuek dari bahan kayu.[2]

Musajik iko diparancak jo dipelok'i untuak partamo kalinyo pado taun 1760, sabab kaadoan bangunan nan alah indak layak. Musajik iko ancua dek gempa bumi nan tajadi di Sumatra Barat pado taun 2009. Kudian dibangun baliak, salasai pado taun 2011.[3]

Arsitektur[suntiang | suntiang sumber]

Musajik Raya Syekh Burhanuddin pado mulonyo dibangun di tanah 55 x 70 meter persegi. Bangunan musajik nan mampu manampuang sakitar 3.000 jamaah, bantuaknyo pasagi baukuran 40 x 40 meter jo ukuran teras meter 3 x 40 meter. Musajik iko punyo 2 manara di sisi kida jo suok. Musajik iko salain untuak ibadaik, disiapan pulo untuak jadi tampek evakuasi saandainyo tajadi tsunami.

Rujuakan[suntiang | suntiang sumber]

  1. Masjid Luhur Syekh Burhanuddin Ulakan Diresmikan. Padang Today. Diakses pada 5 Februari 2012.
  2. Zein, Abdul Baqir (1999). Masjid-Masjid Bersejarah di Indonesia. Gema Insani. ISBN 979-561-567-X. 
  3. http://www.sitinjaunews.com Masjid Raya Syekh Burhanuddin Ulakan Diresmikan. Diakses pada 5 Februari.