Caliak sumber untuak Luak Tanah Data

'''Luak Tanah Data''' marupokan salah satu kawasan konfederasi dari babarapo [[nagari]] nan ado dalam wilayah Budaya Alam [[Minangkabau]]. Basamo jo [[Luak Agam]] sarato [[Luak Limo Puluah]] tanamo jo sabutan ''Luak Nan Tigo''.<ref>Idrus Hakimy Dt. Rajo Penghulu (1994). ''Rangkaian Mustika Adat Basandi Syarak di Minangkabau. Remaja Rosdakarya''. ISBN 979-514-362-X.</ref><ref>[http://www.oocities.org/asia/mo3ly4d1/hluhak.htm Luhak dan Rantau]. Diakses pada 31 Desember 2011.</ref>

Kawasan Luak Tanah Data marupokan kawasan utamo dalam tradisi masyarakaik Minangkabau, tampek kadudukan [[Yang Dipertuan Pagaruyuang]] atau Rajo Alam Minangkabau. Masyarakaiknyo umumnyo manganuik sistem [[Lareh Koto Piliang|kalarehan Koto Piliang]], kalarehan atau aturan nan digagas dek [[Datuak Katumangguangan]]. Samantaro [[Lareh Bodi Caniago|Kalarehan Bodi Caniago]] nan digagas [[Datuak Parpatih Nan Sabatang|Datuak Parpatiah nan Sabatang]] mamiliki basis pangikuik di [[Limo Kaum, Lima Kaum, Tanah Datar|Limo Kaum]]

== Etimologi ==
Indak ado data nan pasti tantang asa usua namo Tanah Data ko. Namun ado sabuah panafsiran lain dari panggunoan namo Tanah Data ko, iyolah sabananyo bamukasuik ''Tak Nan Data'' nna bararti indak ado nan data. Istilah ko batantangan jo mukasuik Tanah Data. Pado kawasan Luak ko memang sulik ditamukan tanah nan datar, malah kondisi [[geografis]] kawasan ko babukik jo balambah, sainggo mukasuik indak ado tanah nan data tantu labiah tapek untuak kondisi geografis kawasan luak ko.

== Sijarah ==
[[Berkas:Balai Nan Panjang.jpg|jmpl|225px|ka|''Balai Nan Panjang'' di [[Nagari]] [[Tabek, Pariangan, Tanah Datar|Tabek]] nan kini dijadikan sabagai Situs Kapurbakalaan.]]
Luak Tanah Data marupokan [[Luak]] nan partamo kali didirikan, sainggo disabuik ''Luak Nan Tuo''. Banyak paninggalan sijarah nan ditamukan di Luak ko sarupo ''Sawah Satampang Baniah'', ''Lurah Nan Indak Barangin'', ''Galundi Nan Baselo'', ''Batu Batikam'', ''Balai Nan Panjang'', jo ''Kuburan Panjang''. Sabagian di antaronyo bahkan marupokan paninggalan purbakala.

Panduduak Luak Tanah Data pado mulonyo didominasi dek pandatang asa [[India Selatan]].<ref>Idris, Abdul Samad (1990). ''Payung Terkembang''. [[Kuala Lumpur]]: Pustaka Budiman.</ref> Iko dibuktikan jo banyaknyo [[gala]] banuansa [[India]] nan dipakai dek [[Datuak di Minangkabau]], umpamo ''Maharajo'' nna barasa dari kato ''Maharaj'' jo ''Rajo Indo'' nan barasa dari kato ''Rajendra''.<ref>[http://mozaikminang.wordpress.com/2011/11/17/tambo-alam-minangkabau-penghapusan-sejarah-dan-kekacauan-logika/ Tambo Alam Minangkabau: Penghapusan Sejarah dan Kekacauan Logika], 17 November 2011. Diakses pada 31 Desember 2011.</ref>

Di Luak ko ado pamukiman panduduak banamo Nagari Pariangan, nan dek urang [[Minangkabau]] diyakini sabagai [[Nagari]] partamo di Minangkabau. [[Karajaan]] partamo di Minangkabau pun ado pulo di Luak ko, banamo [[Karajaan Pasumayan Koto Batu]].<ref>Ampera Salim, Zulkifli (2005). ''Minangkabau Dalam Catatan Sejarah nan Tercecer''. [[Kota Padang|Padang]]: Citra Budaya Indonesia. ISBN 979-3458-03-8.</ref> Dari Luak Tanah Data ikolah kudian [[urang Minang]]kabau bakambang jo bapindah ka daerah lain sarupo [[Luak Limo Puluah]] jo [[Luak Agam]].<ref>Batuah, A. Dt. & Madjoindo, A. Dt. (1959). ''Tambo Minangkabau dan Adatnya''. [[Jakarta]]: Balai Pustaka.</ref>

== Wilayah ==
Wilayah Luak Tanah Data malingkungi daerah di sakitar kaki [[gunuang Marapi]] bagian selatan sampai ka kaki [[gunuang Sago]] bagian timur. Nagari-nagari nan tamasuak ka dalam wilayah Luak Tanah Data iko adolah:<ref>ukm.itb.ac.id [http://ukm.itb.ac.id/adat-budaya/wilayah-minangkabau/ Wilayah Minangkabau] {{Webarchive|url=https://web.archive.org/web/20110814035859/http://ukm.itb.ac.id/adat-budaya/wilayah-minangkabau/ |date=2011-08-14 }}. Diakses pada 16 Agustus 2011.</ref>

# Tampuak Tangkai Pariangan Salapan Koto : Pariangan, Padang Panjang, Guguak, Sikaladi, Koto Tuo, Tanjuang Limau, Sialahan, Batu Basa.
# Tujuah Langgam di Hilia : Turawan, Padang Lua, Padang Magek, Sawah Kareh, Kinawai, Balimbiang, Bukik Tamusu.
# Limo Kaum Duo Baleh Koto : Dusun Tuo, Balah Labuah, Balai Batu, Kubu Rajo, Piliang, Ngungun, Panti, Silabuak Ampalu, ; Parambahan, Cubadak, Supanjang, Pabalutan, Sawah Jauah, Rambatan, Tabek Sawah Tangah.
# Sambilan Koto di Dalam : Tabek Boto, Salagondo, Baringin, Koto, Baranjak, Lantai Batu, Bukik Gombak, Sungai Ameh, Ambacang Baririk, Rajo Dani.
# Tanjuang Nan Tigo, Lubuak Nan Tigo : Tanjuang Alam, Tanjuang Sungayang, Tanjuang Barulak, Lubuak Sikarah, Lubuak Simauang, Lubuak Sipurai.
# Sungai Tarab Tujuah Batu : Limo Batu, Tigo Batu, Ikua Kapalo Kapak, Randai Gombak Katitiran, Koto Tuo Pasia Laweh, Koto Baru, Rao-Rao, Salo Patir Sumaniak, Supayang, Situmbuak, Gurun Ampalu, Sijangek Koto Badampiang.
# Langgam Nan Tujuah : Labutan, Sungai Jambu, Batipuah Nagari Gadang, Tanjuang Balik Sulik Aia, Singkarak, Saniang Baka, Silungkang, Padang Sibusuak, Sumaniak, Suraso.
# Batipuah Sapuluah Koto : Batipuah, Koto Baru Aia Angek, Koto Laweh Pandai Sikek, Panyalaian, Bukik Suruangan, Gunuang, Paninjauan, Jaho Tambangan, Pitalah Bungo Tanjuang, Sumpu Malalo, Singgalang.
# Lintau Buo Sambilan Koto : Batu Bulek, Balai Tangah, Tanjuang Bonai, Tapi Selo, Lubuak Jantan, Buo, Pangian, Taluak Tigo Jangko, Satangkai

=== Rantau ===
''Rantau Nan Kurang Aso Duo Puluah''

'' Rantau Kampar Kiri''

'' Rantau Duo Baleh Koto''

'' Rantau Pasisia Panjang''
* Padang
* Pesisir Selatan/Banda Sapuluah
* Muko muko
* Kerinci

''Ujuang Darek Kapalo Rantaunyo''
* Anduriang Kayu Tanam
* Guguak Kapalo Hilalang
* Sicincin
* Toboh Pakandangan
* Duo Kali Sabaleh Anam Lingkuang
* Tujuah Koto
* Sungai Sariak.
* Alam Surambi Sungai Pagu.
* Sijunjuang

== Caliak pulo ==
* [[Kabupaten Tanah Datar]]

== Rujuakan ==
{{reflist|2}}

[[Kategori:Luak (Minangkabau)|Tanah Data]]
[[Kategori:Sijarah Minangkabau]]


{{stub}}