Lapek koci

Lapek Koci atau lapek sikoci adolah salah satu makanan yang barasa dari Pariaman, Sumatera Barat. Lapek koci ko marupoan kue tradisional Minangkabau nan mamiliki raso lambuik di lidah masyarakaik satampek. Biasonyo, lapek koci ko ado pas acara-acara gadang. Makanan ko kini jarang kito tamui karano pangaruh majunyo zaman.

Bantuak jo Isi

Lapek koci tabuek dari tapuang katan yang di campuan jo saka, di dalamnyo beko di isian kacang padi nan alah di aluihan. Satalah ado bahan-bahan tu, beko di latak an di ateh daun pisang nan alah di jamua talabiah dulu supayo lunak, daun di bantuak bulek tu di masuak an adonan sagadang kalereang, adonan di tungkuih sarupo piramid. Siap di tungkuih, lapek koci di masuak an ka dalam pariuak yang di bawahnya di agiah aia (di kukuih). Mambuek lapek koci ndak samudah yang di bayangan karano mambueknyo mambutuahan waktu nan lamo. Gabuangan bahan-bahan tu mambuek rasonyo lamak dan pas untuak di makan pas duduak-duduak jo dunsanak atau urang lapau. Lapek koci bisa di pasan samo panggaleh yang manjuanyo, untuak harago di ituang per ciek isi. Babarapo panjuanyo akan ma agiah potongan harago kalau awak masan banyak.

Tradisi

           Banyak kalangan mudo yang ndak tau atau ndak suko lapek koci ko. Lapek koci kadang di kecek an makanan urang nan lah gaek, tapi babarapo anak mudo ado lo nan suko lapek ko. Lapek koci ko acok ado pas acara mandoa, maantaan tando, rapek adaik, rayo gadang,baralek, atau acara-acara gadang lainnyo. Ndak jarang lapek koci ko di pasan dek urang  rantau nan pulang ka kampuang untuak di jadian oleh-oleh.