Komunikasi massa

Komunikasi massa adolah jenis khusus dari komunikasi sosial nan malibekan banyak kondisi pengoperasian, tarutamo sifek khalayak, bantuak dari komunikasinyo, dan sifek komunikatornyo. Suatu proses komunikasi tagalong dimediasi samo media massa dimano produk-produk informasi nan dibuek dan didistribusian oleh suatu organisasi komunikasi massa. Biasonyo informasi nan dibuek oleh organisasi iko ditujukan untuak dikosumsi oleh khalayak (Ruben, 1992). Sairiang bajalannyo wakatu, media massa kini alah banyak mangalami transisi. Faktor nan bapangaruah di maso transisi itu diantaronyo teknologi, ekonomi, dan trend sosial.

Pado level teknologi, kehadiran internet mambuek saluran baru bagi komunikasi massa. Koran bisa mambaritakan sagalo informasi sahinggo bisa manjangkau pambaco dari banyak kalangan. Kini, koran sadang manunjuakan strateginyo untuak eksistensinyo tetap bertahan di era digital. Salain manonton tv, urang kini banyak maabihan wakatunyo untuak bamain sosial media takah facebook, whatsapp, instagram dan lainnyo. Oleh karano itu, kompetisi media massa kini samakin maningkek sahinggo mandorong media konvensional untuak ba adaptasi untuak bisa tetap batahan di tangah masyarakat. Kaduo, faktor tumbuahnyo media massa dipengaruhi pulo samo pertumbuahan ekonomi. Beberapa media nan indak bisa manyasuaikan bahkan kini menuju kebangktutan karena kini alah didominasi samo era digital. Hal iko berhubungan pulo Sali tren sosial, dimano adonyo parubahan dalam maryarakat karano lahiya nyo internet. Kini banyak generasi muda manghabisan waktunyo manjadi konten keator di media massa.

Sajarah

Internet adolah salah satu media nan digunoan untuak manyebaran informasi melalui jenis komunikasi massa. Internet mulai muncul di awal 1990-an. Sasudah itu, aplikasi media sosial mulai ado dan bakambang. Pakambangan internet iko diiriangi samo adonyo demokrasi dan keterbukaan informasi di masiang-masiang pemerintahan dan negara. Samakin kamariko, komunikasi massa nan manggunoan media konvensional samakin saketek. Hal iko dijalehan di 4 hukum McLuhan tentang efek inovasi media terhadap masyarakat. Partamo adolah the law of acceleration nan artinyo, malalui internet awal bisa mangakses beragam informasi dan bisa bakomunikasi dengan sangat capek. Contohnyo ado email, sosial media, dan lainnyo. Kaduo adolah the law of obsolescence nan artinyo, malalui internet urang indak paralu mamposan surek, mamunguik koran, dan lainnyo. Katigo adolah the law of synthesis nan artinyo, kini kito bisa mamaduan beragam media sarupo ado internet di hp, leptop, dan lainnyo. Kaampek adolah the law of retrieval nan artinyo, kini urang bisa menambuih jarak dan perbedaan wakatu dalam malakuan komunikasi. Dalam saat nan samo urang bisa tahubuang langsuang samo urang nan babeda zona wakatu dan jarak nan jauah lewat teknologi.

Khalayak

Khalayak adolah sasaran komunikasi massa dilakuan. Lueh dari khalayak komunikasi massa iko maliputi wilayah geografis nan lueh dengan populasi nan gadang. Urang nan tamasuak sasarannyo basifek heterogen atau bamacam karakteristik sosialnyo. Karakteristik sosial nan babeda iko mode umua, jenis kelamin, pendidikan, status kepemimpinan, ekomomi, status sosial, dan keragaman posisi politik masiang-masiang. Salain itu, khalayak komunikasi massa sacaro individual indak dikenal atau indak diketahui oleh komunikator. Hal iko bukan karano mereka taisolasi, tapo karano khalayak iko adolah bagian dari sajumlah kalompok sosial nan ado di masyarakat.

Bantuak

Komunikasi massa umumnyo basifek umum. Artinyo isi pesannyo indak basifek pribadi dan indak ditujukan ka surang urang se do, tapi tabuka bagi satiok urang nan paralu informasi dalam pasan nan disampaian iru. Anggota dari masiang-masiang khalayak manyadari lo bahwa satiok anggota mandapek pasan nan samo. Salanjuiknyo, bantuak komunikasi massa iko yaitu salintas karano pasan nan disampaian biasonyo dibuek untuak dikosumsi sacapeknyo, indak untuak diingek-ingek atau dipandang sakalai pakai sajo. Kasalintehan komunikasi massa manimbulan penekanan katapekan wakatu, superfisialitas, dan sensasionalisme dalam pasan nan dikomunikasian.

Komunikator media massa

Komunikator adolah urang nan manyampaian pasan baisi informasi untuak sasaran atau pandanga dari proses komunikasi. Biasonyo urang nan manjadi komunikator komunikasi massa taorganisasian dan bakarajo di organisasi nan kompleks. Biasonyo di organisasi tampek komunikan media massa iko punyo pembagian karajo nan ekstensif, panggunaan sajumlah biaya produksi nan labiah gadang, kompleks birokrasi nan relatif tinggi dalam jaringan karajonyo.

Karakteristik organisasi media

Adonyo internet mambuek batas pambeda antaro komunikasi interpersonal nan dibantu samo masin atau paralatan dan alat komunikasi massa manjadi indak jaleh. Melalui internet nan awalnyo urang cuma bisa nonton tv dan hanyo manarimo informasi, kini urang alah bisa pulo manyampaian informasi malalui akun pribadi inyo ka khalayak. Oleh karena itu, informasi nan disampaian samo organisasi media massa manjadi salah satu bateh ukuran nan mambenaan komunikasi massa samo interpersonal. Adopun karakteristik organisasi media adolah sabagai barikut:

1. Komunikasi massa diproduksi oleh organisasi formal nan kompleks
2. Organisasi komunikasi massa punyo gatekeepers
3. Organisasi komunikasi massa mambutuahan biaya nan tinggi untuak operasi
4. Organisasi komunikasi massa ado dan hadir untuak mandapekan profit dan keuntungan
5. Organisasi komunikasi massa punyo tingkek kompetisi nan tinggi antar satu samo nan lain

Transisi

Komunikasi massa alah mangalami parubahan sairiang wakatu balalu. Zaman kini media nan digunoan untuak manyaluran informasi kapalo khalayak nan banyak alah banyak nan baru. Kini media komunikasi massa alah bisa manjadi platform nan bisa mamuek banyak hal. Sadoalahnyo ado di media massa. Pangguno media massa bisa mangakses sadoalah informasi nan dibutuahan malalui media sosial nan manggunokan internet. Kini sadoalah urang alah bisa manjadi sumber informasi dari kejadian nan ado disekitarnyo.