Kernel (ilimu komputer)

Kernel manghubuangkan parangkek lunak aplikasi jo parangkek kereh komputer.
Media: Kernel

Kernel marupoan program komputer nan manjadi inti dari sabuah sistem operasi komputer, dangan kontrol tahadok sagalo hal ateh sistem tasabuik. Pado kabanyakan sistem, kernel marupoan ciek dari program nan dijalankan pado urutan partamo katiko komputer banyaloan. Kernel manangani fungsi-fungsi salanjuiknyo ateh proses panyiapan komputer dari sojak komputer banyaloan saroman jo layanan input/output dari program lain, manarjomahkanyo ka dalam instruksi-instruksi untuak dieksekusi dek prosesor. Kernel manangani juo parangkek karajo lain saroman jo memori, papan katiak, tetikus, monitor, printer, speaker, saroto parangkek-parangkek lainnyo.

Basobok akses tahadok parangkek kareh tabateh, sadangkan ado labiah dari ciek program nan haruih balayani dalam wakatu nan basamoan, mako kernel batugas juo untuak mangatua bilo jo barapo lamo suatu program dapek manggunoan ciek bagian parangkek kareh tasabuik. Hal tasabuik dinamoan sabagai multiplexing.

Akses kapado parangkek kareh sacaro langsuang marupoan masalah nan kompleks, basobok dektu kernel biasonyo mangimplementasikan sakumpulan abstraksi hardware. Abstraksi-abstraksi tasabuik marupoan sabuah caro untuak manyambunyikan kompleksitas, dan mamungkinkan akses kapado parangkek kareh manjadi mudah dan saragam. Sahinggo abstraksi pado akhianyo mamudahkan karajo programer.

Pada dasarnyo, untuak manjalankan sabuah komputer indak haruih manggunoan kernel sistem operasi. Sabuah program dapek pulo langsuang bajalankan dek komputer, iyolah katiko sabuah program komputer akan digunoan tanpa bantuan abstraksi parangkek kareh atau bantuan sistem operasi. Teknik iko umumnyo digunoan dek komputer-komputer generasi awal, sahinggo bilo ingin bapindah dari ciek program ka program lain, pangguno haruih mareset dan manjalankan baliak program-program tasabuik.