Jambatan Lubuak Tano

Wikipedia Minangkabau - Lubuak aka tapian ilimu
(Dialiahkan dari Jembatan Lubuak Tano)

Jambatan Lubuak Tano marupoan jambatan tapanjang di Kabupaten Padang Pariaman. Jambatan Iko adalah wisata baru di Padang Pariaman.[1] Jambatan Lubuak Tano ko manjadi salah satu ikon destinasi wisata Padang Pariaman. Bupati Padang Pariaman H. Ali Muhkni manyatoan basonyo jambatan ko mahubuangan Kecamatan VII Koto Sungai Sariak ka Kecamatan Patamuan jo Padang Sago.[2] Adonyo jambatan ko labiah mampamudah jalur ekonomi masyarakik satampek apo lagi untuak petani labiah mampamudah mambaok hasil panennyo. Jambatan ko dilengkapi jo sajumlah objek diantaranyo di bagian bawah jambatan ado taman nan bisa dijadian objek untuak bafoto-foto. Ado jambatan ko labiah mampamudah jarak sakitar 20 km. Dek sabalunnyo masyarakat VII Koto harus melewati Kota Pariaman kalau nio ka Padang Sago ataupun sabaliaknyo. Desain Jambatan ko dilengkapi jo lampu-lampu nan unik untuak malam hari. Jambatan ko dibangun nan panjangnyo 83 meter jo leba 8 meter.[3]

Rujuakan[suntiang | suntiang sumber]

  1. "Jembatan Lubuak Tano sudah Dinikmati Warga". Posmetro Padang (dalam bahasa Inggris). 2018-11-10. Diarsipkan dari versi asli tanggal 2019-10-22. Diakses tanggal 2019-12-20. 
  2. Agency, ANTARA News. "Jadi lokasi wisata baru, omzet pedagang di jembatan Lubuk Tano naik". Antara News Sumbar. Diakses tanggal 2019-12-20. 
  3. "Dibanjiri Wisatawan, Jembatan Lubuak Tano Terpanjang di Padang Pariaman". harianhaluan (dalam bahasa Indonesia). 2018-09-18. Diakses tanggal 2019-10-22.