Energi

Dalam fisika, energi atau tanago adolah properti fisika dari suatu objek, dapek baranjak malalui interaksi mendasar, nan dapek diubah bantuaknyo tapi indak dapek diciptakan ataupun dihancuakan. Joule adolah satuan SI untuak energi, diambiak dari jumlah nan dibarikan pado suatu objek (malalui karajo mekanik) dangan mamindahkannyo sajauah 1 meter jo gaya 1 newton

Karajo jo paneh adolah duo contoh proses atau mekanisme nan dapek mamindahan sajumlah energi. Hukum kaduo termodinamika mambatasi jumlah karajo nan didapek malalui proses pamanasan - babarapo di antaronyo akan hilang sabagai paneh buangan. Jumlah maksimum nan dapek digunoan untuak karajo disabuik energi tasadio. Sistem sarupo masin jo benda hiduik mamaralukan energi nan tasadio, indak hanyo sambarang energi. Energi mekanik jo bantuak energi lainnyo dapek bapindah langsuang ka energi paneh tanpa pambatasan tatantu.