Cik Mancik

Cik Mancik adolah pamenan nan di ilhami samo parangai mancik nan suko manyuruakan diri, tarutamo dari pangintaian kuciang. prinsip pamenannyo adolah ado ciek urang yang mancari yang dipanggia kuciang, dan ado babarapo urang nan batindak sabagai mancik. Pamenan iko dimainkan samo anak laki-laki jo padusi. Untuak jumlah pamain tagantuang pado minat urang nan ikuik.

Pasiapan pamenan adolah partamo mamiliah lapangan pamenan, biasonyo di laman rumah atau tanah lapang, kamudian manantuan sabuah titiak atau dindiang atau tonggak sabagai tampek si pancari (kuciang). Sasudah itu dibuek undian untuak mancari ciek urang sabagai kuciang.

Satalah manamuan saurang sabagai kuciang mako pamainan sacapeknyo di mulai. Si kuciang tagak di tonggak sambia manutuik mato. Pamain lain yang batindak sabagai mancik punyo kesempatan untuak manyuruak. Dalam kondisi mato tatutuik sang kuciang mananyoan apokah kasadonyo alah siap basambunyi sambia maariak "alaaah...aluuun". Bilo tadanga suaro "alaaah", mako pencarianpun dimulai. Bilo si pancari mancaliak pamain yang sadang manyuruak, mangko inyo akan manyabuikan namonyo dan sacapeknyo babaliak ka tonggak. Bilo inyo kalah capek, mako panamuan dinyatoan gagal dan si mancik berhak manyuruak baliak. Pamain nan ditamuan itu harus kalua dan manunggu di tampek tatantu. sarupo itu sataruihnyo.

Bilo pamain alah dapek kasadonyo, mangko si kuciang akan babaliak ka tonggak sambia manutuik mato. Dibalakangnyo tagak kasado pamain sambia manyabuik angko uruik masiang-masiang. Si pancari manyabuik ciek angko, angko nan tasabuik mandapek giliran sabagai pancari atau kuciang.