Bungo pukua ampek
Bungo pukua ampek atau dikenal sabagai bungo ashar marupokan tumbuahan herba perennial atau musiman nan dapek tumbuah hinggo 1,5 meter dan mampunyoi warno bungo nan indah. Bungo banamo latin Mirabilis jalapa L. mamiliki kaunikan hanyo bisa kambang pado sore ari sakita pukua ampek sore dan kambali manguncuik manjalang pagi. [1]
Flora iko ditatapkan sabagai identitas Provinsi Lampuang karano dulunyo masyarakaik Lampuang mananam bungo iko di pakarang surau supayo dapek maliek patando masuaknyo solat ashar. [2]. Salain hanyo kambang di sore ari, bungo iko dapek maubah warno bungo dalam satu pohon.
Bunga iko bukan barasa dari Indonesia, malainkan dari Amerika Salatan dan biasonyo ditanam oleh masyarakaik sabagai tanaman hias di alaman rumah atau sabagai pambateh paga rumah. Mirabilis jalapa lebih dikenal dengan sabutan “Kaindahan malam” atau kaajaiban dari Peru. Mirabilis memiliki arti keindahan dan jalapa adalah nama populer di Amerika Utara. [1]
Salain dikenal sabagai bungo pukua mapek, bungo iko mamiliki sabutan populer lainnyo yaitu kupa oras (Ambon), noja (Bali) dan cako rana (Ternate). Dalam bahasa asing disebut four o’clock plant atau four o’clock flower (Inggris). [3]
Deskripsi
[suntiang | suntiang sumber]Bungo pukua ampek tamasuak ka dalam suku Nyctaginaceae atau suku kampah-kampahan nan mampunyoi 30 genus dan ado sakita 300-400 spesies. Ado 5 genus dan 10 spesies barado di Pakistan.
Tanaman iko mamiliki aka tunggang bawarno putiah dan mamiliki raso nan manih. Satalah barusia gadang, aka akan bakambang manjadi umbi bawarno cokelat kaitaman dan babantuak bulek mamanjang. Batang bungo pukua ampek tamasuak dalam golongan batang basah (herbaceous) dengan tinggi sakita 20 cm-80 cm, babantuak bulek bacabang jo pamukoan lua nan licin dan babuku-buku. Satiok buku mamiliki tuneh daun. Daunnyo bawarno ijau dan batulang manyirip dengan mamiliki bantuak mode jantuang, pangka daun mambulek dan di sakita tapi daun nan rato, ujuang daunnyo marunciang. Ukuran daun bungo pukua ampek mancapai 5-11 cm dan leba 4-7 cm. [4]
Mirabilis jalapatagalong bungo tungga nan talatak di ujuang batang sarato mampunyoi daun palinduang nan saliang manyatu. Bunganyo babantuak sagitigo mamanjang mode tarompet jo bagian ujuang batajuak limo dan mamiliki banang sari bajumlah 1-10 nan tasusun sacaro malingka. Buah bungo pukua ampek tamasuak ka dalam buah kuruang nan bararti babiji ciek indak pacah, dindiang buahnyo tipih, kuliknyo indak balakekan, dan biji malakek pado kulik. Bijinyo mamiliki sarbuk sari spheroidal, berukuran 125-140 μm dengan taba spinulose, tinggi duri 0,5-1 μm.2[1]
Patumbuahan
[suntiang | suntiang sumber]Tanaman iko tumbuah di daerah nan mandapek cukuik sinar matoari, mulai dataran randah hingga 1200 mdpl. Bungo iko dapek dipabanyak dengan mananam bijinyo. [5]
Manfaaik
[suntiang | suntiang sumber]Hampia saluruah bagian dari bungo pukua ampek dimanfaaikan oleh manusia, tarutamo di bidang kasehatan. Ekstrak daunnyo dapek digunokan sabagai ovisida nyamuk Aedes aegypti. Sanyawo nan takanduang dalam ekstrak daun iko dapek malamahkan daya teteh talua, mangganggu struktur koroin talua, marusak fluiditas membrane sel, dan mampangaruhi pakambangan embrio talua nyamuk Aedes aegypti.[5]
Bungonyo bakhasiat maradokan dan mangatasi panyakik tukak lambuang atau mag. Sanyawo aktif dalam kanduangan bungo iko bakhasiat mangatasi luko atau radang pado lambuang. Salain itu, dapek dimanfaaikan untuak maradokan dan mangatasi kaputihan pado wanita. Sifek antioksidan dalam Mirabilis jalapa bakhasiat manangka radika bebas dan mangatasi kanker. Caranyo dengan maabuih babarapo kuntum bungo lalu sariang dan minum aianyo. Rabusan tanaman iko ampuh juo untuak mangatasi dan manyambuhkan infeksi saluran pipis. Ekstrak pado bungo pukua ampek dapek juo digunokan untuak manambah raso, warno, dan aroma dari makanan. [1][5]
Salain itu, kanduangan kimia pado tanaman iko yaitu saponin, tanin, dan flavonoida. Saponin bafungsi untuak mancagah tajadinyo arbsorbsi glukosa manuju brush border intestinal di dalam usus aluih sahinggo dapek manurunkan kadar glukosa darah. Sanyawo flavonoid mamiliki fungsi untuak manghambek enzim alfa glikosidase nan baparan dalam pamacahan karbohidrat manjadi glukosa. Dengan mode itu, apobilo kerja enzim tahambek mako kadar glukosa dalam darah akan manurun. Selain itu, tanin mamiliki paranan juo dalam panurunan kadar glukosa darah. [1]
Kanduangan zat tapuang nan tadapek dalam tanaman iko ampuh dalam mangatasi jarawek dan mambuek wajah labiah carah dan sehat. Caronyo dengan manumbuak bungo pukua ampek sabagai masker wajah menumbuk bunga ini sebagai masker wajah. kstrak pada bunga pukul empat juga dapat digunakan untuk
menambah rasa, warna, dan aroma dari suatu makanan.[5]
Rujuakan
[suntiang | suntiang sumber]- ↑ a b c d e Rama Yupi Fahira.2020. “Pengaruh Ekstrak Daun Bunga Pukul Empat (Mirabilis Jalapa) Terhadap Kadar Glukosa Darah Mencit Jantan (Musmusculus) yang Diinduksi Aloksan. Lampung: Fakultas Tarbiyah dan Keguruan Universitas Islam Negeri Raden Intan Lampung.
- ↑ https://voxlampung.com/2021/02/24/mengenal-bunga-ashar-bunga-khas-lampung-yang-digunakan-sebagai-penanda-waktu-salat/
- ↑ alamendah (2011-05-10). "Bunga Ashar Kembang Pukul Empat". Alamendah's Blog (dalam bahasa Indonesia). Diakses tanggal 2022-05-28.
- ↑ Endang Hanani, Rini Prastiwi, and Lina Karlina, „Indonesian Mirabilis Jalapa Linn.: A Pharmacognostical and Preliminary Phytochemical Investigations‟, Pharmacognosy Journal, 2017
- ↑ a b c d "Bunga Pukul Empat Tebar Manfaat, dari Kanker hingga Usir Jerawat •". Klik Hijau (dalam bahasa Indonesia). 2020-07-04. Diakses tanggal 2022-05-28.