Abraham Lincoln
Abraham Lincoln (lahia di Hardin County, Kentucky, 12 Februari 1809 – maningga di Washington, D.C., 15 April 1865 pado umua 56 taun) adolah Presiden Amerika Serikat yang ka-16, manjabaik samanjak 4 Maret 1861 hinggo tajadi pambunuhan.[1] baliau mamimpin bangsanyo kalua dari Perang Saudara Amerika, mampatahankan kasatuan bangsa kamudian manghapuih pabudakan nan ado katiko itu. tapi, katiko parang ampia barakhir, baliau manjadi presiden nan patamo nan dibunuah..[rujuakan?]. Sabalum dilantik pado taun 1960 sabagai presiden patamo Partai Republik, Lincoln sabalumnyo adolah sabagai pengacara kamudian anggota legislatif Illinois, anggota DPR Amerika Serikat, jo duo kali gagal katiko pamilihan senat.[2]
Sabagai panantang pabudakan, Lincoln mamanangkan pancalonan presiden Amerika Serikat asa Partai Republik pado tahun 1860 kamudian tapiliah sabagai presiden.[rujuakan?] Maso pamarintahahnyo banyak tajadi kakalahan yang dirasoan Negara Konfederasi Amerika, yang satuju pabudakan. katiko Perang Saudara Amerika. Baliau mangaluaaan kaputusan yang mamarintah pangapuihan adonyo budak malalui Proclamation of Emancipation pado taun 1863 kamudian ditambah Pasal ketiga belas ka dalam UUD AS pado taun 1865.[3]
Lincoln maawasi parang sacaro taliti, tamasuak katiko pamilihan pamimpin perang contohnyo Ulysses S. Grant. Urang ahli sajarah manyimpuakan Lincoln mauruih kalompok-kalompok nan didalam Partai Republik sangai elok, sudah tu mambao tiko-tiok pamimpin faksi masuak kabinetnyo dan mamaso untuak karajo samo. Lincoln bahasia maradaan katagangan jo Inggris manyusua Skandal Trent pado taun 1861. Maso kapamimpinannyo, urang dari utara bahasia manduduak an wilayah di salatan samanjak paparangan. . Lincoln sudha tu tapiliah baliak manjadi presiden AS pado taun 1864.
Urang nan panantang parang mangkritisi Lincolnkarano sikapnyo nan manolak untuak baiyo-iyo tahadok pabudakan. Sabaliaknyo, kaum nan mampatahan kahandaknyo nan barasa Republikan Radikal, faksi nan katuju jo panghapusan pabudakan Partai Republik, Lincoln mangkritisi Lincoln dek sikapnyo nan lambek katiko panghapuihan budak. walau banyak halang rintang, Lincoln bahasia manyatuan opini urag rami lewaik kamampuan silat lidah jo pidato; pidatonyo nan paliang rancak adolah Pidato Gettysburg. Katiko lah dakek akhia parang, Lincoln manjuak an sikap nan basahabat tahadok pambangunan, yaitu mamimpian pasatuan bangsa-bangsa baliak malalui kaputusan manjalin hubungan baliak. Kamudian panggatinyoAndrew johnson, turuik sarato mamimpian basatunyo urang kulik putiah cuman nyo gagal mampatahanan kabebasan budak nan baru sajo bebas. Lincoln marupokan presiden AS yang dianggap paliang hebat samaso sejarah Amerika.[4]
Keluarga jo Anak
[suntiang | suntiang sumber]Kahidupan awal mulo
[suntiang | suntiang sumber]Abraham Lincoln dilahian di sabuah gubuak di Kentucky, 12 Februari 1809. Urang tuonyo miskin jo indak sakolah. Lincoln surang cuman sakolah kiro=kiro sampai satahunnyo, tapi baliau capek bisa mambaco, manulih jo bahituang. Pas lah gadang, balia bausaho kareh untuk manambah ilmu nan saketek. baliau manggunoan saelok mungkin buku nan bisa dibaco sampai bahasia jadi ahli hukum katiko baumua 28 taun.[5]
Manikah jo anak-anak
[suntiang | suntiang sumber]Cinto patamon Lincoln adolah Ann Rutledge, basobok patamo kali katiko baliau pindah ka New Salem pado taun 1935, kaduonyo bahubuangan tapi sacaro ndak resmi. Ann ko maningga katiko usia 22 pado tanggal 25 Agustus 1835, dek karano demam tifoid[6] Pado taun 1830an, Lincoln basobok jo Mary Oowens di Kentucky katiko mancaliak kakaknyo.
Awal karier jo dinas militer
[suntiang | suntiang sumber]Wakatu mudo, Abraham Lincoln karajo dalam bamacam-macam masalah hukum. Baliau dulu pernah pulo karajo sabagai pambalah kayu baka, jadi tentara, sudah tu manjadi awak kapanan ado disungai, juru tulis, manjago kadai, kapalo kantor pos, kamudian jadi pengacara.[7]
Baliau gigiah mambela hak budak budak Afrika. Salamo manjabaik, ado banyak budak di salatan, baliau bakainginan untuak malapehan urang-urang itu. Banyak urang-urang nan ndak satuju jo rencanatu kamudian mambuek Pasatuan Salatan dan sabuah pasukan untuk baparang malawan pasukan Utara Lincoln katiko pada Parang Utara jo Salatan. pasukan tu wakatu tu manang di parang tu.[8]
Langkah patamo masuak poliyi nyo tajadi katiko1832 katiko itu usianyo 23 tahun. Maso itu nyo barusao untuak dipiliah manjadi anggota Dewan Perwakilan Rakyat Daerah negara bagian Illinois, di bagian barat-tangah Amerika. tapi baliau kalah katiko pamiliahan, duo tahun sudah tu barusaho baliak untuak menang. Samanjak itu, baliau dipiliah tigo kali baturuik-turik satalahnyo.[9]
Rujuakan
[suntiang | suntiang sumber] |
Wikimedia Commons mampunyoi media nan bahubuangan jo Abraham Lincoln |
- ↑ Suhindriyo. 1999. Biografi Singkat Presiden-Presiden Amerika Serikat. Yogyakarta: Yayasan Pustaka Nusatama, hal/56.
- ↑ http://www.whitehouse.gov/about/presidents/abrahamlincoln
- ↑ http://www.answers.com/topic/abraham-lincoln
- ↑ "archive copy". Diarsipkan dari versi asli tanggal 2010-05-04. Diakses tanggal 2019-09-21.
- ↑ http://www.notablebiographies.com/Ki-Lo/Lincoln-Abraham.html
- ↑ Donald (1996), pp. 55–58.
- ↑ http://www.enchantedlearning.com/history/us/pres/lincoln/
- ↑ http://gardenofpraise.com/ibdlinco.htm
- ↑ http://www.britannica.com/EBchecked/topic/341682/Abraham-Lincoln