Sulaman tusuak silang

Sulaman Tusuak Silang

Sulaman tusuak silang marupokan bantuak sulaman nan paliang tuo dari karajinan lainnyo (bordir), dan dapek ditamukan disaluruah dunia tamasuk pado daerah minangkabau. Hasil karajinannyo sarupo baju hieh nan babantuak tusuak silang, khususnyo di benua Eropa dan Asia, karano dijadikannyo untuak benda pameran dimuseum dalam etnologi disaluruah dunia. Sulaman marupokan bagian dari bantuak seni budayo nan sacaro turun tamurun didalam masyarakaik tamasuak diminangkabau. Usaho karajinan sulaman iko jugo sabagai tampek sumber mato pancariannyo bagi masyarakat.

Sulaman tusuak silang adolah macam sulaman nan mamakai jaikan pado banang, nan basilang silang diateh kain strimin nan disabuik tenun sajaja. Dalam teknik manjaikannyo dikarajoan dalam setik setik silang, babagai bantuak sulaman pado hiasan baju, parabot rumah tanggo, dan hiasan pado dindiang. Sulaman pado tusuak silang, badesain pado gambar nan bapola dan bamotif nan awak buek surang. Sulaman pado tusuak silang dapek sabana rancak jikok pado kain striminnyo diagiah hiasan pado pinggia pinggia kainnyo nan babantuak tusuak silang. Pado teknik manjaikannyo ado babagai dasar sulaman nan dibuek rapi dan barasiah, supayo sulaman nan bamotif taliek bakombinasi pado teknik nan dijaikannyo.

Pado sulaman tusuak silang banang nan dipakainyo untuak manjaik sarupo bantuak sulam dari katun atau rayon, dan jarum nan digunokannyo untuak mangkaikan jarum kabanang disabuik jarum tapestri, nan ujuang jarumnyo tumpua jo mato jarumnyo nan baukuran gadang, karno dapek dilewatan sahalai banang sakaligus nan dimasuakannyo. Kain untuak sulaman itu mamiliki kotak kotak dalam ukurannyo nan samo, dan itu hasil jaikannyo dapek taliek sarupo pola pola persegi dan ukurann nan babantuak samo.

Bacaan lanjuik

* Murtihadi. 1982. Dasar dasar desain. Jakarta, DIPENJUR. Depdikbud.

* Sativa, S.A. 1999. Antakesuma Suji dalam Adat Minangkabau. Jakarta: Djambatan.

* Zulkarnaen, Y. 2006. Sulam Benang untuak Pemula. Jakarta: Puspa Swara.