Padang International Dragonboat Festival
Padang International Dragonboat Festival (Festival Sampan Nago Internasional) adolah olahraga aia tingkek dunia nan diadokan satiok taun di Kota Padang, Provinsi Sumatera Barat. Festival ko diadokan dek Pamarentah Kota Padang salamo 4 ari di bulan Agustus dakek banda bakali GOR Haji Agus Salim, Kota Padang.
Satiok taun acara ko diikuti dek Persatuan Olahraga Dayung Seluruh Indonesia (PODSI) sa-Indonesia [1]. Taun 2018, adu laju sampan ko diramikan dek sajumlah tim dayuang dari banyak negara, sabuik se Jepang, Taiwan, Hongkong, Malaysia, Jerman jo Indonesia untuak mamparabuikkan hadiah sajumlah Rp. 190.000.000[2].
Sijarah
[suntiang | suntiang sumber]Lomba laju sampan nago ko (Dragon Boat) dalam baso Mandarinnya dinamokan Duan Wu Jie. Festival ko asalnyo dari salah ciek perayoan budayo tradisional Tiongkok nan umuanyo labiah dari 2000 tahun. Adu laju sampan ko dirayokan biasonya pado tanggal 5, bulan 5 pado pananggalan kalender bulan satiok tahunnyo atau jatuah pado bulan Juni pananggalan internasional (Gregorian).[3] Di Kota Padang, lomba ko jadi bagian dari parayoan hari jadi Kota Padang nan jatuah tanggal 7 Agustus.[4]
Rujuakan
[suntiang | suntiang sumber]- ↑ antaranews.com. "Festival perahu naga menjaga tradisi bangsa - ANTARA News". Diakses tanggal 2018-08-12.
- ↑ antaranews.com. "Festival perahu naga Padang". www.antaranews.com. Diakses tanggal 2018-08-12.
- ↑ Horde, Golden (24 June 2012). "Perahu Naga & Duan Wu Jie". Diarsipkan dari versi asli tanggal 12 August 2018. Diakses tanggal 12 August 2018.
- ↑ "Padang Gelar Lomba Perahu Naga Internasional Ke-15". 2017-08-02. Diarsipkan dari versi asli tanggal 2018-08-12. Diakses tanggal 2018-08-12.