Batagak kudo-kudo

Wikipedia Minangkabau - Lubuak aka tapian ilimu
(Dialiahkan dari Batagak Kudo-kudo)

Batagak kudo-kudo adolah tradisi Padang Pariaman nan taruih dilakuan hinggo kini. Masyarakaik akan tibo manghadiri acara iko, baiak mambuek rumah surang, rumah gadang, atau musajik. Dalam upacaro adaik batagak kudo-kudo, masyarakaik diundang untuak mangadiri acara iko. Pado kagiatan batagak kudo-kudo, para tamu undangan juo alah mampasiapkan hadiah untuak diaagiakan kapado nan malakuan batagak kudo-kudo. Biasanyo, hadiah itu barupo parlangkapan bahan untuak mambuek, maupun sajumlah piti sasuai jo kamampuan kasado tamu.[1]

Pado dasarnyo, masyarakaik nan ikuik upacaro Batagak Kudo-Kudo adolah tatanggo sakitar jo sanak kaluarga, sahinggo upacaro iko sarupo jo panikahan, atau nan urang Minang sabuik sabagai Baralek. Salain itu, ado salah satu kasamoan lain nan cukuik mancolok antaro tradisi Batagak Kudo-Kudo jo baralek pado umumnyo. Tradisi Batagak Kudo-Kudo adolah tradisi nan dibaok sacaro turun-tamurun nan hinggo kiniko masih taruih dilakuan di Ranah Minang. Bahkan kini ko indak hanyo tatangga sakitar nan badatangan tapi para parantau nan alah barasia di parantauan.

Rujuakan[suntiang | suntiang sumber]

  1. Efendi, Rustam. "Batagak Kudo-Kudo Tradisi Membangun di Minang". www.marimembaca.com. Diakses tanggal 21-12-2018.