Abdul Latif Syakur
H. Abdul latif Syakur adolah saurang ulama nan barasa dari desa Aie Mancua. Baliau dilahiakan tangga 27 Ramadhan 1299 H, batapatan jo 15 Agustus 1882 M[Catatan 1]. Ayahnya banamo Muhammad Amin Paduko Intan Haji Abdul Syakur dan Ibu nan banamo Fatimah. Pado taun 1890 beliau barangkek ka Makkah basamo ayahnya dan menetap di sano salamo 12 tahun. Di sinan, baliau baraja agamo kapado Syaikh Ahmad Khatib Al-Minangkabawiy (ulama, mufti, dan imam Masjidil Haram) dan pulang ka Indonesia pado taun 1902 M (Rabiul Awal 1319 H) dan menetap di Sawah Gadang desa Balai Gurah lalu menikah jo saurang gadis dari suku Sikumbang nan banamo Rafah dan mamiliki 2 anak, Lidin dan Kalamuddin. Dalam pengajarannya akhlak sabagai point penting, dek pado masanya masyarakaik Minangkabau nan hiduik di sekitarnyo mamiliki kebiasaan nan buruak seperti, meminum-minuman keras, mangganjo, maadu ayam, dan lain sabagainyo.[1][2]
Kehidupan awal
[suntiang | suntiang sumber]Abdul Latif Syakur lahia di desa banamo Aia Mancua pado tanggal 27 Ramadhan 1299 H atau 15 Agustus 1882 M. Waktu ketek, katiko Abdul Latif barumua 7 tahun, ibunyo alah maningga sawaktu malayian aanak kamba. Ibu Abdul Latif barasal dari nagari Simabur, Sawah Gadang (Desa Balai Gurah) samo asalnyo jo ayah Abdul Latif nan basuku Pili. Urang tuo Abdul Latif bakarajo sabagai pangusaha pamborong nan pernah mamborong pas mambuek jembatan gantung rel kareta api Padang-Bukittinggi. Disampiang itu, Abdul Latif indak malu lo untuak karajo manyabik rumpuik nan dijua ka padati nan acok lewat transportasi wakatu itu.
Abdul Latif dibaok ka Makkah dek ayahnyo satalah ibu Abdul Latif wafat, untuak dikhitan dan baraja ka Syeikh Ahmad Khatib Al-Minangkabawi. Katiko pulang dari Makkah, Abdul Latif manikah jo gadih Sikumbang banamo Rafah kamudian punyo anak banamo Lidin jo Kamaluddin nan tingga di Sawah Gadang desa Balai Gurah.
Dakwah
[suntiang | suntiang sumber]Katiko tingga di kampuangnyo, Abdul Latif maraso sadiah mancaliak panduduak kampuangnyo nan suko bamegah-megahan, adu ayam bahkan minum minuman kareh. Walau ado juo nan ta'at iyolah urang dari kalangan bawah nan hiduik sulik. Akhirnyo Abdul Latif mamikian caro untuak marubah keadaan kampuangnyo. Mulo-mulo Abdul Latif mandakek ka masyarakaik kampuangnyo sambia baraja bahaso Minang walau tasandek-sandek daripado bahaso Arabnyo nan lanca. Kiat Abdul Latif untuak mangambangan Islam di kampuangnyo sangaik payah sampai sobok jo kawannyo nan baru pulang dari Makkah, banamo Syeikh Muhammad Jamil Jambek nan dapek saliang manguekan. Kaduo tokoh ko mansosialisasian islam ka masyarakaik kampuangnyo. Lamo-lamo upayo Abdul Latif jo kawannyo mambuek masyarakaik kampuang mulai barubah parangainyo nan ka elok, kamudian mambuek surau di Sicamin nan banamo Al-Tarbiyat Al-Hasanah pado taun 1910 M (1328 H) nan maaja pangajian tantang tulih baco Al-Qur'an sambia badakwah ka masajik-masajik.
Dalam suasana angeknyo galanggang pasalisiahan fikiran antaro kaum mudo dan tuo, Syaikh Abdul Lathif mamiliah untuak maasiangan diri dari galanggang debat khilafiyah itu. Dakwah baliau labiah banyak mambahas tantang akhlak dan adab, sarato tafsir Al-Quran dan bahaso Arab. Baliau banyak mambao nilai-nilai kamanusiaan, kaadilan bagi kaum padusi dan laki-laki, sataro paralunyo maraso bakebangsaan[1].
Dalam mampalueh jaringan, pengajian Islam Haji Abdul Latif Syakur ikuik maaja di Modern Islamic Collage, Diniyah Pasir IV Angkek jo Kuliyatu 1-Islamiyatu 1-'Asriyah. Abdul Latif wafat hari Sabtu malam tanggal 13 Juni 1963 di RSUP M.Jamil, Padang. Walaupun alah tiado, pengajian H.Abdul Latif Syakur banyak nan dapek diambiak suri teladan dan ilmu dari beliau. Di tangah maraknya masyarakaik nan melalaian ajaran Rasulullah SAW. namun beliau tatap gigih sampai manghasilkan karya dan tampek-tampek pengajian nan sangaik bapengaruh pado masyarakaik pado maso itu.[3]
Karya
[suntiang | suntiang sumber]Abdul Latif banyak manulis kitab, utamonyo dalam hal akhlak dan adab, sarato tafsir Al-Quran dan bahaso Arab. karya beliau diantaronyo:
- Al-Da’wah wa al-Irsyâd ilâ Sabîl al-Rasyâd (1951).[4]
- Tafsir Yā Ayyuha an-Nâs[5]
- Tafsīr Yā Ayyuha Al-Lażīna Āmanū[4]
- Lataif al-Hadith al-Nabawiyyah atau Al-Latha’if (2 jilid)[5]
- Mabādi’ al-Qāri: Kitab Peladjaran Ilmoe Tadjwid (1917)[5]
- Akhlāqunā al-Adabiyah[5]
- Al-Tarbiyah wa al-Ta’līm Qism al-Tauhīd (1927)[5]
- Tarbiyah al-Islamiyah fi Durus al-Fiqhiyyah (1927)[6]
- Mabādi al-‘Arabiyah wa Lughatuha[5]
- Ta’līm al-Qirāah al-‘Arabiyah[5]
- Al-Fiqh al-Akbar[4]
- Tafsir al-Mufrodāt al-Qur’an[4]
- Tafsīr al-Khalīq[7]
- Tafsir Surah al-Mukminūn atau Al-Juz'u al-Thamin 'Ashr min Surat al-Mukminūn[5]
- Al-Akhlaq wa al-‘Adāb[7]
- Al-Mu’ashārah[8]
- Dunia Perempuan[9]
- Sullam al-‘Arab Ilā Lugah al-‘Arab (2 jilid)[9]
- Nazham Nasehat untuk Anakku (1925)[9]
- Khithabah[9]
- Risalah Lathifah[9]
- Kamus Abdul Latif[10]
- Kitāb at-Tauḥīd[7]
- Taqrib al-Majazah: Membitjarakan Perkara Kematian (1926)[9][11]
- Tambo Islam[5]
- Mulakhaṣ al-Tārīkh al-Islāmi[5]
- Tarjamah Lafziyah al-Qur’an[4]
- Muqaddimah Uṣul Fiqh
- Kumpulan Pidato Haji Abdul Latif Ampek Angkek
Referensi
[suntiang | suntiang sumber]- ↑ a b Yosi Nova (2022). HAJI ABDUL LATIF SYAKUR (1299 H-1383 H/1882 M-1963 M); Pemikiran, Wacana dan Gerakan Pembaharuan Islam di Minangkabau Abad XX. Jakarta: Sakata Cendikia. https://repository.uinjkt.ac.id/dspace/bitstream/123456789/65857/2/VERSI%20BUKU%20YOSI%20NOFA.pdf.
- ↑ Tim Islamic Centre Sumatera Barat (2001). Riwayat Hidup Ulama Sumatera Barat dan Perjuangannya. Sumatera Barat: Islamic Centre (Pusat Kajian Islam). pp. 224. ISBN 979-9252-85-7.
- ↑ Riwayat Hidup ULAMA SUMATERA BARAT dan Perjuangannya. Padang: Angkasa Raya. 19 Nopember 2001. pp. 121. ISBN 9799252857.
- ↑ a b c d e Wahidi, Ridhoul (2019-10-19). "Konsep Nasionalisme Perspektif Syaikh Abdul Latief Syakur". RELIGIA: 267. doi:10.28918/religia.v22i2.2191. ISSN 2527-5992.
- ↑ a b c d e f g h i j Fadila, Zikra. Naskah Tafsīr Āyāt Yā Ayyuhā al-Nās: Tafsir Antikolonialisme Abdul Latif Syakur. Manuskripta. ISSN 2355-7605.
- ↑ Fadila, Zikri (2018) (dalam bahaso id). PENERBITAN MINANGKABAU MASA KOLONIAL: Sejarah Penerbitan Buku di Fort de Kock (Bukittinggi) 1901-1942. Gre Publishing. ISBN 978-602-7677-59-3. https://books.google.co.id/books?id=5Wh_DwAAQBAJ&pg=PA104&dq=%22latif+syakur%22&hl=id&newbks=1&newbks_redir=0&sa=X&ved=2ahUKEwjouqihy4b1AhWlSmwGHXHDDugQ6AF6BAgIEAI#v=onepage&q=%22latif%20syakur%22&f=false.
- ↑ a b c Bustamam, Ridwan (2016-12-30). "Karya Ulama Sumatera Barat: Krisis Basis dan Generasi Penerus". Jurnal Lektur Keagamaan (dalam bahasa Inggris). 14 (2): 501‒534–501‒534. doi:10.31291/jlk.v14i2.510. ISSN 2620-522X.
- ↑ Riza, Yulfira (2020). "NASKAH AL MUĀSYARAH: KAJIAN FILOLOGI DAN REKONSTRUKSI WACANA GENDER DALAM MASYARAKAT MINANGKABAU AWAL ABAD KE-20". Diarsipkan dari versi asli tanggal 2021-11-13. Diakses tanggal 2021-11-13.
- ↑ a b c d e f Putra, Apria (2017-07-18). "Ulama Minangkabau dan Sastra: Mengkaji Kepengarangan Syekh Abdullatif Syakur Balai Gurah". Diwan: Jurnal Bahasa dan Sastra Arab (dalam bahasa Inggris). 9 (1): 601–624. doi:10.37108/diwan.v9i1.133. ISSN 2599-2023.
- ↑ "Koleksi | Manuskrip Puslitbang Lektur dan Khasanah Keagamaan - Kementrian Agama Republik Indonesia". lektur.kemenag.go.id. Diarsipkan dari versi asli tanggal 2023-07-27. Diakses tanggal 2021-11-13.
- ↑ Abdoel Latif Sjakoer (1926). Taqrīb al-maǧāza fī bāb al-ǧināza: Membitjarakan perkara kematian .... https://books.google.com/books?id=7zwtGwAACAAJ&newbks=0&hl=id.
 |
Ado naskah sumber nan bakaitan jo |
Kutipan rusak: Tag <ref> ado untuak grup banamo "Catatan", tapi indak ado <references group="Catatan"/>