Zainal Abidin Ahmad

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Zainal Abidin Ahmad adolah saurang wartawan Indonesia nan barasa dari Sumatera Barat. Zainal Abidin Ahmad lahia pado tanggal 11 April 1911 di Sulik Aia, Kabupaten Solok. Apaknyo banamo Haji Ahmad jo amaknyo banamo Sa’adiyah. Sajak baumua 6 taun inyo alah dimasuan mangaji di Surau Tabiang. Salah satu guru suraunyo dahulu banamo Angku Datuak. Riwayat sekolahnyo sasudah tu basakola di Sakola Rakyat lanjuik pindah ka Sakola Gubernemen. Kamudian inyo malanjuikan Sakola Thawalib Padang Panjang disinan mulai nampak bakatnyo dalam karang mangarang jo suko pulo palajaran sijarah. Di sampiang itu inyo baraja pulo di Sakola Diniyah, maso sakola nan saharusnyo manamaikan 7 tahun, inyo tamaikan hanyo dalam wakatu limo taun (1923-1928). Salain baraja di kaduo sakola tu, inyo juo baraja badakwah jo bapidato sarato mampalajari budayo Minangkabau dari Haji Abdul Karim Amrullah apaknyo Buya Hamka.[1] Zainal Abidin Ahmad maningga pado tanggal 26 April 1983 di RS Islam Jakarta.

Rujuakan[suntiang | suntiang sumber]

  1. Caniago, Hasril (2018). 121 Wartawan Hebat dari Ranah Minang. Padang: Biro Humas Setda Sumatera Barat. pp. 444-448. ISBN 978-602-51382-0-1.