Wilayah Ibu Kota Australia
Wilayah Ibu Kota Australia (ACT), nan dikenal sabagai Wilayah Ibu Kota Federal hinggo tahun 1938, adolah wilayah padalaman Australia. Canberra, ibu kota Australia, talatak di dalam wilayah ko, jo marupokan kota utamo wilayah tu. Wilayah Ibu Kota Australia talatak di tenggara Australia sabagai enklave nan dikaliliangi dek nagara bagian New South Wales. Wilayah ko dipisahan dari New South Wales pado tahun 1911 untuak bafungsi sabagai pusek pamarintahan Pasemakmuran. Wilayahnyo babatehan jo jalur kareta api Bombala di timur, daerah alian batang aia Naas Creek di selatan, batang aia Cotter di barat, sarato batang aia Molonglo di timur lauik.[1] Kini ko, ACT manjadi tampek sajumlah limbago politik jo budaya pantiang, tamasuak Parlemen Australia jo Mahkamah Aguang Australia, sarato kantua pusek banyak departemen jo limbago federal.
Wilayah ko mampunyoi laweh 2.358 km2 (910 mi2), saketek labiah ketek dari Luksemburg. Biro Statistik Australia mampakiroan bahwasannyo panduduak wilayah ko sabanyak 453.324 jiwa pado 31 Desember 2021, jo patumbuahan tahunan sagadang 0,4%.[2] Proyeksi tahun 2019 mampakiroan panduduak akan mamcapai sakitar 700.000 jiwa pado tahun 2058.[3][4] Sabagian gadang panduduak tingga di kota Canberra.[2]
Rujuakan
[suntiang | suntiang sumber]- ↑ "How were the ACT's boundaries determined?". www.abc.net.au. 10 April 2016. Diarsipkan dari versi asli tanggal 23 September 2021. Diakses tanggal 27 June 2021.
- 1 2 "National, state and territory population – September 2024". Australian Bureau of Statistics. 20 December 2025. Diarsipkan dari versi asli tanggal 26 January 2021. Diakses tanggal 8 January 2026.
- ↑ "ACT Population Projections: 2018 to 2058" (PDF). ACT Government. January 2019. Diarsipkan dari versi asli (PDF) tanggal 2022-10-09. Diakses tanggal 2019-04-02.
- ↑ "Latest ACT Population Projections". ACT Treasury. ACT Government. Diarsipkan dari versi asli tanggal 27 June 2021. Diakses tanggal 27 June 2021.