Wikipedia:Artikel nan Tapiliah/2016

Dari Wikipedia baso Minang, ensiklopedia bebas
Loncat ke navigasi Loncat ke pencarian
Gunuang Talang

Gunuang Talang (namo lainnyo Gunuang Salasi atau Sulasi) adolah gunuang barapi nan barado di Kabupaten Solok, Provinsi Sumatera Barat, Indonesia. Gunuang Talang balokasi sakitar 9 km dari kota Arosuka, ibukota Kabupaten Solok, atau sakitar 40 km sabalah timua Kota Padang. Gunuang batipe stratovolcano nan bakatinggian 2.597 m ko adolah salah satu dari gunuang api aktif di Sumatera Barat, sarato salah satu kawahnyo manjadi sabuah danau nan disabuik Danau Talang. Gunuang Talang alah pernah malatuih baulang-kali sajak taun 1833 sampai jo taun 2007. (salangkoknyo...)

Artikel nan Tapiliah sabalunnyo: Zonsondergang bij MontmajourBenteng Kuto BesakTuanku Imam BonjolTalempong


Rabindranath Tagore (1909)

Rabindranath Thakur, diijo caro Inggirih: Tagore, (uruih Benggali: রবীন্দ্রনাথ ঠাকুর, lahia 7 Mei 1861 – maningga 7 Agustus 1941), adolah surang panyaia jenius Benggala nan lah sabana baparan dalam pakambangan sastra jo musik di Asia Salatan. Baliau nan acok juo dipanggil "Gurudev" ko marupoan pangarang puisi tamusaua Gitanjali, nan "syairnyo sangaik manyintuah, sajuak jo endah", nan lah manyabaukannyo jadi urang bukan Eropa patamo nan mamanangan Adiah Nobel di bidang Sastra pado taun 1913. (salangkoknyo...)

Artikel nan Tapiliah sabalunnyo: Gunuang TalangZonsondergang bij MontmajourBenteng Kuto BesakTuanku Imam Bonjol


Musajik Kota Kinabalu

Kota Kinabalu (disingkek KK; daulu banamo "Jesselton"), adolah ibukota dari nagara bagian Sabah nan talatak di Malaysia Timur. Kota ko marupoan juo pusek pamarentahan untuak Bahagian Pantai Barat nagara bagian Sabah. Kota ko talatak di baraik lauik pasisia Kalimantan, nan maadok ka Lauik Cino Salatan. Gunuang Kinabalu nan jadi asa namonyo barado di wilayah kota ko, baitu juo jo Taman Tunku Abdul Rahman nan adolah tampek palinduangan kahiduikan lia sato tamasuak wilayah ko pulo. (salangkoknyo...)

Artikel nan Tapiliah sabalunnyo: Rabindranath TagoreGunuang TalangZonsondergang bij MontmajourBenteng Kuto Besak


Tulisan Allah

Islam adolah agamo nan batuhan ka Allah SWT jo banabi ka Nabi Muhammad SAW. Kato Islam sacaro harafiah aratinyo "basarah diri (pado Tuhan)". Jo labiah dari satu saparampek miliar urang pangikuik di saluruah dunia, manjadian Islam sabagai agamo tagadang kaduo di dunia sasudah agamo Kristen. Islam punyo arati "panyarahan", yaitu panyarahan diri sapanuahnyo kapado Tuhan (Arab: الله, Allāh). Panganuik agamo Islam disabuik Muslim nan baarati "surang nan tunduak kapado Tuhan", atau labiah langkoknyo adolah Muslimin bagi laki-laki jo Muslimat bagi padusi. Islam dianuik jo mayoritas panduduak Indonesia, damikian pulo urang Minang kini ko baagamo Islam sajak masuaknyo agamo Islam ka Minangkabau. (salangkoknyo...)

Artikel nan Tapiliah sabalunnyo: Kota KinabaluRabindranath TagoreGunuang TalangZonsondergang bij Montmajour


Logo Semen Padang FC

Semen Padang Football Club (dahulu Persatuan Sepak Bola Semen Padang) adolah sabuah klub sepak bola nan dipunyoi dek PT Semen Padang nan marupoan parusahaan semen paliang tuo di Indonesia. Klub sepak bola iko, bakandang di Indarung, Padang, Sumatera Barat, nan mamainan patandiangan kandangnyo di Stadion Agus Salim. Klub iko mamainan patandiangan kandangnyo di Stadion Agus Salim nan bakapasitas 20.000 panonton. Semen Padang FC badiri pado tanggal 30 November 1980. Mangawali debut di kancah sepak bola Indonesia malalui Divisi 1 Galatama taun 1980, pado taun 1982 Semen Padang FC barasil manjuarai Divisi 1 Galatama jo sakaligus promosi ka Divisi Utama Galatama. (salangkoknyo...)

Artikel nan Tapiliah sabalunnyo: IslamKota KinabaluRabindranath TagoreGunuang Talang


Danau Toba

Danau Toba adolah sabuah danau nan maisi kaldera gunuang barapi super (supervolcano), nan talatak di tangah-tangah bagian utara pulau Sumatra, Indonesia. Danau ko baukuran panjang labiah kurang 100 kilometer, lebanyo 30 kilometer, jo kadalamannyo inggo 505 meter (1,666 kaki). Danau ko mampunyoi elevasi muko labiah kurang 900 m (2,953 kaki), jo tabantang dari 2°53′LU 98°31′BT / 2,88°LU 98,52°BT / 2.88; 98.52 inggo 2°21′LU 99°06′BT / 2,35°LU 99,1°BT / 2.35; 99.1. Iko adolah danau tagadang di Indonesia, juo danau vulkanik tagadang di dunia. (salangkoknyo...)

Artikel nan Tapiliah sabalunnyo: Semen Padang FCIslamKota KinabaluRabindranath Tagore


Syarifah Nawawi

Syarifah Nawawi adolah surang tokoh pandidikan sarato pajuang Indonesia. Syarifah adolah anak dari pasangan Nawawi Soetan Makmoer, surang guru tanamo di Sakola Rajo (Kweekschool) Bukiktinggi. Syarifah manampuah pandidikan di Europeesche Langere School (ELS), sakola Balando di Bukiktinggi. Sasudah tamaik pado taun 1907 Syarifah malanjuik-an sakolanyo ka Kweekschool, tampek ayahnyo maaja. Pado taun 1908, Syarifah adolah satu-satunyo murik padusi di antaro 75 urang murik sakola tu, sarato Syarifah adolah gadih Minang partamo nan mangalami pandidikan ala Eropa.

Pado tanggal 11 Juli 1955, Syarifah basamo kawan-kawannyo mandirian Yayasan Panti Wanita Trisula Perwari. Syarifah indak pernah baranti mangabdi pado masyarakaik malalui pandidikan sarato mambarian pangajaran kapado anak-anak padusi sarato padusi mudo nan indak mampu. Syarifah manarimo piagam pangaragoan ateh sumbangsihnyo nan tulus sarato indak kenal lelah demi tarangkeknyo anak-anak padusi miskin ka darajaik nan labiah tinggi. Inyo maningga pado tahun 1988. (Salangkoknyo...)

Artikel nan Tapiliah sabalunnyo: Danau TobaSemen Padang FCIslamKota Kinabalu



Kambiang utan sumatera

Kambiang utan sumatera (Capricornis sumatraensis sumatraensis), disabuik juo dalam bahaso Gayo Noang, atau bahaso Malayu kambing gurun, adolah ciek spesies anggota upafamili kambiang-antelop (Caprinae); nan marupoan hewan asli paunyi utan-utan pagunuangan pulau Sumatera jo samananjuang Thai-Malaya. Kambiang utan sumatera tamasuak jinih hewan nan dilinduangi di Indonesia, badasar kapado Lampiran Peraturan Pemerintah RI No. 7 Tahun 1999, nan ditabikan tangga 27 Januari 1999. (salangkoknyo...)

Artikel nan Tapiliah sabalunnyo: Syarifah NawawiDanau TobaSemen Padang FCIslam


Kurambiak tradisional

Kurambiak atau karambiak (Malayu: Kerambit, Lawi Ayam, Tagalog: Karambit) adolah salah satu sanjato tradisional Minangkabau. Acok dipakai para padeka atau pasilek Minang jo Malayu, pamakaian sanjata ko taseba juo malalui padagangan jo ubuangan lainnyo ka daerah-daerah lain di Indonesia, Malaysia, jo Filipina, bahkan kini ko inggo ka nagara-nagara Baraik. Bantuak kurambiak sarupo pisau ketek malangkuang, panjang sakita 13-18 cm, dan pado gagangnyo ado lubang untuak talunjuak mangganggam. Manuruik carito lamo, bantuak ko dibuek maniru kuku arimau. (salangkoknyo...)

Artikel nan Tapiliah sabalunnyo: Kambiang utan sumateraSyarifah NawawiDanau TobaSemen Padang FCIslam


Malayu-Polinesia baraik

Rumpun bahaso Malayu-Polinesia, adolah cabang utamo dari rumpun bahaso Austronesia, nan dipatutuaan dek babagai banso nan sangaik taseba sacaro geografis, sajak dari pulau Madagaskar di sabalah baraik inggo ka pulau Paskah di Pasifik timua. Cabang-cabang lain dari rumpun bahaso Austronesia anyo tadapek di pulau Taiwan bagian utara, yaitu pado bahaso-bahaso nan dipatutuaan dek panduduak asali pulau tu. Pangalompokan dari dari babagai bahaso anggota rumpun bahaso Malayu-Polinesia masih manjadi kontroversi. (salangkoknyo...)

Artikel nan Tapiliah sabalunnyo: KurambiakKambiang utan sumateraSyarifah NawawiDanau TobaSemen Padang FC


Batu basurek Saruaso II, poto k. 1910-1930

Batu basurek Saruaso II adolah salah satu batu basurek dari jaman Adityawarman (abaik ka-14), nan kini ko talatak di kawasan Benteng Van der Capellen, yaitu di alaman kantua lamo Kantor Suaka Peninggalan Sejarah dan Purbakala (Balai Adaik lamo), di Kota Batusangkar, Sumatera Barat, Indonesia. Batu basurek tasabuik sabalunnyo barado di alaman Gaduang Indo Jolito, nan di maso kolonial Balando marupoan rumah dineh Regent Tanah Datar. Batu basurek ko ditulih dalam uruf Kawi (Jawa Kuno) dan dalam bahaso Sanskerta. Bantuak batu basurek ko ampek pasagi panjang, baukuaran tinggi 110 cm, leba 75 cm, dan taba 17 cm. (salangkoknyo...)

Artikel nan Tapiliah sabalunnyo: Rumpun bahaso Malayu-PolinesiaKurambiakKambiang utan sumateraSyarifah NawawiDanau Toba


Kubah Nabi di Yerusalem

Kubah Nabi (Arab: قبة النبي, Qubbatun Nabi, Inggirih: Dome of the Prophet), dikana juo sabagai Kubah Jibril, adolah sabuah kubah nan tagak badiri di sabalah utara al-Haram asy-Syarif (kompleks Masjid Al-Aqsa) di Yerusalem, nan labiah baparan sabagai monumen simbolis daripado bangunan kaagamoan. Bangunan ko marupoan bagian dari langkan Kubah Batu, dan marupoan salah satu dari tigo buah kubah tapisah nan dibangun dek panguaso Utsmaniyah di area al-Haram asy-Syarif. Awanyo Kubah Nabi dibangun pado taun 1538 dek Muhammad Bey, Gubernur Yerusalem Utsmaniyah. (salangkoknyo...)

Artikel nan Tapiliah sabalunnyo: Batu basurek Saruaso IIRumpun bahaso Malayu-PolinesiaKurambiakKambiang utan sumateraSyarifah Nawawi