Wikipedia:Artikel nan Tapiliah/2013

Dari Wikipedia baso Minang, ensiklopedia bebas
Loncat ke navigasi Loncat ke pencarian
Notable Minangkabau people 2.jpg

Urang Minang adolah kalompok etnis Nusantara nan babaso jo manjunjung adaik Minangkabau. Wilayah kabudayaannyo maliputi Sumatra Barat, saparo daratan Riau, bagian utara Bengkulu, bagian barat Jambi, bagian salatan Sumatra Utara, barat daya Aceh, dan juo Negeri Sembilan di Malaysia.

Urang Minang dikenal juo sabagai Urang Awak nan mamiliki masakan khas, dan populer di Indonesia bahkan sampai ka kawasan rantau nan disabuik juo sabagai masakan Padang.

Masyarakaek Minang kini ko marupokan pemeluk agamo Islam. Agamo Islam diparkiroan masuak malalui kawasan pasisia timur, walaupun ado anggapan dari pasisia barat, tarutama pado kawasan Pariaman, namun kawasan Arcat (Aru dan Rokan) sarato Inderagiri yang barado pado pasisia timur juo lah manjadi kawasan palabuhan Minangkabau sajak dahulunyo, dan Batang Kampar maupun Batang Kuantan nan bahulu di kawasan padalaman Minangkabau manjadi sarana perhubungan terutamo untuk hubungan dagang. (Salangkoknyo...)


Notable Minangkabau people 2.jpg

Urang Minang adolah kalompok etnis Nusantara nan babaso jo manjunjung adaik Minangkabau. Wilayah kabudayaannyo maliputi Sumatra Barat, saparo daratan Riau, bagian utara Bengkulu, bagian barat Jambi, bagian salatan Sumatra Utara, barat daya Aceh, dan juo Negeri Sembilan di Malaysia.

Urang Minang dikenal juo sabagai Urang Awak nan mamiliki masakan khas, dan populer di Indonesia bahkan sampai ka kawasan rantau nan disabuik juo sabagai masakan Padang.

Masyarakaek Minang kini ko marupokan pemeluk agamo Islam. Agamo Islam diparkiroan masuak malalui kawasan pasisia timur, walaupun ado anggapan dari pasisia barat, tarutama pado kawasan Pariaman, namun kawasan Arcat (Aru dan Rokan) sarato Inderagiri yang barado pado pasisia timur juo lah manjadi kawasan palabuhan Minangkabau sajak dahulunyo, dan Batang Kampar maupun Batang Kuantan nan bahulu di kawasan padalaman Minangkabau manjadi sarana perhubungan terutamo untuk hubungan dagang. (Salangkoknyo...)


Notable Minangkabau people 2.jpg

Urang Minang adolah kalompok etnis Nusantara nan babaso jo manjunjung adaik Minangkabau. Wilayah kabudayaannyo maliputi Sumatra Barat, saparo daratan Riau, bagian utara Bengkulu, bagian barat Jambi, bagian salatan Sumatra Utara, barat daya Aceh, dan juo Negeri Sembilan di Malaysia.

Urang Minang dikenal juo sabagai Urang Awak nan mamiliki masakan khas, dan populer di Indonesia bahkan sampai ka kawasan rantau nan disabuik juo sabagai masakan Padang.

Masyarakaek Minang kini ko marupokan pemeluk agamo Islam. Agamo Islam diparkiroan masuak malalui kawasan pasisia timur, walaupun ado anggapan dari pasisia barat, tarutama pado kawasan Pariaman, namun kawasan Arcat (Aru dan Rokan) sarato Inderagiri yang barado pado pasisia timur juo lah manjadi kawasan palabuhan Minangkabau sajak dahulunyo, dan Batang Kampar maupun Batang Kuantan nan bahulu di kawasan padalaman Minangkabau manjadi sarana perhubungan terutamo untuk hubungan dagang. (Salangkoknyo...)


Namo urang Minangkabau adalah bamacam-macam namo nan dipakai dek urang-urang nan bakaturunan Minangkabau. Dalam Encyclopedie van Nederlandsch-Indie disabuikkan, namo urang Minangkabau pado maso-maso awal barasa dari alam dan dari namo benda nan ado di sakuliliangnyo.

Paragiahan namo dalam masarakaik Minangkabau pado maso nan lampau bapagang pado palsapah “Alam takambang jadi guru”. Mareka biasonyo manamai kampuang, daerah baru, dan namo suku jo palsapah iko, tamasauk dalam pambarian gala atau namo kapado sasaurang. (salangkoknyo...)


Stadion Agus Salim.jpg

Semen Padang FC adolah sabuah klub sepak bola nan dipunyoi dek PT Semen Padang nan merupokan parusahaan semen paliang tuo di Indonesia. Klub sepak bola iko, bakandang di Indarung, Padang, Sumatera Barat.

Semen Padang nan kini bamain di Liga Prima Indonesia, divisi nan paliang tinggi di sepak bola Indonesia. Kini, klub ko bakandang di Stadion Agus Salim nan punyo kapasitas 20.000 kursi. Stadion nan dibangun pado taun 1985 iko, juo merupokan kandang bagi klub PSP Padang dan Minangkabau FC.

Klub ko mampunyoi ribuan pandukuang fanatik. The Kmer's (Kerbau Merah Suporter) marupokan pandukuang Semen Padang dari kubu rasmi nan didanai dek klub. Namo ini dirasmikan pado tanggal 14 November 2001, dek pandukuang klub tasabuik. Salain itu ado ciek lai kalompok suporter nan disabuik Spartacks (Suporter Padang dan Anak Rantau Cinta Kabau Sirah) nan badiri pado tanggal 18 Mei 2010 dan basifek independen. (salangkoknyo)


David Jacobs adolah atlet tenis meja Indonesia, kini ko ado pado kelas 10 Para-Tenis Meja. Lahia di Makassar, David Jacobs balatiah tenis meja sajak umua 10 taun. Pado taun 2000 Inyo balatiah untuak patandingan internasional dan pado taun 2001 Inyo mamanangkan medali ameh patamonyo pado SEATTA Games di Singapura. David Jacobs batandiang pado Paralimpiade Musim Paneh 2012 dan mamanangkan medali parunggu.

Jacobs mulai bamain dalam turnamen para tenis meja pado akhir taun 2009 dan manjadi anggota Komite Paralimpiade Nasional pado taun 2010. Inyo batandiang pado Class 10, nan marupoan level fungsional tatinggi pado sistem tasabuik. David Jacobs biasonyo balatiah jo olahragawan nan punyo fungsi badan penuah. Jacobs punyo masalah fungsional pado salah satu tangannyo.

Jacobs adolah salah satu altet Indonesia nan mawakili Indonesia pado Paralimpiade Musim Paneh 2008 di London, basamo jo Ni Nengah Widiasih (angkek basi), Agus Ngaimin (paranang), dan Setyo Budi Hartanto (atletik). Jacobs mamanangkan medali perunggu pado patandingan tenis meja individual klasifikasi C10. Kamanangan iko adolah kamanangan patamo Indonesia sajak hampia 20 taun. (salangkoknyo)


Bahaso Minangkabau atau disingkek jadi Baso Minang tamasuak Rumpun Bahaso Austronesia. Baso Minang acok disabuik sacaro umum dalam Bahaso Indonesia sabagai Bahasa Padang. Baso Minang dipakai dek urang Minang di Sumatra Barat, sarato urang Minang nan barado di rantau atau di daerah-daerah lain di Indonesia jo di lua nagari.

Baso Minang iko punyo banyak dialek. Bahkan dialek di duo nagari nan basampadan sajo bisa babedo. Ado dialek nan agak bairama, ado nan rato sajo, bahkan ado pulo nan agak kareh. Tapi sacaro umum baso Minang dialek Padang nan manjadi bahaso pangantar bagi suku Minang tarutamo dalam mangecek sahari-hari maupun dalam kasusastraan Minangkabau. Baso Minang dialek Padang dipakai karano dialek itu tabantuak dari pacampua'an sagalo macam dialek nan ado di wilayah Minangkabau.

Bahaso Minang barado dalam kategori nan cukuik aman dari kapunahan dek karano masih digunokan sabagai bahaso sahari-hari dek masyarakaik Minangkabau. Banyak urang Minangkabau nan marantau ka babagai daerah, namun bahasa Minang masih juo mareka baok jo mareka gunokan dalam mangecek sahari-hari jo sasamo urang Minang. (salangkoknyo)


Coat of arms of West Sumatra.svg

Sumatera Barat nan biaso disingkek Sumbar adolah sabuah provinsi di Indonesia nan talatak di sabalah baraik pulau Sumatra nan baibukota di Padang. Provinsi iko babatehan jo provinsi Sumatra Utara di sabalah utaro, Riau jo Jambi di sabalah timua, sarato Bengkulu di sabalah salatan. Kapulauan Mantawai nan ado di Samudra Hindia masuak kadalam wilayah administratif provinsi iko.

Sumatera Barat bapanduduak sabanyak 4.845.998 jiwa nan sabagian gadang baetnis Minangkabau nan kasadonyo baagamo Islam, sadangkan sisonyo indak kasodonyo nan mamaluak Islam. Provinsi iko tadiri dari 12 kabupaten jo 7 kota jo pambagian wilayah administratif sasudah kecamatan di saluruah kabupaten (kacuali kabupaten Kepulauan Mentawai) dinamokan sabagai nagari—sabalunnyo pado tahun 1979 diganti jo desa, kamudian sajak 2001 dibaliakan ka namo samulo. (salangkoknyo)


Musajik Kota Kinabalu

Kota Kinabalu (atau labiah diingek sabagai "KK") sabalunnyo diingek sabagai Jesselton, adolah ibukota dari nagara bagian Sabah nan talatak di Malaysia Timur. Kota ko juo marupoan pusek pamarintahan untuak Pantai Barat nagara bagian Sabah. Kota ko talatak di pantai barat lauik Kalimantan nan maadok ka Lauik Cino Salatan. Gunuang Kinabalu, nan manjadi namo dari kota iko, barado di wilayah KK, samantaro Taman Tunku Abdul Rahman, tampek palinduangan kahiduikan lia, juo barado dalam wilayah kota ko. Sampai tahun 2010, Kota Kinabalu adolah tampek tingga untuak 452,058 jiwa panduduak samantaro daerah Penampang nan juo maliputi wilayah kota ko mamiliki sakitar 176,667 jiwa. Kok dijumlahan, jumlah populasi area metropolitan Kota Kinabalu adolah 628,725 jiwa.

Kota ko juo marupoan tujuan wisata utamo dan pintu masuak nan populer bagi palancong nan mangunjuangi Sabah dan juo Kalimantan. Taman Nasional Kinabalu talatak sakitar 90 kilometer (56 mil) dari kota ko dan ado banyak tampek nan rancak untuak palancong di sakitar daerah ko. Kota Kinabalu juo marupoan salah satu pusek industri dan pusek balanjo di wilayah Malaysia Timur. Kaduo faktor ko mambuek Kota Kinabalu manjadi salah satu kota nan paliang kancang pakambangannyo Malaysia. (Salangkoknyo)


Balaikota Sawahlunto

Kota Sawahlunto adolah salah satu kota di provinsi Sumatera Barat, Indonesia. Kota nan talatak 95 km sabalah timua lauik kota Padang iko, dikuliliangi dek 3 kabupaten di Sumatera Barat, yakni kabupaten Tanah Data, kabupaten Solok, jo kabupaten Sijunjuang. Kota Sawahlunto punyo lueh 273,45 km² nan tadiri dari 4 kacamatan nan punyo jumlah panduduak labiah dari 54.000 jiwa. Pado maso pamarentah Hindia-Balando, Kota Sawalunto dikenal sabagai Kota tambang batu baro. Kota iko sampek mati, satalah panambangan batu baro dihantikan.

Kini Kota Sawahlunto bakambang manjadi Kota wisata tuo nan multi-etnik, sahinggo manjadi salah satu Kota tuo taelok di Indonesia. Di Kota nan didirikan pado taun 1888 iko, banyak badiri bangunan-bangunan tuo paninggalan Balando. Sabagian alah ditatokan sabagai cagar budaya dek pamarentah satampek dalam rangka mandorong pariwisata jo mancanangkan Sawahlunto manjadi "Kota Wisata Tambang yang Berbudaya". (salangkoknyo)


Pemandangan Kota Padang dari Gunung Padang

Kota Padang marupokan kota nan paliang gadang di pasisia barat pulau Sumatera, sakaligus ibukota provinsi Sumatera Barat, Indonesia. Namo kota iko, kini dirujuak juo sabagai sabutan lain untuak etnis Minangkabau. Salain itu digunokan pulo untuak manyabuik namo masakan khas suku iko nan biasonyo dikenal jo namo Masakan Padang.(Salangkoknyo...)


Wanita Palembang yang sedang menari. Urang Palembang juga termasuk dalam kelompok masyarakat Melayu.

Urang Malayu adolah namo nan marujuak pado suatu kalompok nan ciri utamonyo adolah panutuaan bahaso Malayu. Bahaso Malayu iolah anggota kaluarga bahaso Austronesia. Urang Malayu bamukim di sabagian gadang Malaysia, pasisia timua Sumatera, sakaliliang pasisia Kalimantan, Thailand salatan, sarato pulau-pulau ketek nan tabantang sapanjang Salek Malaka jo Salek Karimata. Di Indonesia, jumlah urang Malayu kiro-kiro 15% dari saluruah populasi, nan sabagian gadang mandiami propinsi Sumatera Utara, Riau, Kapulauan Riau, Jambi, Sumatera Selatan, Bangka Balituang, jo Kalimantan Barat. Kumpulan urang atau etnik Malayu balainan dari konsep Alam Malayu (Rumpun Bangso Malayu), nan mancakuik kumpulan manusia nan labiah laweh, tamasuak kabanyakan etnik di Indonesia jo Filipina. Meskipun baitu, banyak pulo masyarakaik Minangkabau, Mandailing, jo Dayak nan bapindah ka wilayah pasisia timua Sumatera jo pantai baraik Kalimantan, mangaku sabagai urang Malayu. Salain di Nusantara, urang katurunan Malayu tadapek pulo di Sarilangka, Kapulauan Cocos (Keeling) (Cocos Malays), jo Afrika Selatan (Cape Malays). (Salangkoknyo...)