Lompat ke isi

Urangutan

Wikipedia Minangkabau - Lubuak aka tapian ilimu

Urangutan
Rantang wakatu: Pleistosen Awal-Kini
↓
Urangutan kalimantan
(Pongo pygmaeus)
Klasifikasi ilmiah e
Kingdom: Animalia
Phylum: Chordata
Class: Mammalia
Infraclass: Placentalia
Order: Primata
Superfamily: Hominoidea
Family: Hominidae
Subfamily: Ponginae
Genus: Pongo
Lacépède, 1799
Spesies tipe
Pongo borneo
Lacépède, 1799
(= Simia pygmaeus Linnaeus, 1760)[1]
Spesies

Pongo pygmaeus
Pongo abelii
Pongo tapanuliensis
†Pongo hooijeri
†Pongo weidenreichi
†Pongo grovesei
†Pongo nguyenbinheri

Sebaran tigo spesies nan masih ado
Sinonim

Faunus Oken, 1816
Lophotus Fischer, 1813
Macrobates Billberg, 1828
Satyrus Lesson, 1840

Urangutan adolah karo gadang nan baasa dari utan ujan Indonesia jo Malaysia. Kini ko, urangutan hanyo disobokan di babarapo bagian Kalimantan jo Sumatra, tapi pado zaman Pleistosen nyo taseba di kasadoan Asia Tenggara hinggo Cino Selatan. Diklasifikasian sabagai genus Pongo, urangutan pado awalnyo dianggap sabagai ciek spesies. Pado tahun 1996, urangutan dibagi manjadi duo spesies, yaitu urangutan Kalimantan (P. pygmaeus, jo tigo subspesies) dan urangutan Sumatra (P. abelii). Spesies katigo, yaitu urangutan Tapanuli (P. tapanuliensis), sacaro definitif diidentifikasi pado tahun 2017. Urang utan marupokan satu-satunyo anggota nan masih batahan dari subfamili Ponginae, nan sacaro genetik tapisah dari hominid lainnyo, takah gorila, simpanse, jo manusia, antaro 19,3 hinggo 15,7 juta tahun nan lampau.

Urangutan marupokan binatang nan arboreal, mahabihan sabagian gadang hiduiknyo di ateh batang. Inyo mampunyoi tangan nan panjang, bulu coklat tasirah-sirah, jo pola hiduik nan condoang surang-surang. Makanan utamonyo adolah buah-buahan, tapi inyo bisa mamakan tumbuahan lain, madu, siranggo, jo talua buruang. Urangutan dapek hiduik labiah dari 30 tahun.

Binatang ko tamasuak primata paliang santiang, mampu manggunoan alaik jo mambangun sarang tampek lalok dari rantiang sarato daun. Katigo spesies nan ado kini ko bastatuih sangaik tarancam punah akibaik paburuan, hilangnyo habitat karano deforestasi jo pakabunan sawit, sarato padagangan satwa liar ilegal.

Namo

[suntiang | suntiang sumber]

Namo orangutan umumnyo baasa dari bahaso Malayu Kuno, yaitu orang (manusia) jo utan (rimbo).[2] Namun, istilah ko awalnyo digunoan untuak urang nan hiduik di utan, jo baru kamudian dipakai dek urang Barat untuak manyabuik karo tu. Kato orangutan dalam bahaso Malayu jo Indonesia moderen kamungkinan dipinjam baliak dari bahaso Inggirih atau Balando pado abaik ka-20.[3]

Dalam bahaso Inggirih, istilah ko patamo kali tacatat pado tahun 1693 sabagai Orang-Outang.[4][5] Samantaro itu, namo ilmiah genus Pongo baasa dari catatan palauik Inggirih Andrew Battel pado abaik ka-16 nan manggunoan namo Pongo untuak karo gadang di Afrika. Namo tu kamudian diadopsi sabagai namo genus urangutan pado tahun 1799.[6][7]

Taksonomi

[suntiang | suntiang sumber]
Head shots of male Bornean, Sumatran and Tapanuli orangutans
Muko urangutan Kalimantan, Sumatra dan Tapanuli (dari kida)

Urangutan patamo kali dideskripsian sacaro ilmiah pado tahun 1758 dek Carl Linnaeus dalam Systema Naturae jo namo Homo troglodytes. Pado tahun 1760, muriknyo, Christian Emmanuel Hopp, maubah namonyo manjadi Simia pygmaeus, jo pado tahun 1799 Bernard Germain de Lacépède maagiah namo genus Pongo.[7]

Pado tahun 1827, naturalis Parancih René Lesson mausuan bahwa populasi urangutan di Kalimantan jo Sumatra marupokan spesies nan babedo.[8] Hal iko kamudian dikonfirmasi pado tahun 2001 badasarkan bukti molekuler nan dipublikasian pado 1996.[9][10]:53[11] Populasi urangutan Kalimantan dibagi pulo manjadi tigo subspesies.[12]

Pado tahun 2017, spesies katigo, yaitu urangutan Tapanuli (Pongo tapanuliensis), dideskripsian dari wilayah Sumatra di selatan Danau Toba. Panamuan ko mangajuikan karano urangutan Tapanuli tanyato mampunyoi kakarabatan nan labiah dakek jo urangutan Kalimantan (P. pygmaeus) daripado jo urangutan Sumatra (P. abelii).[11]

Deskripsi

[suntiang | suntiang sumber]

Urangutan manunjuakan dimorfisme seksual nan jaleh. Batino umumnyo mampunyoi tinggi sakitar 115 cm jo barek sakitar 37 kg, sadangkan jantan dewasa mampunyoi tinggi sakiy137 cm jo barek sakitar 75 kg. Urangutan tatinggi nan parnah tacatat mampunyoi tinggi 180 cm. Dibandiangan manusia, urangutan mampunyoi langan nan sangaik panjang; rantang langan jantan dapek mancapai sakitar 2 meter, samantaro kakinyo relatif pendek. Badannyo ditutuiki dek rambuik panjang bawarna kasirah-sirahan nan pado maso mudo bawarna jingga tarang jo samakin manggalok manjadi sirah marun atau coklat tuo sairiang batambahnyo umua. Kuliknyo bawarna abu-abu kahitaman. Maskipun sabagian gadang mukonyo indak babulu, jantan dapek mangambangan rambuik muko nan manyarupoi jangguik.[13][14][10]

Urangutan mampunyoi talingo jo iduang ketek, jo talingo indak bacupiang.[13] Volume rato-rato rongga utaknyo sakitar 397 cm³.[15] Tangkuraknyo taangkek dibandiangan mukonyo, nan agak cakuang jo manunjua ka muko.[13] Dibandiangan jo simpanse samo gorila, tunjuan alih urangutan kurang bakambang.[16]

Batino jo urangutan mudo mampunyoi tangkurak nan relatif bulek sarato muko nan rampiang, sadangkan jantan dewasa mampunyoi jambul sagital nan manunjua, bantalan pipi gadang (flange), kantuang tangkurak nan laweh, jo gigi tariang nan panjang.[13][10] Bantalan pipi tu sabagian gadang tasusun dari jariangan lamak nan di tupang dek otot-otot muko,[17] samantaro kantuang tangkurak bafungsi sabagai ruang resonansi untuak mahasian saruan panjang.[18]

Tangan urangutan mampunyoi ampek jari panjang jo ibu jari nan dapek balawanan arah, tapi jauah labiah pendek, sahinggo mamungkinan cangkaraman nan kuaik pado dahan katiko baaktivitas di ateh batang. Dalam posisi istirahat, jari-jarinyo malangkuang sahinggo mambantuak cangkaraman takah kaik. Jo ibu jari nan indak mahalangi, jari-jari tangan dapek mangganggam barang badiameter ketek jo kuaik, mambuek cangkaramannyo stabil.[19] Kakinyo mampunyoi nan hampia mirip jo jari tangan, jo ampek jari panjang sarato ciek ibu jari nan dapek balawanan arah, sahinggo mambueknyo lincah. Sandi pingguanyo mamungkinan kakinyo baputa jo caro nan sarupo jo langan sarato bahu.[10]

Urangutan bagarak di papohonan jo mamanjek sacaro vertikal ataupun bagalantuangan. Dibandiangan jo karo gadang lainnyo, inyo jarang turun ka tanah karano garakannyo jadi labiah lambek jo kurang lincah. Indak takah gorila jo simpanse, urangutan bukanlah pajalan buku jari sajati; inyo bajalan jo manakuakan jari-jari jo batumpu pado sisi tangan sarato kaki.[20][21]

Dibandiangan karabaiknyo di Kalimantan, urangutan Sumatra mampunyoi badan nan labiah rampiang, rambuik nan labiah panjang jo labiah tarang, sarato muko nan labiah panjang.[14] Urangutan Tapanuli labiah mirip jo urangutan Sumatra dibandiangan Kalimantan dalam hal bantuak badan jo warna rambuik.[11] Namun, spesies ko mampunyoi rambuik nan labiah kusuik, tangkurak nan labiah ketek, jo muko nan labiah data dibandiangan duo spesies lainnyo.[22]

Ekologi jo parilaku

[suntiang | suntiang sumber]

Urangutan tautamo hiduik di ateh batang jo maunyi utan hujan tropis, khususnyo utan dipterokarpa dataran randah sarato utan sekunder tuo.[14][23] Populasinyo labiah takomsentrasi di habitat dakek batang aia, takah utan rawa aia tawa jo raws gambut, sadangkan utan nan labiah kariang jo jauah dari daerah taganang umumnyo mampunyoi labiah saketek urangutan. Kapadekan populasi juo manurun pado daerah jo katinggian nan labiah tinggi.[24] Urangutan kadang-kadang mamasuaki padang rumpuik, lahan patanian, parak, utan sekunder mudo, jo danau dangka.[23]

Sabagian gadang harinyo dihabihan untuak makan, istirahat, jo bapindah tampek.[25] Inyo biasonyo mamulai hari jo makan salamo duo hinggo tigo jam pado pagi hari, baistirahat pado tangah hari, kamudian manggarik baliak pado patang hari. Manjalang malam, inyo mambuek sarang untuak lalok.[23]

Predator potensial urangutan maliputi harimau, macan dahan, jo anjiang lia.[24] Parasit nan paliang umum disobokan pado urangutan adolah nematoda dari genus Strongyloides dan siliata Balantidium coli. Di antaro Strongyloides, spesies S. fuelleborni jo S. stercoralis dilaporan disobokan pado individu mudo.[26] Urangutan dikatahui pulo manggunoan tumbuahan Dracaena cantleyi sabagai ubek antiinflamasi alami.[27] Samantaro itu, urangutan nan dipaliharo dalam panangkaran dapek mandarita panyakik saluran panapasan bagian ateh.[28]

Makanan

[suntiang | suntiang sumber]

Urangutan tautamo mamakan buah-buahan, nan dapek mahabiahan 57–80% wakatu mancari makannyo. Bahkan katiko buah langka, buah tetap manyumbang sakitar 16% dari wakatu makannyo. Buah nan paliang acok dimakan adolah buah badagiang lunak, baaril, atau badindiang bijo lunak, tautamo buah ara, sarato babagai buah batu jo beri.[24] Urangutan baparan pantiang sabagai panyeba bijo bagi sajumlah tumbuhan, tamasuak Strychnos ignatii, nan manganduang alkaloid baracun striknin.[29]

Daun manjadi makanan pantiang lain bagi urangutan jo rato-rato mancakuik 25% wakatu mancari makannyo. Konsumsi daun maningkek katiko buah bakurang, maskipun katiko buah malimpah inyo tetap mamakannyo. Pado maso kalangkaan buah, tampaknnyo sangaik bagantuang pado daun jo batang Borassodendron borneensis. Makanan lainnyo maliputi kulik kayu, madu, talua buruang, siranggo, sarato vertebrata ketek takah kukang.[23][24]

Di babarapo daerah, urangutan juo mamakan geofagi, yaitu mamakan tanah atau bahan-bahan bumi lainnyo. Inyo dapek mambongka tanah dari parmukaan tanah, mamakan tabuang palinduang siranggo pado batang, atau mangunjuangi tabiang jo cakuangan tanah nan kayo mineral. Parilaku ko diduga mambantu manetralan zat baracun dalam makanan lnyo karano tanah nan dikonsumsi manganduang mineral kaolinit nan basipaik anti-racun.[24]

Konservasi

[suntiang | suntiang sumber]

Statuih

[suntiang | suntiang sumber]

Katigo spesies urangutan dikategorian sabagai sangaik tarancam punah manuruik Daftar Sirah IUCN.[30][31][32] Inyo dilinduangi sacaro hukum dari panangkokan, panganiayoan, jo pambunuahan di Malaysia maupun Indonesia. Salain itu, katigonyo tacantum dalam Apendiks I CITES, nan malarang pajuabalian internasional tanpa izin rasmi.[33]

Wilayah pasabaran urangutan Kalimantan kini samakin tafragmentasi, jo saketek atau bahkan indak ado populasi nan tadokumentasi di bagian tenggara pulau.[31] Populasi tagadang nan masih tasiso disobokan di hutan sakitar batang aia Sabangau, maskipun habitat ko kini mahadoki ancaman.[34]

Urangutan Sumatra hanyo disobokan di bagian utara pulau Sumatra, jo sabagian gadang populasinyo hiduik di Ekosistem Leuser.[30] Samantaro itu, urangutan Tapanuli hanyo disobokan di Utan Batang Toru di Sumatra.[32]

Urangutan mahadoki ancaman serius akibaik deforestasi, malawehnyo pakabunan sawit, patambangan, pambangunan jalan, paburuan, jo padagangan satwa liar ilegal.[30][31] Konflik jo manusia juo manyababan banyak urangutan dibunuah, tautamo katiko inyo mamasuaki lahan patanian sasudah kahilangan habitat.[35][36] Induaknyo acok dibunuah agar anaknyo dapek dijua sabagai binatang paliharaan. Antaro tahun 2012 jo 2017, pihak bawenang Indonesia jo bantuan Orangutan Information Center manyita 114 urangutan, jo 39 di antaronyo dipaliharo sabagai binatang paliharaan.[37] Salain itu, ado pulo nan mambunuah untuak dimakan atau dipajuabalian.[38]

Populasi katigo spesies urangutan taruih manurun. Pado tahun 2016, Urangutan Sumatra dipakiroan bajumlah sakitar 14.600 individu,[39] urangutan Kalimantan sakitar 104.700 individu,[31] samantaro urangutan Tapanuli tasiso kurang dari 800 individu di alam lia. Karano itu, katigo spesies urangutan tu bastatuih sangaik tarancam punah.[40][22]

Organisasi jo pusek konservasi

[suntiang | suntiang sumber]

Babagai organisasi bakarajo untuak manyalamaikan, marehabilitasi, jo malapehliaan urangutan. Salah ciek nan tagadang iolah Borneo Orangutan Survival (BOS) Foundation, nan mangalola pusek rehabilitasi takah Nyaru Menteng di Kalimantan.[41][42][43]

Babarapo kisah panyalamatan nan takenal maliputi Pony, saikua urangutan batino nan disalamaikan dari sabuah kampuang di Kalimantan Tangah pado tahun 2003 sasudah diekspoitasi jo dirantai. Sasudah disalamaikan, inyo direhab jo disosialisasian baliak ka urangutan lain.[44] Pado tahun 2017, BOS manyalamaikan saikua urangutan albino nan sangaik langka dari sabuah kampuang ketek di Kalimantan.[45]

Pusek-pusek konservasi pantiang lainnyo barado di Taman Nasional Tanjuang Putiang, Sebangau, Gunuang Palung, Bukik Baka Bukik Raya, Gunuang Leuser, jo Bukik Lawang. Di Malaysia tadapek pusek konservasi Semenggoh, Matang, dan Sepilok.[46]

Salain itu, babagai organisasi internasional bakarajo samo jo industri sawit untuak maningkekan praktik nan labiah bakalanjuikan jo mandoroang pambantuakan kawasan palinduangan bagi urangutan.[47][48]

Rujuakan

[suntiang | suntiang sumber]
  1. ↑ Groves, C.P. (2005). Wilson, D.E.; Reeder, D.M.. eds. Mammal Species of the World: A Taxonomic and Geographic Reference (edisi ke-3rd). Baltimore: Johns Hopkins University Press. pp. 183–84. ISBN 0-801-88221-4. OCLC 62265494. http://www.bucknell.edu/msw3/browse.asp?id=12100803.
  2. ↑ Sastrawan, Wayan Jarrah (2020). "The Word 'Orangutan': Old Malay Origin or European Concoction". Bijdragen tot de Land-, Taal- en Volkenkunde. 176 (4): 532–41. doi:10.1163/22134379-bja10016 alt=Dapat diakses gratis.
  3. ↑ Mahdi, Waruno (2007). Malay Words and Malay Things: Lexical Souvenirs from an Exotic Archipelago in German Publications Before 1700. Frankfurter Forschungen zu Südostasien. 3. Otto Harrassowitz Verlag. pp. 170–81. ISBN 978-3-447-05492-8.
  4. ↑ "orangutan, n"Perlu langganan berbayar. Oxford English Dictionary (dalam bahasa Inggris). March 2022. Diakses tanggal 4 August 2022.
  5. ↑ Bulwer, John (1653) (dalam bahaso en). Anthropometamorphosis: man transform'd: or, The artificiall changling, historically presented, in the mad and cruel gallantry, foolish bravery, ridiculous beauty, filthy finenesse, and loathsome loveliness of most nations, fashioning and altering their bodies from the mould intended by nature; with figures of those transformations. To which artificial and affected deformations are added, all the native and national monstrosities that have appeared to disfigure the humane fabrick. With a vindication of the regular beauty and honesty of nature. Internet Archive (edisi ke-2nd). London: W. Hunt. p. 437. http://archive.org/details/anthropometamorp00jbjo.
  6. ↑ Groves, Colin P. (2002). "A history of gorilla taxonomy". di dalam Taylor, Andrea B.; Goldsmith, Michele L.. Gorilla Biology: A Multidisciplinary Perspective. Cambridge University Press. pp. 15–34. doi:10.1017/CBO9780511542558.004. ISBN 978-0-521-79281-3. http://arts.anu.edu.au/grovco/Gorilla%20Biology.pdf.
  7. 1 2 Cribb, Robert; Gilbert, Helen; Tiffin, Helen (2014). Wild Man from Borneo: A Cultural History of the Orangutan. University of Hawaiʻi Press. ISBN 978-0-8248-3714-3. https://archive.org/details/wildmanfromborne0000crib.
  8. ↑ Lesson, René-Primevère (1827) (dalam bahaso fr). Manuel de mammalogie ou Histoire naturelle des mammifères. Roret, Libraire. p. 32. https://archive.org/details/manueldemammalo00lessgoog.
  9. ↑ Xu, X.; Arnason, U. (1996). "The mitochondrial DNA molecule of sumatran orangutan and a molecular proposal for two (Bornean and Sumatran) species of orangutan". Journal of Molecular Evolution. 43 (5): 431–37. Bibcode:1996JMolE..43..431X. doi:10.1007/BF02337514. PMID 8875856.
  10. 1 2 3 4 Payne, J; Prundente, C (2008). Orangutans: Behaviour, Ecology and Conservation. New Holland Publishers. ISBN 978-0-262-16253-1. https://archive.org/details/orangutansbehavi0000payn.
  11. 1 2 3 Nater, A.; Mattle-Greminger, M. P.; Nurcahyo, A.; Nowak, M. G.; et al. (2 November 2017). "Morphometric, Behavioral, and Genomic Evidence for a New Orangutan Species". Current Biology. 27 (22): 3487–3498.e10. Bibcode:2017CBio...27E3487N. doi:10.1016/j.cub.2017.09.047 alt=Dapat diakses gratis. hdl:10230/34400 alt=Dapat diakses gratis. PMID 29103940.
  12. ↑ Bradon-Jones, D.; Eudey, A. A.; Geissmann, T.; Groves, C. P.; Melnick, D. J.; Morales, J. C.; Shekelle, M.; Stewart, C. B. (2004). "Asian primate classification" (PDF). International Journal of Primatology. 25: 97–164. doi:10.1023/B:IJOP.0000014647.18720.32. Diarsipkan dari versi asli (PDF) tanggal 6 December 2010. Diakses tanggal 1 May 2011.
  13. 1 2 3 4 Groves, Colin P. (1971). "Pongo pygmaeus". Mammalian Species (4): 1–6. doi:10.2307/3503852. JSTOR 3503852.
  14. 1 2 3 van Schaik, C.; MacKinnon, J. (2001). "Orangutans". di dalam MacDonald, D.. The Encyclopedia of Mammals (edisi ke-2nd). Oxford University Press. pp. 420–23. ISBN 978-0-87196-871-5. https://archive.org/details/encyclopediaofma00mals_0/page/420.
  15. ↑ Aiello, L.; Dean, C. (1990). An Introduction to Human Evolutionary Anatomy. Academic Press. p. 193. ISBN 0-12-045590-0. https://archive.org/details/introductiontohu0000aiel.
  16. ↑ Hilloowala, R. A.; Trent, R. B. (1988). "Supraorbital ridge and masticatory apparatus I: Primates". Human Evolution. 3 (5): 343–50. doi:10.1007/BF02447216.
  17. ↑ Winkler, L. A. (1989). "Morphology and relationships of the orangutan fatty cheek pads". American Journal of Primatology. 17 (4): 305–19. doi:10.1002/ajp.1350170405. PMID 31964053.
  18. ↑ Utami, S. S.; Goossens, B.; Bruford, M. W.; de Ruiter, J. R.; van Hooff, J. A. R. A. M. (2002). "Male bimaturism and reproductive success in Sumatran orangutans". Behavioral Ecology. 13 (5): 643–52. doi:10.1093/beheco/13.5.643 alt=Dapat diakses gratis.
  19. ↑ Rose, M. D. (1988). "Functional Anatomy of the Cheirdia". di dalam Schwartz, Jeffrey. Orang-utan Biology. Oxford University Press. p. 301. ISBN 978-0-19-504371-6.
  20. ↑ Oishi, M.; Ogihara, N.; Endo, H.; Ichihara, N.; Asari, M. (2009). "Dimensions of forelimb muscles in orangutans and chimpanzees". Journal of Anatomy. 215 (4): 373–82. doi:10.1111/j.1469-7580.2009.01125.x. PMC 2766055 alt=Dapat diakses gratis. PMID 19619166.
  21. ↑ Schwartz, Jeffrey (1987). The Red Ape: Orangutans and Human Origins. Westview Press. pp. 6–7. ISBN 978-0-8133-4064-7. https://archive.org/details/isbn_0813340640_0/page/286.
  22. 1 2 Reese, April (2 November 2017). "Newly discovered orangutan species is also the most endangered". Nature. 551 (7679): 151. Bibcode:2017Natur.551..151R. doi:10.1038/nature.2017.22934 alt=Dapat diakses gratis. PMID 29120449.
  23. 1 2 3 4 Galdikas, Birute M. F. (1988). "Orangutan Diet, Range, and Activity at Tanjung Puting, Central Borneo". International Journal of Primatology. 9 (1): 1–35. doi:10.1007/BF02740195.
  24. 1 2 3 4 5 Rijksen H. D.; Meijaard, E. (1999). Our vanishing relative: the status of wild orang-utans at the close of the twentieth century. Springer. ISBN 978-0-7923-5755-1. https://archive.org/details/ourvanishingrela0000rijk.
  25. ↑ Rodman, P. S. (1988). "Diversity and consistency in ecology and behavior". di dalam Schwartz, J. H.. Orang-utan biology. Oxford University Press. pp. 31–51. ISBN 978-0-19-504371-6.
  26. ↑ Foitová, Ivona; Huffman, Michael A.; Wisnu, Nurcahyo; Olšanský, Milan (2009). "Parasites and their impacts on orangutan health". di dalam Wich, Serge A.; Atmoko, S. Suci Utami; Setia, Tatang Mitra et al.. Orangutans: Geographic Variation in Behavioral Ecology and Conservation. Oxford University Press. p. 166. ISBN 978-0-19-921327-6. https://archive.org/details/orangutansgeogra00wich.
  27. ↑ Morrogh-Bernard HC, Foitová I, Yeen Z, Wilkin P, de Martin R, Rárová L, Doležal K, Nurcahyo W, Olšanský M (2017). "Self-medication by orang-utans (Pongo pygmaeus) using bioactive properties of Dracaena cantleyi". Scientific Reports. 7 (16653). Bibcode:2017NatSR...716653M. doi:10.1038/s41598-017-16621-w alt=Dapat diakses gratis. PMC 5709421 alt=Dapat diakses gratis. PMID 29192145.
  28. ↑ Zimmermann, N; Pirovino, M; Zingg, R; Clauss, M; Kaup, F. J.; Heistermann, M; Hatt, J. M.; Steinmetz, H. W. (2011). "Upper respiratory tract disease in captive orangutans (Pongo sp.): prevalence in 20 European zoos and predisposing factors". Journal of Medical Primatology. 40 (6): 365–375. doi:10.1111/j.1600-0684.2011.00490.x. PMID 21770970.
  29. ↑ Rijksen, H. D. (December 1978). "A field study on Sumatran orang utans (Pongo pygmaeus abelii, Lesson 1827): Ecology, Behaviour and Conservation". The Quarterly Review of Biology. 53 (4): 493–94. doi:10.1086/410942. JSTOR 2826733.
  30. 1 2 3 Singleton, I.; Wich, S. A.; Griffiths, M. (2008). "Pongo abelii". Diakses tanggal 28 January 2011.
  31. 1 2 3 4 Ancrenaz, M.; Gumal, M.; Marshall, A. J.; Meijaard, E.; Wich, S. A.; Husson, S. (2016). "Pongo pygmaeus". 2016. doi:10.2305/IUCN.UK.2016-1.RLTS.T17975A17966347.en.
  32. 1 2 Nowak, Matthew G.; Rianti, Puji; Wich, Serge A.; Meijaard, Erik; Fredriksson, Gabriella (2017). "Pongo tapanuliensis". 2017.3. doi:10.2305/IUCN.UK.2017-3.RLTS.T120588639A120588662.en.
  33. ↑ "On the edge of extinction". Sumatran Orangutan Society. Diarsipkan dari versi asli tanggal 8 May 2020. Diakses tanggal 1 July 2020.
  34. ↑ Cheyne, S. M.; Thompson, C. J.; Phillips, A. C.; Hill, R. M.; Limin, S. H. (2007). "Density and population estimate of gibbons (Hylobates albibarbis) in the Sabangau catchment, Central Kalimantan, Indonesia". Primates. 49 (1): 50–56. doi:10.1007/s10329-007-0063-0. PMID 17899314.
  35. ↑ Meijaard, E.; Buchori, B.; Hadiprakarsa, Y.; Utami-Atmoko, S. S.; et al. (2011). "Quantifying Killing of Orangutans and Human-Orangutan Conflict in Kalimantan, Indonesia". PLOS ONE. 6 (11). Bibcode:2011PLoSO...627491M. doi:10.1371/journal.pone.0027491 alt=Dapat diakses gratis. PMC 3214049 alt=Dapat diakses gratis. PMID 22096582.
  36. ↑ Davis, J. T.; Mengersen, K.; Abram, N. K.; Ancrenaz, M.; Wells, J. A.; Meijaard, E. (2013). "It's Not Just Conflict That Motivates Killing of Orangutans". PLOS ONE. 8 (10). Bibcode:2013PLoSO...875373D. doi:10.1371/journal.pone.0075373 alt=Dapat diakses gratis. PMC 3793980 alt=Dapat diakses gratis. PMID 24130707.
  37. ↑ Jacobson, Phillip (29 March 2017). "The military family that kept a pet orangutan in Indonesia". Mongabay. Diarsipkan dari versi asli tanggal 14 June 2020. Diakses tanggal 11 May 2020.
  38. ↑ Than, Ker (16 November 2011). "Hundreds of Orangutans Killed Annually for Meat". National Geographic Society. Diarsipkan dari versi asli tanggal 3 October 2020. Diakses tanggal 11 May 2020.
  39. ↑ Wich, Serge A.; Singleton, Ian; Nowak, Matthew G.; Utami Atmoko, Sri Suci; Nisam, Gonda; Arif, Sugesti Mhd.; Putra, Rudi H.; Ardi, Rio; Fredriksson, Gabriella; Usher, Graham; Gaveau, David L. A.; Kühl, Hjalmar S. (2016). "Land-cover changes predict steep declines for the Sumatran orangutan (Pongo abelii)". Science Advances. 2 (3). Bibcode:2016SciA....2E0789W. doi:10.1126/sciadv.1500789. PMC 4783118 alt=Dapat diakses gratis. PMID 26973868.
  40. ↑ Nater, Alexander; Mattle-Greminger, Maja P.; Nurcahyo, Anton; Nowak, Matthew G.; Manuel, Marc de; Desai, Tariq; Groves, Colin; Pybus, Marc; Sonay, Tugce Bilgin (2 November 2017). "Morphometric, Behavioral, and Genomic Evidence for a New Orangutan Species". Current Biology (dalam bahasa Inggris). 27 (22): 3487–3498.e10. Bibcode:2017CBio...27E3487N. doi:10.1016/j.cub.2017.09.047 alt=Dapat diakses gratis. hdl:10230/34400 alt=Dapat diakses gratis. ISSN 0960-9822. PMID 29103940.
  41. ↑ "Willie Smits". Masarang Foundation. Diarsipkan dari versi asli tanggal 28 September 2020. Diakses tanggal 11 May 2020.
  42. ↑ "10 Years: Nyaru Menteng 1999–2009" (PDF). Orangutan Protection Foundation. Diarsipkan dari versi asli (PDF) tanggal 15 February 2010.
  43. ↑ "Ny projektledare på Nyaru Menteng". Save the Orangutan. 26 January 2012. Diarsipkan dari versi asli tanggal 10 January 2014. Diakses tanggal 2 April 2012.
  44. ↑ "Orangutan shaved, made up and prostituted to men for six years". The Week. 28 November 2018. Diarsipkan dari versi asli tanggal 3 October 2020. Diakses tanggal 29 April 2020.
  45. ↑ Brady, Heather (18 May 2017). "Extremely Rare Albino Orangutan Found in Indonesia". National Geographic Society. Diarsipkan dari versi asli tanggal 17 February 2020. Diakses tanggal 29 April 2020.
  46. ↑ "Viewing Orangutans in the Wild". Sustainable Travel International. Diarsipkan dari versi asli tanggal 3 October 2020. Diakses tanggal 10 May 2020.
  47. ↑ Butler, R. A. (20 August 2009). "Rehabilitation not enough to solve orangutan crisis in Indonesia". Mongabay. Diarsipkan dari versi asli tanggal 5 January 2012. Diakses tanggal 26 March 2012.
  48. ↑ Marusiak, J. (28 June 2011). "New deal for orangutans in Kalimantan". Eco-Business. Diakses tanggal 3 April 2012.
Diambiak dari "https://min.wikipedia.org/w/index.php?title=Urangutan&oldid=3351780"