Universitas Nasional Oles Honchar Dnipro
Universitas Nasional Oles Honchar Dnipro (DNU) adolah universitas nan disponsori nagara yang balokasi di Dnipro, Ukraina. Didirian pado tahun 1918. Ampek fakultas patamo iolah Sijarah jo Linguistik, Hukum, Kadokteran, sarato Fisika jo Matematika.
Kini ko, DNU, sabagai universitas klasik gadang, mancakuik 14 fakultas dalam bidang formal, alam, jo sosial. Sabanyak 730 akademisi mambari pambalajaran kapado sakitar 10.700 mahasiswa (tamasuak 130 mahasiswa internasional dari hampia 130 nagara). Universitas ko manawarkan 98 program untuak mandapekan gala sarjana jo magister sarato manyelenggaraan palatiahan bagi mahasiswa doktoral di 35 bidang. Pandidikan tinggi kaduo juo dapek diparoleh di DNU.
Sabalum agresi Rusia di wilayah timur Ukraina pado tahun 2014, universitas ko mampunyoi 20 fakultas jo 1.300 akademisi. Jumlah mahasiswanyo mancapai sakitar 22.000 (tamasuak 3.000 mahasiswa internasional). Universitas Nasional Dnipro Oles Honchar mampunyoi hubuangan arek jo salah ciek pusek roket jo antariksa tagadang di dunia – Yuzhnoye SDO Yuzhnoye Design Bureau, sarato jo organisasi industri jo ilmiah lainnyo di wilayah Donetsk-Prydniprovsk nan panduduaknyo labiah dari 15 juta urang.
Sasuai jo strategi internasionalisasinyo, DNU sacaro aktif manjalin hubuangan ilmiah jo akademik jo institusi-institusi di saluruah dunia. Kini ko, tadapek 93 pajanjian bilateral jo paguruan tinggi jo pusek riset dari Eropa, Asia, Amerika Sarikaik, jo Kanada nan dijalanan di universitas ko.
Sijarah
[suntiang | suntiang sumber]Universitas Ekaterynoslavsky (kini Universitas Nasional Dnipro Oles Honchar) didirian di nagara Ukraina pimpinan Pavlo Skoropadsky pado tahun 1918.[1] Pado tahun 1920, Universitas Ekaterynoslavsky diubah manjadi Institut Pandidikan Ekaterynoslavsky (kamudian di Dnipropetrovsk), nan baoperasi hinggo tahun 1933. Pado tahun 1933, Universitas Negeri Dnipropetrovsk dipuliahan, namun kabangkitannyo batapekan jo manguaiknyo rezim totaliter Stalin, nan manyababan panagkokan massal di lingkuangan universitas sarato kahilangan personel nan indak tagantian. Salamo Parang Dunia II, sabagian dosen jo mahasiswa ikuik mambelan tanah aia dari panjajah Nazi; nan lain bakarajo dalam pangungsian.
Pado September 2000, Universitas Nageri Dnipropetrovsk mandapekan status sabagai institusi nasional. Sadangkan Kota Dnipropetrovsk diubah namonyo manjadi Dnipro pado Mei 2016 sabagai bagian dari undang-undang dekomunisasi nan dibalakuan satahun sabalumnyo.[2]
Panghargaan
[suntiang | suntiang sumber]Universitas Nasional Dnipro manampeki paringkek kasalapan dalam pamaringkekan taintegrasi universitas di Ukraina. Manuruik Komsomolskaya Pravda, paringkek paliang otoritatif nan acok dijadian acuan dek para ahli jo jurnalis iolah paringkek nasional UNESCO "Top-200 Ukraine", "Compass", sarato paringkek internasional "Webometrics".[3]
Rujuakan
[suntiang | suntiang sumber]- ↑ City of Katerynoslav in 1917-20. Dnipropetrovsk city portal (2001)
- ↑ MPs appeal against Dnipropetrovsk renaming at Constitutional Court, Interfax-Ukraine (6 June 2016)
Constitutional Court refused to consider renaming Dnipropetrovsk, Ukrayinska Pravda (12 October 2016) - ↑ TOP-200 UKRAINE
Pranala lua
[suntiang | suntiang sumber]- http://www.dnu.dp.ua/ -Website rasmi (bahaso Ukraina, Rusia, Inggirih)