Universitas Islam Darul Hikmah

Wikipedia Minangkabau - Lubuak aka tapian ilimu

Universitas Islam Darul Hikmah adolah paguruan tinggi nan talatak di Kota Bukittinggi. Kampus iko didirian pado tangga 27 Rajab 1373 H (Tahun 1953 M). Kampus iko kini lah baubah namo manjadi IAIN Bukittinggi . Pado mulo badirinyo, kampus iko mampunyoi 5 fakultas nan didirian pado tangga 12 Oktober 1957.[1]

Fakultas nan dimiliki[suntiang | suntiang sumber]

  1. Fakultas Hukum Islam di Bukitinggi, didirian pado tangga 27 Rajab 1373 H.
  2. Fakultas Usulud-Din di Padang Panjang, didirian pado tangga 12 Agustus 1959
  3. Fakultas Ad-Da'wah wal-Irsyad di Payakumbuh, didirian 23 Juni 1957
  4. Fakultas Fiqhi wal Ushul di Solok, didirian tanggal 6 Agustus 1957
  5. Fakultas Loghatul 'Arabiyah wat Tarbiyah di Padang, didirian pado tangga 9 September 1957[1]

Panamoan Gala[suntiang | suntiang sumber]

Pado Fakultas Hukum Islam di Bukittinggi tadapek 2 gala yoitu Syahadah 'Aliyah dalam Hukum Islam (Bachelor of Islamic Law = B.I.L) lamonyo 4 taun nan kaduo yoitu Syahadah 'Alimiyah atau satingkek Master (Master of Islamic Law = M.I.L) lamonyo 2 taun. Pado fakultas Usulud-Din maagiah gala Bachelor of Islamic Theology (B.I.Th.) lamonyo 4 tahun. Pado fakultas Da'wah Wal Irsyad maagiah gala, Bachelor of Islamic Missionary (B.I.M)lamonyo 4 tahun, jo Master of Islamic Missionary (M.I.M) salamo 2 tahun. Pado Fakultas Fiqhi Wal Usul maagiah gala (B.I.J) jo gala Master of Islamic jusrisprudence (M.I.J). Sadangkan Fakultas Logahtul Arabiyah Wat Tarbiyah maagiah gala Bachelor of Education (B.Ed.).[1]

Rujuakan[suntiang | suntiang sumber]

  1. a b c Yunus, Mahmud (1962). Sejarah Pendidikan Islam di Indonesia. -: Hidakarya Agung Jakarta. pp. 138-140. ISBN -.