Umbuik mudo

Wikipedia Minangkabau - Lubuak aka tapian ilimu

Umbuik Mudo adolah sabuah carito klasik minangkabau nan barasal dari kampuang Tibarau. kaba ko mancaritoan tantang Parjuangan si Umbuik Mudo manuntuik malu karano baliau jo ibunya alah di hina dek Puti Galang Banyak. Lamaran si Umbuik Mudo untuak mampasuntiang Puti Galang Banyak di tolak matah- matah disaratoi cici maki jokato- kato panghinoan.[1]

Sinopsis[suntiang | suntiang sumber]

Si Umbuik Mudo dilahiakan di Tibarau. Sajak ketek baliau sanang pai mangaji. Baliau anak nan cadiak, suaronyo ancak mangaji dikampuang aua jo Tuan Panjang Jangguik. suatu katiko, Umbuik mudo disuruah managaji di adoakn urang banyak, banyak urang mamuji suaronyo nan rancak. Dalam patamuan itu, Umbuik mudo batamu jo Puti Galang Banyak. Umbuik Mudo jatuah cinto kapado Puti Galang Banyak.[1]

Lah bara lamo, Umbuik Mudo manyuruah ibunyo untuak malamar Puti Galang Banyak untuakka jadi bininyo. Lamaran Umbuik mudo partamo kali ditolak sacaro aluih dek Puti Galang banyak, satalah diajuan lamaran nan kaduo, umbuik mudo ditolak sacaro hino jo kasa dek Puti Galang Banyak. ibunyo maraso tahino dek cacian ibu Puti galang Banyak na mangecekan kalau Umbuik Mudo indak tahu diri.Umbuik Mudo maraso tahino sarato ingin mambaleh panghinoan nan diagiah dek kaluarga Puti Galang Banyak.[1]

Umbuik Mudo mamintak ibunyo untuak mancarian parupuik hanyuik di Lubuak Mato Kuciang. Jo susah payah ibunyo macaraian parupuik hanyuik tu atau buluah parindu, akhianyo dapek juo, Buluah parindu ko dibuekan Saluang dek Umbuik Mudo. Umbuik Mudo mulai manggaduah Puti jo saluang buluah parindu tu. Puti Galang banyak akhianyo tagoda sarato jatuah cinto ka Umbuik mudo sampai akhianyo Puti Galang Banyak maningga dek manahan raso rindu io basarobok jo umbuik mudo. Sadangkan Umbuik mudoindak nio manamui Puti Galang Banyak karano Umbuik Mudo nio mambalehan dandam nyo alah dihino dek kaluarga Puti.[1]

Umbuik mudo baru maraso pueh katiko Puti Galang Banyak maningga, barulah umbuik mudo mamaafan Puti. Umbuik mudo pun mahiduikan baliak Puti Galang Banyak, karano Umbuik mudo mampunyoi ilmu untuakmanghiduikan urang nan alah mati jo alat lidi karambia hijau nan di tokokan ka pusek Puti Galang Banyak. Akhianyo kaduonyo saling mamaafan, indak lamo kamudian kaduonyo kawin dan maningga dunia.[1]

Rujuakan[suntiang | suntiang sumber]

  1. a b c d e Djamaris, Dr. Edwar (2002). Pengantar Sastra Rakyat Minangkabau. Jakarta: Yayasan Obor Indonesia. pp. 99-100. ISBN 979-461-395-9.