Uma Lengge

Umma Lengge

Umma Lengge marupoan rumah adaik tradisional masyarakaik suku Mbojo, Bima, Nusa Tenggara Barat (NTB). Lokasi paninggalan rumah adaik ko tapaiknyo barado di Desa Maria, Kecamatan Maria, dan Desa Sambori Kecamatan Lambitu, Kabupaten Bima, Provinsi Nusa Tenggara Barat.

Sajarah

Jiko diartian dalam bahaso Bima, kato umma bararti rumah, dan lengge bararti mangarucuik atau pucuak nan manyilang. Tujuan dibangunnyo Umma Lengge adolah sabagai tampek panyimpanan hasil panen masyarakaik, yaitu padi. Oleh sebab itu bangunan ko dirancang khusus untuak manjago bahan pangan nan disimpan agar tatap tahan lamo dan tahinda dari cuaco buruak atau hewan lia. Umma Lengge dibangun tapisah agak jauah dari rumah masyarakaik. Hal itu batujuan sabagai pancagahan jiko tajadinyo bencana seperti kabakaran, jadi jiko pemukiman masyarakaik tabaka, padi nan disimpan di Umma Lengge indak sato tabaka.

Denah pamukiman Umma Lengge talatak bakumpua pado suatu tampek dengan rumah bajejeran dengan indak adonyo paga halaman karano latak nyo badakekan dan bakalompok dengan umma lengge lainnyo. Kini, karano perkambangan zaman, Umma Lengge dijadian sabagai destinasi wisata dan dialihfungsikan sabagai lumbung padi sajo.

Arsitektur

Sacaro umum, struktur Umma Lengge babantuak karucuik, batiang ampek dari bahan kayu, baratok alang-alang nan manutupi tigo parampaik bagian rumah sabagai dindiang nan mamiliki pintu masuak di bagian bawah. Bagian atok tabuek dari daun alang-alang, langik-langik tabuek dari kayu lontar, sarato lantai tabuek dari kayu pohon pinang atau karambia.

Umma Lengge tadiri dari tigo buah lantai. Lantai nan patamo digunoan untuak manarimo tamu dan kegiatan upacara adaik. Lantai kaduo digunoan sabagai tampek lalok sakaigus dapua . Sadangkan lantai katigo digunoan untuak manyimpan bahan makanan, samacam padi.

Bantuak lengge tacaliak mirip jo rumah panggung, nan dibangun manggunoan bahan kayu dengan atok dari ilalang. Ukurannyo sakitar 4 kali 4 meter, dengan tingginyo mancapai 7 meter. Atoknyo dari ilalang nan babantuak mangarucuik ka ateh.