Tungku Tigo Sajarangan

Rumah gadang marupokan lambang saimbangnyo peranan panghulu, cadiak panda, dan alim ulama di Minangkabau.

Tungku Tigo Sajarangan adolah istilah nan digunokan untuak manggambarkan kapemimpinan di Minangkabau yang terdiri dari panghulu, cadiak pandai, dan alim ulama.Kapamimpinan tigo tungku sajarangan marupokan gejala yang muncul basamo jo paradaban untuak mampatahankan kalangsuangan huduik. Tungku Tigo Sajarangan sabagai pamimpin sacaro sosiologi mamiliki kedudukan sosial. kapamimpinan adolah kamampuan pribadi untuak manegaskan kaputusan yang maagiah dimensi kesusilaan terhadap koordinasi kagiataan organisasi dan parumusan tujuan.

Unsur Kepemimpinan

1. Panghulu

Panghulu marupokan panggilan kapado niniak mamak pamangku adat yang bagala datuak. Panghulu mampunyoi tangguang jawek kapado masalah yang ado pado masyarakat. panghulu indak dipusakoi oleh anaknyo seperti dalam masyarakat, melainkan oleh kamanakan yang bertalian darah. sabagai pamimpin adat panghulu manjago, mangawasi, mangurus, dan manjalankan adat. panghulu adolah pamimpin dan palinduang kaum atau anak kamanakan sapanjang adat.panghulu sangat baparan di tangah-tangah anak kamanakan, tarutamo dalam manyalasaian masalah. tugas pokok panghulu adolah untuak mamaliharo anak kamanakannyo sasuai jo papatah:

Kaluak paku kacang balimbiang

Tampuruang lenggang-lenggangkan

Baok manurun ka Saruaso

Tanamlah siriah yo ureknyo

Anak dipangku kamanakan dibimbiang

Urang kampuang dipatenggangkan

Tenggang nagari jan binaso

Tenggang sarato yo adatnyo

2. cadiak pandai

Kapamimpinan di Sumatra Barat dipacik cadiak pandai sabagai kalangan yang barilmu pengetahuan dalam artian laweh. Cadiak pandai marupokan urang yang paham manganoi urusan-urusan umum dalam kahidupan sahari-hari. Cadiak pandai adolah urang yang manguasoi ilmu adat, ilmu agama, dan ilmu pengetahuan. Sistem kapamimpinan Tungku Tigo Sajarangan, mandafinisian cadiak dalam artian orang minang adolah kamampuan manggunoan akal dalam mengatasi masalah yang rumik. cadiak pandai mampunyoi tugas mambuek undang-undang atau mambuek peraturan. untuak itu cadiak pandai harus:

Nan cadiak biopari

Tau di erang jo gendeang

Tau di cakah jo kaik

Pandai manarah manakalang

Mambuhua undak mambuku

Mauleh indak mangasan

3. Alim ulama

Kabaradoan alim ulama sangat diparalukan sabagai unsur kapamimpinan di Minangkabau. Alim ulama dalam kapamimpinannyo bajalan sairiang jo pamimpin lain di Minangkabau seperti panghulu, niniak mamak. Alim ulama labiah banyak bafungsi sabagai pambina iman dan akhlak anak nagari, alim ulama marupokan milik nagari. Alim ulama batindak layaknyo obor yang manarangi dari kegelapan. konsep kapamimpinan alim ulama dijalehan dalam papatah adat di bawah:

Suluah bendang dalam nagari

Paliti nan ndak namuah padam

Duduaknyo bacamin kitab

Tagak marintang pituah