Tiraspol
Tiraspol adolah ibu kota jo kota tagadang nagara Transnistria, sabuah nagara jo pangakuan tabateh di Eropa Timur. Kota ko talatak di tapi timur sungai Dniester. Pado tahun 2018, panduduaknyo dipakiroan sabanyak 128.600 jiwa.[1] Kota ko marupokan pusek ekonomi, politik, budaya, jo pariwisata nagara.
Sijarah awal tantang wilayah nan manjadi Tiraspol cukuik kurang dikatahui karano kurangnyo panamuan arkeologi kuno di sinan.[2] Namun, babagai etnis alah maunyi wilayah tu salamo ribuan tahun.[3] Pado akhia Abaik Patangahan, wilayah tu manjadi bagian dari Kadipaten Aguang Lithuania.[4] Tiraspol didirian dek Kakaisaran Rusia pado tahun 1795 di sampiang benteang nan dibangun pado tahun 1792 untuak malinduangi tanah nan alah didapekan Rusia malalui Pajanjian Jasay. Dari tahun 1924 hinggo 1940, kota tu manjadi ibu kota Republik Sosialis Soviet Otonom Moldavia. Kota tu pernah dirabuik dek Jerman pado tahun 1941, tapi dirabuik baliak dek Rusia pado tahun 1944.[5] Tiraspol manjadi ibu kota Transnistria pado tahun 1990, katiko nagara tu manyatoan kamardekaan dari Moldova walaupun indak diakui dunia internasional kacuali Rusia.
Rujuakan
[suntiang | suntiang sumber]- ↑ "Citypopulation.de_Tiraspol". citypopulation.de.
- ↑ See E. H. Minns, Scythians and Greeks (Cambridge, 1909); V. V. Latyshev, Inscriptiones Orae Septentrionalis Ponti Euxini, vol. I.
- ↑ "About Transdniestra (Russian)". Diarsipkan dari versi asli tanggal 15 April 2008. Diakses tanggal 2006-12-27.
- ↑ Cucerescu & Rosca 2015, hlm. 187.
- ↑ "Tiraspol | Moldova, Map, History, & Population | Britannica". www.britannica.com (dalam bahasa Inggris). Diakses tanggal 2025-05-21.