Tari Pasambahan

Wikipedia Minangkabau - Lubuak aka tapian ilimu
(Dialiahkan dari Tari pasambahan)
Manyambuik tamu jo tari pasambahan, dimano ado panari di tangah nan mambaok siriah dalam carano.

Tari Pasambahan (dalam ijoan lain Tari Pasombahan) adolah suatu jinih tarian nan dimainan sabagai ungkapan salamaik datang ataupun ungkapan raso horomaik kapado tamu istimewa nan jolong tibo. Tari Pasambahan ko marupokan salah satu seni tari tradisonal nan bakambang di Alam Minangkabau. Namun kini, tari pasambahan ditampilan indak anyo dalam acara manyambuik tamu, tapi juo dalam seni pamentasan jo patunjuakan sabagai sarana hiburan untuak urang rami.[1]

Tari pasambahan dipentasan wakatu tamu jolong tibo dari jauah, atau wakatu marapulai tibo ka rumah anak daro. Tamu nan tibo kudian dipayuangi jo payuang basa subagai tando horomaik ka bakeh tamu. Salapeh tari pasambahan ditampilan, kudian acara dilanjuikan jo maagiah daun siriah dalam carano kapado tamu.[2] Pado alek panikahan, daun siriah diagiah kapado marapulai sabagai wakia dari rombongan. Daun siriah dalam carano tu biasonyo diagiah juo kapado kaduo urang gaek marapulai.[3]

Rujuakan[suntiang | suntiang sumber]

  1. www.scribd.com Tari Pasambahan. Diakses pado 25 September 2011.
  2. http://www.west-sumatra.com Archived 2019-03-09 di Wayback Machine. Pagelaran Seni Minangkabau[pranala nonaktif permanen].
  3. Tari Pasambahan Minang Archived 2010-11-07 di Wayback Machine.. Diakses pado 25 September 2011.