Tari Salai Jin

Tari Salai Jin marupoan seni patunjuakan nan barasa dari Ternate, Maluku Utara. Tari ko tamasuak ritual adaik nan punyo nilai tradisi jo filosofi nan tinggi dek masyarakaik adaik. Salain itu, tari Salai Jin dianggok sabagai tarian nan punyo nilai magis nan digunoan untuak bakomunikasi jo bangso jin. Panari dalam tari ko harus bajumlah genap, buliah laki-laki atau padusi nan manari sacaro bakalompok basamo-samo. Tari Salai Jin marupoan pangembangan dari gerakan tradisional nan dibuek baliak manjadi tari Salai Jin, Tari Cingeri, jo Tari Dana-dana nan manggunoan iringan musik rababu, suliang, rabano, jo tifa.

Sijarah

Manuruik sijarah, sabalun masyarakaik Ternate baragamo Islam nan dibaok dek panjua langkok-langkok dari Sumatera jo Jawa, masyarakaik manganuik animisme jo dinamisme. Kapacayoan tahadok leluhur ko tadapek pado ritual-ritual adaik nan bakomunikasi jo leluhurnyo. Masyarakaik picayo basonyo ado kahidupan lain nan punyo kakuatan di alam nan babeda nan dapek dicaliak dari tari Salai Jin. Dulunyo tarian ko diturunan dari nenek moyang urang Ternate. Tari Salai Jin dilakuan untuak mamintak patolongan roh aluih atau panguaso alam satampek nan disabuik pulo jo jin.

Mulonyo tarian ko indak buliah dilakuan dek sumbarang urang. Hanyo urang-urang pilihan sarupo dukun nan buliah manariannyo. Namun sairiang pakambangan zaman, tarian ko mangalami modifikasi sahinggo manjadi atraksi pariwisata unggulan di Ternate. Salain itu dulunyo harus ado kamanyan nan dibaka untuak malakuan tarian ko. Tapi kini alah diganti manjadi arang nan barasa dari tampuruang karambia. Pakaian nan dipakai panari pun alah manikuikan gaya modern nan barono mancolok.

Proses

Mulonyo panari nan ka manari alah kamasuakan roh aluih atau jin nan mambuek badannyo taraso barek. Sasudah tu masuak labek-lambek batalanjang kaki ka arena tari sambia mambaok tampek nan barisi kamanyan atau arang nan dibaka. Katiko panari masuak, panari diiringi jo iringan tifa, gong jo ucapan Bobeto, sabuah mantra nan manggunoan bahaso usali Tidore. Panari laki-laki manyambuik panari padusi nan tibo. Salain mambaok kamanyan, panari padusi mambaok daun palem kariang nan baguno sabagai painduang dari roh jaek. Puncak dari tarian ko katiko panari padusi mulai indak sadar dek pangaruah roh aluih sahinggo manggariakan badannyo maikuikan irama tari.

Panerapan maso kini

Pado zaman modern kini ko, Tari Salai Jin masih dipatahanan sabagai kaarifan lokal masyarakaik satampek. Tari ko alah mangalami modifikasi nan disasuain jo parubahan zaman. Tari ko digunoan pulo sabagai daya tarik wisatawan jo pariwisata di Ternate. Salain itu dijadian pulo sabagai upacara panyambutan tamu kanagaraan nan tibo ka Ternate. dan salah satu tari penyambutan ketika tamu kenegaraan datang mengunjungi Ternate. Katiko ado festival gadang, tari ko acok pulo ditarian dalam festval tu. Contohnyo katiko Festival Solar Eclipse. Namun kahadiran jin atau roh aluih nan masauak ka badan panari alah jarang tajadi, tapi kondisi magis masih tetap dipatahanan jo musik, mimik wajah, jo gerakan panari.

Di Tidore tadapek sanggar nan diresmian dek Dewan Kesenian Tidore pado bulan September 2014 untuak baraja mangenal tarian ko sarato taraian lain. Palatih nan ado di sanggar tu marupoan panari nan alah biaso manari di kancah nasional.