Tari Rantak Kudo

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Tari Rantak Kudo adolah tarian kasenian khas budayo asli masyarakak Kerinci yang barasal dari daerah Hamparan Rawang Kabupaten Kerinci, Jambi yang banyak diminati kalangan masyarakaik di Kabupaten Kerinci.[1]

Latar belakang[suntiang | suntiang sumber]

Tarian ko dikenal sabagai "Rantak Kudo" karano garak nyo yang mahantak-hantak sarupo kudo. Tarian ko ditarian di dalam perayoan yang dianggap sangaik balatar balakang sakral dek masyarakaik Karinci. Tingginyo panghormatan tahadok parayoan seni jo budayo Karinci pado zaman dahulu sangaik kuaik sahingga dipicayo dalam satiok pamentasan seni budayo ko getaran jo hantakan tari Rantak Kudo bisa taraso hinggo jarak yang sangaik jauah dari lokasi pamentasan. Tarian ko dipasambahan untuak marayokan hasil panen partanian di daerah Kerinci yang sacaro umum adolah bareh (padi) dan dilangsuangkan bahari-hari tanpa hanti. Kadang bilo dilando musim kamarau yang panjang, masyarakaik Kerinci akan mamentasan kasenian iko untuak badoa kapado Yang Maha Kuaso (manuruik kapicayoan masiang-masiang).

Tujuan dari pamentasan tari ko umumnyo adolah untuak malestarian partanian jo kamakmuran masyarakaik, untuak menunjuakkan raso syukur masyarakat Kerinci, dalam musim subur ataupun dalam musim kamarau untuak mamohon berkah hujan sakral dek masyarakaik Kerinci.[1]

Asal usul[suntiang | suntiang sumber]

Walaupun alah ado banyak tulisan yang manuliisan tantang asal usul Tari Rantak Kudo, alun ditemukan sumber yang batua- batua manjalehan asal usul seni budayo iko di Kerinci. Hal tasabuik dipakirokan karano sijarah Tari Rantak Kudo ko dipakirokan alah ado sajak lamo bana di daerah Kabupaten Kerinci. Menuruik seniman-seniman senior (tuo), kasenian ko alah dipalajari dan di laksanokan jauah sabalum lahia namun asal-usulnyo manjadi kabur sairiang pajalanan wakatu jo kurangnyo parhatian dari sijarawan satampek.[1]

Tata tari jo adaik ritual[suntiang | suntiang sumber]

Tari Rantak Kudo dimainkan diiriangi alaik musik gandang jo di iringi dek nyayian yang barisi pantun-pantun, hal ko babeda jo Tari Rantak dari Minangkabau yang hanyo diiriangi instrumen musik. Para penari tadiri dari laki- laki jo padusi yang manari jo garakan yang khas, yaitu kombinasi dari garakan silek "langkah tigo" ("Langkah Tiga") dan tari. Biasonyo tarian iko dipentasan pulo jo mambaka kumayan tradisional upacara ritual yang mambuek penari samakin khidmat dalam geraknyo, bahkan kadang-kadang ado di antaro penari yang mangalami kasurupan.[1]

Di Indonesia saaik kini, tarian iko biasonyo dipentasan dalam acara-acara adaik jo acara resepsi baralek adaik Kerinci. Salah satu lirik lagu di dalam pantun yang basahuik-sahuik adolah: "Tigeo dili, empoak tanoh rawoa. Tigeo mudik, empoak tanoh rawoa" (Bahasa Indonesia: "Tiga di Hilir, Empat dengan Tanah Rawang. Tiga di Mudik, Empat dengan Tanah Rawang"). Lirik tasabuik mancaritoan sabuah kisah pado zaman nenek moyang suku Kerinci dahulu kala, di kala pamarintahan para Depati (Adipati), Tanah Hamparan Rawang marupokan pusek pamarintahan, pusek kota jo kebudayaan di kala itu, yaitu dalam lingkup Depati 8 halai kain yang bapusek di Hiang (Depati Atur Bumi) dimano Tanah Hamparan Rawang marupokan tampek duduak basamo (partamuan pantiang dalam adaik Kerinci).[1]

Rujuakan[suntiang | suntiang sumber]


  1. a b c d e https://padek.co/koran/newspadek.com/read/detail/119368/Tarian-Tradisional-Tari-Rantak