Taman Nasional Gunung Rinjani

Taman Nasional Gunung Rinjani (TNGR) talatak di Lombok, Provinsi Nusa Tenggara Barat, Indonesia. Sacaro geografis talatak  antaro 116°21’30” - 116°34’15” BT dan 8°18’18” - 8°32’19”  LS marupokan daerah bagunuang-gunuang dengan katinggian mulai 500 – 3726 mdpl (Puncak Rinjani). Kawasan Taman Nasional Gunung Rinjani (TNGR) marupokan salah ciek bagian dari hutan hujan tropis yang tadapek di wilayah Nusa Tenggara Barat, tapeknyo talatak di P. Lombok yang terdiri dari babagai tipe ekosistem mulai dari hutan tropis dataran randah, hutan tropis pagunuangan hingga sub alpin.

Pado kawasan Taman nasional Gunung Rinjani (TNGR) kito bisa pulo malakuan pandakian gunuang yaitu gunung rinjani. Ado babarapo jalur pandakian yang paliang di minaikan adalah Senaru, Sembalun Lawang, dan Torean. Masiang-masiang jalur manawarkan sensasi yang babeda-beda, mulai dari pamandangan alamnyo yang rancak ado pulo tantangan fisik yang mamacu adrenalin kito. Jalur pandakian Senaru dan Sembalun Lawang acok di gunoan dek pandaki yang nio mandaki Gunuang Rinjani untuak mancapai puncak Gunuang Rinjani atau manuju Danau Segara Anak.

Di Taman Nasional Gunuang Rinjani kito bisa manyobokan babarapo flora dan fauna. Babarap0 flora adolah garu (Dysoxylum), mimba (Azadirachta argentea), lambudu (Lasianthus), beringin (Ficus superba), randu hutan (Gossampinus heptophylla), dan deduren (Agalaia argentea) dan fauna nyo seperti landak (Hystrix javanica), babi hutan (Sus vittatus), rusa (Cervus timorensis), monyet ekor panjang (Macaca fascicularis), kijang (Muntiacus muntjak), lutung (Trachypithecus auratus), dan kelelawar buah (Macroglossus minimus).