Taman Nasional Baluran

Taman Nasional Baluran adolah salah ciek taman nasional di Indonesia yang talatak di wilayah Banyuputih, Situbondo, Jawa Timur, Indonesia. Namonyo diambiak dari namo gunuang yang barado di daerah iko, yaitu Gunung Baluran. Awalnyo, kawasan taman nasional iko ditetapkan sabagai hutan linduang pado tahun 1930 dik Direktur Kebun Raya Bogor yang banamo K.W. Dammerman. Statusnyo kamudian diubah manjadi suaka margasatwa oleh Gubernur Hindia Balando pado tanggal 25 September 1937. Disatujui baliak sabagai suaka margasatwa diadoan dik Menteri Pertanian dan Agraria malalui Surek Kaputusan Nomor. SK/II/1962 tanggal 11 Mei 1962. Status taman nasional didapekan pado tanggal 6 Maret 1980 dik Menteri Pertanian dan ditetapkan baliak pado tahun 1997 dik Menteri kehutanan. Laweh lahannyo selueh 25.000 ha. Taman Nasional Baluran babateh jo selat Madura di utara, selat BalI di timur, Kampuang Wonorejo dan Sungai Bajulmati di selatan dan, serato Sungai Klokoran dan Kampuang Sumberanyar di barat. Wilayahnyo dibagi manjadi zona inti selueh 12.000 Ha, zona rimba salueh 5.537 ha, zona pamanfaatan intensif salueh 800 Ha, zona mamanfaatan khusus salueh 5.780 Ha, dan zona rehabilitasi salueh 783 Ha. Pangalolaannyo dibagi duo manjadi Seksi pangalolaannyo Taman Nasional Wilayah I Bekol dan Seksi Pangalolaan Taman Nasional Wilayah II Karangtekok. Seksi wilayah I meliputi sanggraloka Bama, Lempuyang dan Perengan. Sadangkan seksi wilayah II meliputi sanggraloka Watu Numpuk, Labuhan Merak dan Bitakol.