Taluak Aden
Taluak Aden adolah taluak paraian dalam di Lautan Hindia nan talatak di antaro Yaman di utara, Lauik Arab di timur, Djibouti di barat, sarato Selat Guardafui, Kapulauan Socotra, Puntland di Somalia, jo Somaliland di selatan.[1] Di barat lauik, taluak ko tahubuang jo Lauik Sirah malalui Selat Bab-el-Mandeb, jo di timur tahubuang jo Lauik Arab. Ka arah barat, taluak ko manyampik manjadi Taluak Tadjoura di Djibouti. Pungguangan Aden mambantang di tangah taluak, jo aktivitas tektonik pado pungguangan tu manyababan taluak tu maleba sakitar 15 mm per tahun.
Jalur paraian ko marupokan bagian dari rute palayaran pantiang Tarusan Suez nan maubungan Lauik Sirah jo Lauik Arab di Lautan Hindia, jo sakitar 21.000 kapa malintehi taluak ko satiok taunnyo.[2] Rute tu acok digunoan untuak mangirim minyak dari Taluak Persia, sahinggo manjadian Taluak Aden sabagai jalur paraian nan sangaik pantiang dalam parekonomian dunia.[3][4] Kota-kota pantiang sapanjang taluak iolah Aden di Yaman sabagai kota utamo nan manjadi asa namonyo, Zinjibar, Shuqrah, Ahwar, Balhaf, Mukalla, Ash-Shihr, al-Hami, Hadibu, jo Qulensya. Di sisi Afrika tadapek kota Djibouti, Berbera, jo Bosaso.
Walaupun indak mampunyoi fasilitas parikanan komersial baskala gadang, garih pantai taluak ko manopang banyak kota ketek jo kampuang nalayan nan tapisah-pisah. Taluak Aden kayo akan lauak, penyu, jo lobster.[5]
Rujuakan
[suntiang | suntiang sumber]- ↑ Lytle, Ephraim. "Early Greek and Latin Sources on the Indian Ocean and Eastern Africa." Early Exchange between Africa and the Wider Indian Ocean World. Palgrave Macmillan, Cham, 2016. 113-134.
- ↑ "Pirates fire on US cruise ship in hijack attempt: Yahoo! News". Yahoo!. Diarsipkan dari versi asli tanggal December 4, 2008. Diakses tanggal 2008-12-04.
- ↑ "Earth from Space: The Gulf of Aden – the gateway to Persian oil". European Space Agency. 2005-03-01. Diarsipkan dari versi asli tanggal 2008-03-17. Diakses tanggal 2008-04-04.
- ↑ "Red Sea and the Gulf of Aden" (PDF). International Tanker Owners Pollution Federation (ITOPF). 2003. Diarsipkan dari versi asli (PDF) tanggal 2010-12-16. Diakses tanggal 2008-04-04.
- ↑ "Aden, Gulf of | Encyclopedia.com". www.encyclopedia.com. Diarsipkan dari versi asli tanggal 2019-10-26. Diakses tanggal 2019-06-14.