Sungai Rogue

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Sungai Rogue
The Wild & Scenic Rogue River (48205898602).jpg
Pamandangan Sungai Rogue di caliak dari ateh ngarai Hellgate
Rogue River Watershed.png
Peta aliran aia dari sungai rogue
Etimologi Coquins (rogues), di agia namo ko partamo kali dek panjalajah Perancis untuak manggambarkan Panduduak asli Amerika (Indian)[1]
Lokasi
Negara Amerika Serikat
Negara Bagian Oregon
Daerah nan dilalui sungai Klamath, Douglas,
Jackson, Josephine, dan Curry
Kota nan dilalui sungai Grants Pass
Ciri-ciri fisik
Ulu sungai Boundary Springs in Taman Nasional Danau Crater
 - lokasi Cascade Range, Klamath County, Oregon
 - koordinat 43°3′57″N 122°13′56″W / 43.06583°N 122.23222°W / 43.06583; -122.23222
Muaro sungai Samudera Pasifik
Debit aia  
 - lokasi dakek dari kota Agness, 29,7 mil (47,8 km) dari hulu
Jinih: Wild, Scenic, Recreational
Ditatapkan: 02 Oktober 1968

Sungai Rogue adolah salah ciek sungai nan barado di negara Amerika Serikat. Sungai ko tapeknyo balokasi di subalah baraik daya dari negara bagian Oregon, Amerika Serikat.[2] Sungai iko mampunyoi panjang sakitar 215 mil atau labiah kurang 346 km. Sungai ko di sabuik juo marupoan salah ciek sungai nan aliaran aia nyo ta panjang di negara bagian Oregon ko. Aliran aia sungai ko bahulu di pagunuangan tinggi cascade dan kamudian ba muaro di lauik atau samudera pasifik.[3]

Sijarah[suntiang | suntiang sumber]

Salamo dalapan ribu taun, panduduak satampek alah tingga di sakitaran aliran sungai rogue ko. Sungai ko manjadi sumber aia nan bamanfaaik. Pado abaik ka dalapan baleh atau akhia abaik dalapan baleh, urang-urang panjalajah dari Eropa labiah tapekyo dari negara Perancis nan partamo kali batamu panduduak asli daerah sinan nan banamo suku Indian.[4] Tujuan urang-urang eropa ka sungai ko yaitunyo untuak mancari ikan jo binatang nan ado di danau ko salain itu juo mancari barang-barang tambang. Akibaiknyo, tajadi pasiliasihan antaro panduduak asli satampek jo urang pandatang dari eropa. Pasislisihan ko akhianyo mamuncak sahinggo tajadilah paristiwa nan banamo parang sungai rogue nan balangsuang pado taun 1855 hinggo taun 1956.[4] Imbeh dari parang tasabuik, panduduak asli satempek malarikan diri ka tampek nan aman sarupo ka lambah nan lain nan masih dilalui dek aia sungai rogue ko, tampek tasabuik diantaronyo banamo Grave Creek jo muaro sungai llinois.[5] Tampek panduduak ko marupoan tampek nan jauah di padalaman, sahinggo pado taun 1895, pamarintah satampek mambukak rute kapa layia ka sinan. hinggo kini tadapek kapa-kapa nan balayia di sungai rogue ko.[6]

Geografi[suntiang | suntiang sumber]

Sacaro geografi nyo sungai rogue ko mambantang di negara bagian Oregon nan aia nyo bamuaro ka samudera pasifik. Hulu sungai ko barado di ateh pagunuang tinggi Cascade, kamudian alirannyo malewati gunuang Klamath dan akhianyo malalui pagunuangan cascades baraik nan juo marupoan salah ciek rangkaian pagunuangan barapi di bagian baraik benua amerika.[7] Aliran sungai ko jugo barasa dari babarapo danau kawah nan barado di jajaran pagunuangan tasabuik, danau tasabuik di antaronyo danau crater jo danau kawah gunuang mazama.[8] Alliran aia sungai ko malewati babagai daerah nan ado di dalam negara bagian Oregon ko, diantaronyo malewati daerah jackson, Josephine, Curry, Douglas, dan Klamath di baraik daya Oregon sarato jo daerah Siskiyou jo daerah Del Norte nan barado di California utara.[9]

Binatang jo tumbuahan[suntiang | suntiang sumber]

Binatang[suntiang | suntiang sumber]

Sungai rogue ko marupoan tampek tingga atau habitat ikan salmon. Ikan salmon ko banyak di tamuan di aliran sungai rogue ko nan arah ka baraik atau ka hilia. Jinih ikan salmon saho jo ikan salmon chinook banyak ditamui pado musim semi jo musim gugur. Salain jinih ikan salmon, binatang lain nan ado di sakitaran aliran aia sungai ko adolah ikan cutthroat pasisia, ikan lamprey pasifik, lintah ketek Klamath, tanggiliang kuniang, ikan ameh.[9] Salain binatang nan iduik nyo di aliran aia sungai rogue ko, tadapek pulo binantang nan iduik di sakitar tapian aliran sungai ko. Babarapo diantaronyo iolah buruang, baruang itam Amerika, barang-barang Amerika Utara, ruso baikua itam, alang gundul, bangau biru nan gandang, dan angso Kanada.[10]

Tumbuahan[suntiang | suntiang sumber]

DI sapanjang aliran aia sungai rogue ko tadapek banyak bamacam-macam tumbuahan. Jinih tumbuhan sarupo batang kayu banyak tambuah disakitaran aliran sungai diantaronyo batang kayu cemara putiah jo bantang kayu cemara merah.[11] Batang-batang kayu tasabuik banyak tumbuah di lereng-lereng pagunuangan nan dilalui dek aliran ai sungai rague ko.[11] Aliran sungai ko nan mangalia ka arah pasisia pantai banyak di tumbuahi dek tanaman-tanaman nan masih alami. Babarapo di antaronyo iolah tumbuahan pakih, lumuik, dan tumbuhan nan badaun leba-leba.[12]

Kagiatan wisata[suntiang | suntiang sumber]

Tadapek banyak kagiatan nan bisa dilakuan dek pangunjuang untuak balibur di sungai rogue ko. Babarapo kagiatan nan dapek dilakuan di sakitaran sungai rogue ko iolah kagiatan mamanciang, mandaki bukik, bamain benen di aliran aia sungai. Kagiatan mamanciang di sungai rogue ko marupoan salah ciek kagiatan nan banyak paminaik dek masyarakaik, di karanoan di bagian hulu sungai ko tadapek banyak ikan salmon nan gadang-gadang nan banamo ikan salmon chinok. Jinih ikan salmon ko banyak di tamui pado musim gugur jo musim semi. Salain mamanciang ikan, pamanciang dapek pulo mamanciang kapitiang jo udang.[13]

Poto - poto sungai rogue[suntiang | suntiang sumber]

Rujuakan[suntiang | suntiang sumber]

  1. McArthur & McArthur 2003, hlm. 822.
  2. "Programs Recreation: Permits and Passes: Lotteries and Permit Systems: Oregon-Washington: Rogue River". www.blm.gov (dalam bahasa Inggris). 2016-10-24. Diakses tanggal 2020-01-07. 
  3. "ROGUE RIVER, OREGON". NATIONAL WILD AND SCENIC RIVERS SYSTEM. Diakses tanggal 07 Januari 2020. 
  4. a b "History Of The Rogue River Southern Oregon". www.southernoregon.com. Diakses tanggal 2020-01-08. 
  5. "Illinois River. Oregon". Diakses tanggal 08 Januari 2020. 
  6. "Rogue River". www.aukevisser.nl. Diakses tanggal 2020-01-08. 
  7. "Deschutes & Ochoco National Forests - Geology - High Cascades Province". web.archive.org. 2005-04-09. Diakses tanggal 2020-01-08. 
  8. "Deschutes & Ochoco National Forests - Geology - Western Cascades Province". web.archive.org. 2005-04-09. Diakses tanggal 2020-01-08. 
  9. a b Rogue River TMDL "Wayback Machine" (PDF). web.archive.org. 2014-05-26. Diakses tanggal 2020-01-08. 
  10. "The Rogue River". www.blm.gov (dalam bahasa Inggris). 2016-11-04. Diakses tanggal 2020-01-09. 
  11. a b "Ecoregions of Oregon (front side of color poster with map, descriptive text, summary tables, and photographs)" (PDF). Diakses tanggal 08 Januari 2020. 
  12. "Flora and Fauna of the Rogue River". Morrisons Rogue Wilderness Adventures (dalam bahasa Inggris). 2017-03-28. Diakses tanggal 2020-01-09. 
  13. "Discover the rogue river walk" (PDF). Diakses tanggal 09 Januari 2020.