Sumbayang tarawih

Sumbayang Tarawih

Salat Tarawih (baso Arab: صلاة التراويح) (kadang-kadang disabuik Taraweh atau Tarawih ) adolah sumbayang sunah nan dilakukan sacaro khusus salamo bulan puaso. Tarawih dalam bahaso Arab adolah jamak dari تَرْوِيْحَةٌ nan baarati "waktu singkek untuak istirahat". Wakatu untuak malakukan sumbayang sunah ko adolah sasudah sumbayang Isya dan biasonyo dilakukan bajamaah di musajik. Nabi Muhammad hanyo malakukannyo sacaro bajamaah pado tigo kali. Hadis manyabuik baso Muhammad kamudian indak malanjuikan pado malam-malam barikuiknyo karano takuik salat Tarawih manjadi wajib bagi umaik Islam.

Kautamoan

Kautamoan nan paliang mandasar dari sumbayang Tarawih adolah pangampunan Tuhan ateh doso-doso maso lalu saurang Islam. Malakukan Sumbayang Tarawih bajamaah dianggap samo jo malakukan sumbayang Tahajud sapanjang malam. Dek kautaman iko, sumbayang Tarawiah marupoan salah satu sumbayang sunah nan paliang pantiang.

Wakatu

Sumbayang tarawih dilakukan pado malam hari salamo bulan Ramadhan, khususnyo sasudah malakukan salat Isya jo manjalang wakatu Subuh. Ulama sapandapek bahaso wakatu Tarawih mangikuti wakatu sumbayang malam (qiyam al-lail), yaitu dimulai sasudah isya sampai subuah. Dalam prakteknyo, banyak umaik Islam malakukannyo sacaro langsuang sasudah Isya bajamaah di musajik, kamudian diakhiri jo sumbayang Witir. Namun, Tarawih dapek juo dilakukan pado katigo tarakhia malam bagi urang-urang nan nio mandapek kabajikan wakatu nan labiah pantiang, sarupo jo anjuran umum untuak maningkekan ibadah salamo wakatu itu. Jadi, rentang wakatu untuak malakukan Tarawih fleksibel salamo masih antaro salat Isya jo naiaknyo fajar di bulan Ramadhan.