Skeptisisme

Wikipedia Minangkabau - Lubuak aka tapian ilimu
Loncat ke navigasi Loncat ke pencarian


Skeptisisme marupokan paham nan mamandang sasuatu selalu indak pasti (maragukan, mancurigai), misalnyo: kasus korupsi dikalangan aparat negara nan indak bakasudahan manimbuakan skeptisisme di masyarakaik taradok sistem hukum yang ado kini. Manuruik Kamus Besar Bahasa Indonesia (KBBI), skeptis iyolah kurang picayo, ragu-ragu (taradok kabarhasilan ajaran dsb), misalnyo; pandaritaan dan jo manjadikan urang jadi sinis dan skeptis. Sacaro umum skeptisisme adolah kaindakpicayoan atau karaguan individu tantang ssuatu nan alun jaleh kasahiahannyo lai. Tom Friedman dari New York Times mangatokan basonyo skeptis adolah sikap untuak selalu mampatanyokan sagalo sasuatunyo, maragukan apo nan ditarimo, jo mawaspadai sagalo kapastian supayo indak mudah sajo dikicuah. Urang nan skeptis akan bakato: "Ambo raso itu indak batua. wak cubo mancek dulu."

Dalam panggunoan sahari-hari skeptisisme bisa bararti:

  1. Suatu sikap karagu-raguan atau disposisi untuak karaguan baiak sacaro umum atau manuju objek tatantu;
  2. Ajaran nan bana ilmu pangatahuan atau ado di ranah tatantu nan alun pasti; atau
  3. Metode panangguahan kabanaran, karaguan sistematis, atau kritik nan bacirikan pado skeptis (Merriam-Webster).

Dalam filsafat, skeptisisme labiah dimaknai khusus untuak suatu atau dari babarapo suduik pandang. Tamasuak suduik pandang tantang:

  1. Sabuah pertanyaan,
  2. Metode mandapek'an pangatauan lewat karaguan sistematis jo pangujian nan bakataruihan.
  3. Kasumbarangan, relativitas, atau subyektivitas dari nilai-nilai moral,
  4. Keterbatasan pangatahuan,
  5. Metode cadiak pandai, kahati-hatian jo timbang bana nan ditangguahan.