Sjahruddin

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Sjahruddin adolah saurang wartawan jo pajuang kamardekaan Indonesia. Sasudah Soekarno nan didampiangi Muhammad Hatta mangumandangkan teks Proklamasi Kemerdekaan Indonesia pado 17 Agustus 1945, Sjahruddin—saurang wartawan mudo kantua barito Domei (kini LKBN Antara) manyalinok-an sacariak karateh. Inyo bajalan capek tapi harus bahati-hati maninggakan lokasi karano tantara Japang masih bakaliaran. Kok tatangkok, nyawo malatyang.

Karateh salinan proklamasi tu harus dibaok Sjahruddin ka Gaduang Hosokyoku (Gaduang RRI kini) di Jalan Gambir 4-5 (Kini Jalan Merdeka Barat) Jakarta supayo dapek disiarkan sacaro laweh. Katiko itu, Gaduang Hosokyoku masih dalam pangawalan tantara Japang.

Tapi itu indak karajo murah. Babagai strategi jo taktik dilakukannyo bia karateh nan sangek banilai tu dapek sampai ka ruang siaran Hosokyoku. Salah satu usaho nan dilakukan Sjahruddin adolah malompek tembok balakang kantua radio tu. Soalnyo pintu muko indak mungkin dilalui karano Kempetai Japang masih manjago ketat.

Alhasil, Sjahruddin barasia masuak diam-diam, lalu maagiahan sacariak karateh tu kapado panyiar Jusuf Ronodipuro. Di baliak karateh tu tatulih: Harap barito talampia disiarkan!” Kalimat barisi parintah tu ditulih dek Adam Malik nan katiko itu Kapalo Kantua Barito Domei.

Tapek pukua 19.00 WIB, Jumaik 17 Agustus 2017, dari salah satu ruang barito lua nagari.[1]

Pandidikan[suntiang | suntiang sumber]

Sikola Taman Dewasa Rayo (Sikola Taman Siswa, satingkek SMA) di Bukittinggi.

Rujuakan[suntiang | suntiang sumber]

  1. Chaniago, Hasril (2018). 121 Wartawan Hebat dari Ranah Minang. Padang: Biro Humas Setda Sumatera Barat. pp. 388-391. ISBN 979-602-51382-0-1.