Siti Danilah Salim
| Biografi | |
|---|---|
| Lahia | 21 Desember 1897  Kota Tanjungpinang |
| Kamatian | 15 Juli 1989 (91 tahun (id) terjemahkan) |
| Kalompok etnis | Urang Minangkabau |
| Kagiatan | |
| Karajo | Wartawan |
| Kaluarga | |
| Pasangan hiduik | Sjamsuddin Sutan Makmur |
| Abak | Sutan Mohamad Salim (id)  |
Siti Danilah Salim adolah saurang wartawan, panulih, sarato tokoh pado maso pajuangan. Inyo lahia di Tanjung Pinang, Kapulauan Riau, 21 Desember 1897, dan wafat di Jakarta taun 1989. Ayah Danilah banamo Sutan Mohammad Salim, nan dulu kapalo Jaksa di Riau pado maso panjajahan Balando. Mandehnyo banamo Siti Zainab nan barasa dari Koto Gadang, Agam. Inyo manampuah pandidikan di Europese Legere School (ELS) di Riau, dan malanjuikan pandidikan di MULO (satingkek SMP) di Medan.
Dari pangalaman sahari-hari inyo baraja sacaro otodidak mangarang jo baraja ilmu jurnalistik. Dek katakunannyo, mambuek bahasonyo bakambang. Kudian inyo bagabuang jo Jong Sumatranen Bond, manulih pulo di Harian Neratja. Karangan-karangannyo bakisar kajadian sahari-hari jo kritik tahadok lingkuangan. Pado taun 1920, Dinilah manikah jo urang Minang nan kudian bakarajo di parusahoan minyak di Kalimantan. Tapi disayangkan Dinilah bacarai jo suamiyo pado taun 1938, namun dek akibaik bacarai indak manganggu jo aktivitasnyo sabagai tokoh pagerakan jo wartawan. Sasudah tu Dinilah manjadi pers komisi organisasi Perkumpulan Istri Indonesia nan manabikan Majalah Isteri Indonesia. Sasudah tu pado taun 1942, inyo manikah baliak jo Syamsudin Sutan Makmur, saurang wartawan nan lahia di Medan nan asanyo dari Koto Gadang, sakampuang jo Dinilah.
Di pangujuang kakuasoan Japang, Syamsuddin Sutan Makmur, suami Danilah maambiak aliah pacetakan miliak Japang di Jakarta sarato mandirikan Harian Rakyat. Di Harian Rakyat, Danilah mangasuah rubrik “Pojok” jo namo samaran Bang Golok.[1]
Pandidikan[suntiang | suntiang sumber]
- Europese Legere School (ELS) di Riau
- MULO (Satingkek jo SMP)
Kahidupan[suntiang | suntiang sumber]
Siti Danilah Salim manikah pado taun 1920 jo urang Minang dan bacarai pado taun 1938, sasudah itu manikah baliak pado taun 1942 jo Syamsuddin Sutan Makmur, saurang wartawan nan lahia di Medan nan asanyo dari Koto Gadang sakampuang jo Dinilah.
Karier[suntiang | suntiang sumber]
Soto Danilah Salim baraja sacaro otodidak mangarang jo jurnalistik, kudian bagabuang jo Jong Sumantranen Bond, inyo manulih pulo di Harian Neratja. Dinilah manjadi pers komisi organisasi Perkumpulan Istri Indonesia nan manabikan Majalah Isteri Indonesia. Diharian Rakyat percetakan suaminyo nan diambiak dari Japang Dinilah mengasuh rubrik "Pojok" jo namo samaran Bang Golok.
Rujuakan[suntiang | suntiang sumber]
- ↑ Chaniago, Hasril (2018). 121 Wartawan Hebat dari Ranah Minang. Padang: Biro Humas Sedda Sumatera Barat. pp. 381-383. ISBN 978-602-51382-0-1.
 |
Iko baru laman rancangan. Bantulah Wikipedia untuak mangambangannyo. |