Sidi
Sidi adolah gala untuak laki-laki nan diturunkan dari ayah ka anak nan baasa dari Padang Pariaman. Kato "sidi" baasa dari kato Arab "Sayyidi" (سيدي) nan baarati Tuanku. Daulu, gala ko biasonyo diagiah kapado anak dari ulama katurunan Nabi Muhammad nan manyebakan agamo Islam di daerah Pariaman jo sakuliliangnyo.[1] Gala ko akan diagiah ka marapulai salapeh akaik nikah di muko pangulu. Gala ko dijadian imbauan pangganti namo keteknyo dan masyarakaik akan mamanggianyo jo gala baru tasabuik. Salain sidi, gala Piaman lain nan diwarihan cando ko antaro lain "bagindo" jo "sutan". Babeda jo di daerah Darek cando Bukiktinggi, Batusangka, atau Payakumbuah, gala diturunkan dari mamak ka kamanakan.[2]
Tokoh nan bagala sidi
[suntiang | suntiang sumber]- Sidi Bakarudin : Bupati Militer Tanah Datar nan patamo[3]
- Sidi Mara : Tokoh pajuang Paderi[4]
- Sidi Tando : Pangusao, pamiliak "NV Pabrik Tjat, Tinta dan Pernis Indonesia"[5]
- Sidi Muhammad Sjaaf : Wartawan jo panulih nan mandirikan Harian Berita Indonesia (1945)
- Sidi Moeslim Taher : Dewan Pertimbangan Agung Republik Indonesia (1983–1988)
- Sidi Hermanto Tanjung : Anggota DPR
- Sidi Bakar : Guru silek harimau minangkabau
- Sidi Batuah : Tokoh Masyarakaik Sikaladi
Caliak juo
[suntiang | suntiang sumber]Rujuakan
[suntiang | suntiang sumber]- ↑ Priyambodo RH (2010) "Jusuf Anwar Diberi Gelar Sidi di Padangpariaman" Antara
- ↑ Hilma Pami Putri, Widya Syafitri (2019) "Linguistics Relativity of the Sumando Tributes in Pariaman Culture" BICED 2019. DOI 10.4108/eai.17-20-2019.2289771
- ↑ Rahmat Irfan Denas (2021) "Sidi Bakarudin, Bupati Militer Tanah Datar" Suluah
- ↑ Jose Hendra (2016) "Hikayat Sidi Mara : Bajak Laut Pantai Barat Sumatra[pranala nonaktif permanen]" Historia
- ↑ Petrik Matanasi (2020) "Kisah Sidi Tando Sang Juragan Cat Nasional" Tirto