Sago

Dari Wikipedia baso Minang, ensiklopedia bebas
Loncat ke navigasi Loncat ke pencarian

Sago[suntiang | suntiang sumber]

Sago marupoan tumbuahan nan tumbuah sacaro lia, biasonyo banyak tumbuah di rimbo, parak, ladang atau ditapi jalan. Tumbuahan sago tamasuak kadalam kaluarga poloang-poloangan. Batang sago baukuran ketek dan marambek pado inang maliliak-liak ka arah kiri. Warna bungo sago bawarna ungu mudo nan manyarupoi kupu-kupu pado tandan bungo dan buahnyo bawarna merah, sarupo kato papatah Minang "Nan kuriak iyolah kundi nan merah iyolah sago, nan baiak iyolah budi nan indah iyolah baso".

Buah sago biasonyo dijadian sabagai hiasan sajo, dikaranokan buahnyo nan manganduang racun. Misalnyo, dijadiaan untuk mambuek kaluang, galang, mato boneka atau hiasan lainnyo. Walaupun manganduang racun tumbuahan sago tetap dicari sabagai bahan ubek tradisional. Adopun manfaat dari tanaman sago iyolah bisa dijadian untuak ubek batuak, untuak ubek amandel, untuak ubek sariawan, untuak ubek sakik radang mato, untuak ubek sakik jantuang, untuak ubek panas dalam,untuak sakik hipertensi dan lain sabagainyo.

Tumbuahan sago tumbuah baiak pado daearah dataran randah sampai katinggian 1000 meter di ateh permukaan lauik. Kini, tumbuahan sago agak sulik dicari, dikaranokan tumbuahan sago nan manganduang racun abrin sahinggo indak dapek di manfaatkan untuak pambibitan. Minimnyo pengetahuan masyarakat pado zaman kini mengenai manfaat sago dan kebanyakan urang labiah mamiliah untuak barubek ka dokter dibandiangkan maminum ubek tradisional.

Rujuakan[1][suntiang | suntiang sumber]

  1. "SAGA - CIRI-CIRI TANAMAN SAGA, SERTA KHASIAT DAN MANFAATNYA". Ahli Pengobatan. 28 Nopember 2014. http://www.tanobat.com/saga-ciri-ciri-tanaman-saga-serta-khasiat-dan-manfaatnya.html. Diakses pado 18 oktober 2018.