Saalah Yusuf Sutan Mangkuto

Wikipedia Minangkabau - Lubuak aka tapian ilimu
Infobox orangSaalah Yusuf Sutan Mangkuto
Biografi
Lahia1901 Edit nilai pada Wikidata
Pitalah Edit nilai pada Wikidata
Kamatian1974 Edit nilai pada Wikidata (72/73 tahun (id) terjemahkan)
Kalompok etnisUrang Minangkabau Edit nilai pada Wikidata
Kagiatan
Partai politikPartai Masyumi (1945) Edit nilai pada Wikidata

Saalah Yusuf Sutan Mangkuto, acok ditulih S.Y. Sutan Mangkuto, (lahia 1901) adolah organisiator jo aktivis Muhammadiyah. Inyo tanamo sabagai salah saurang pandiri cabang Muhammadiyah di Padang Panjang pado tahun 1926[1][2] dan parnah manjadi Katua Pimpinan Muhammadiyah Sumatra Tengah pariode 1949–1956.[3]

Lahir di Pitalah pado tahun 1901, Saalah alah bagabuang jo Muhammadiyah samanjak mudo. Sabalun tajun dalam gerakan Muhammadiyah, Saalah parnah bakarajo sabagai pangacara jo panasihaik politik.[4] Pado tahun 1930, inyo dipicayoan manjadi Katua Majelis Pimpinan Muhammadiyah Minangkabau manggantikan A.R. Sutan Mansur. Sasudah proklamasi kamardekaan, inyo sempat ditunjuak pamarintah sabagai Bupati Solok (1946-1947)[5] jo Bupati Lima Puluh Kota (1949).

Kehidupan[suntiang | suntiang sumber]

Saalah Yusuf Sutan Mangkuto lahia di Nagari Pitalah, Tanah Datar pado tahun 1901. Inyo adolah putra pamimpin Tarekat Naqsyabandiyah. Inyo manamatan pandidikanyo pado tahun 1917, tapi masih maalnjuikan baraja agamo.[6]

Katiko Abdul Muis mulai manabikan surek kaba di Padang pado tahun 1923, Saalah pai bakarajo untuaknyo sabagai panasihaik politik.[7] Sasudah pangusiran Abdul Muis dari Minangkabau pado tahun 1924, Saalah baliak ka Pitalah dan mandirian organisasi untuak manyatuan pangulu dan fungsionaris adat. Namun, usahanyo gagal dan inyo mamutuihan pindah ka Padang Panjang.[7]

Pado tahun 1925, basamo konconyo Datuak Sati dari Batipuh, inyo pai ka Pulau Jawa. Sasudah basuo jo Agus Salim di Batavia, Saalah malanjuikan parjalanan ka Yogyakarta pado bulan Agustus untuak mangadiri Kongres Al-Islam. Samanjak itulah hatinyo mulai tapauik manekuni pargerakan Islam. Dari parkanalannnyo jo Fachruddin, inyo mulai mampalajari Muhammadiyah.[7] Saalah baliak ka Padangpanjang pado awal tahun 1926.[8]

Rujuakan[suntiang | suntiang sumber]

Daptar pustaka

The Kaum Muda Movement in West Sumatra (1927-1933). Equinox Publishing. 

  • Kahin, Audrey R. (2005). Dari Pemberontakan ke Integrasi. Yayasan Obor Indonesia. 

Pautan luar[suntiang | suntiang sumber]