Rumah Si Pitung

Rumah Si Pitung

Cagar Budaya

Rumah si Pitung adolah cagar budaya nan alah resmi ditatapkan manjadi cagar budayo oleh Pemerintah Provinsi (Pemprov) DKI Jakarta pado 1993, nan barupo bangunan kayu magah yang dibangun pado abad ka 20-an. Cagar budayo iko talatak di pesisir Marunda Pulo, Cilincing, Jakarta Utara. Daerah ko disabuik Marunda Pulo karano dulu marupokan pulau ketek jo hanyo ado satu bangunan nan kini disabuik Rumah Si Pitung. Sabalum sabutan "Rumah si Pitung" ado, masyarakat manyabuik rumah ko "Rumah Tinggi." Rumah si Pitung mulai dikenal masyarakat sajak rumah ko parnah dijadikan lokasi shooting film "Pitung Jago Betawi".

Bangunan ko dibali dek Pemda DKI dari H. Mat Sani nan dikatahui manjadi panghuni tarakiah rumah ko. Rumah si Pitung ko manjadi ikon kisah pajuangan jo palawanan masyarakat Batawi tahadap panjajahan Balando. Rumah ko babantuak rumah pangguang, bangunannyo tabuek dari bahan kayu ciri khas arsitektur Batawi, di lain bagian tadapek pulo arsitektur gaya Bugis pado gaya rumah pangguang sarato ornamen nan tadapek si bagian sarambi muko rumah. Ado tangga disabuik balak suji nan manuju ka ateh maarah ka bagian dalam rumah. Sasudah malalui tangga, pado bagian muko rumah tadapek paga pambateh dari kayu langkan. Area sarambi jo dalam rumah dipisahkan samo pintu dilengkapi ornamen di bagian kanan jo kiri pintu tu.

Pado tahun 2010 rumah Si Pitung direnovasi kumbali jo pemerintah dengan anggaran Rp3 miliar. Renovasi nan dilakukan adolah maninggikan bangunan satinggi 4 meter (agak tahinda dari lauik nan pasang), mangganti lantai aslinyo nan tadi tabuek dari bilah-bilah buluah untuak kamudian diganti jo kayu. Duo tahun kamudian dilakukan renovasi kumbali samo Dinas kabudayaan Jakarta Utara. Renovasiko baanggaran Rp 2,1 miliar itu hanyo dilakukan pado bangunan lain, halaman sarato gerbang, pagar nan mangaliliangi rumah Si Pitung.

Harago Tiket

Individu:

Selasa - Jumat:

1. Dewasa: Rp10.000
2. Pelajar: Rp5.000
3. Wisatawan Mancanegara: Rp50.000

Sabtu - Minggu:

1. Dewasa: Rp15.000
2. Pelajar: Rp5.000
3. Wisatawan Mancanegara: Rp50.000

Tiket Grup

Selasa - Jumat:

1. Dewasa: Rp7.500
2. Pelajar: Rp5.000
3. Wisatawan Mancanegara: Rp50.000

Sabtu - Minggu:

1. Dewasa: Rp11.250
2. Pelajar: Rp3.750
3. Wisatawan Mancanegara: Rp50.000

Pamarintah Provinsi DKI Jakarta mambarikan layanan masuak museum gratis bagi warga dengan tigo kategori, yakni panyandang disabilitas, lanjut umua jo paserta didik panarimo Kartu Jakarta Pintar (KJP) nan balaku mulai 20 Januari 2017.