Rumah Adat Lobo

Lobo adolah sabuah rumah adaik nan baasa dari Kabupaten Poso jo Kabupaten Tojo Una-una, Sulawesi Tengah. Lobo biasonyo digunoan sabagai rumah adat oleh suku Bare'e. Lobo ko alah tacatat di museum Provinsi Sulawesi Tengah sabagai rumah adaik punyo suku Bare'e.

Pado tahun 1914, Lobo ko masih bisa di tamui di babarapo desa wilayah Tojo tarutamo di Taliboi jo Makoepa (Makupa). Lobo ko tabuek dari tiang jo dindiang kayu nan baatok ilalang dan hanyo punyo ciek ruang gadang jo tiang-tiang panyangga dan tagak tagok jo sajajar. Rumah adaik ko digunoan untuak tampek musyawarah, pangadilan, jo upacara adaik.

Dicaliak dari konstruksinyo, Lobo ko tasusun dari konstruksi dasar, kontsruksi tangah jo konstruksi ateh. Konstruksi dasar tasusun dari susunan kayu bulek (banaloa) nan batumpu ka anam pondasi batu cadas nan diikek jo tali babahan rotan. Pado konstruksi tangah, lantainyo dibuek dari balok-balok kayu baukuran gadang jo ketek nan di pasang mambujua jo malintang nan diikek ka tiang-tiang panyangga manggunoan tali rotan. Papan lantainyo tabuek dari kayu baukuran leba jo taba supayo tahan lamo, sasuai pulo jo iklim Kulawi nan dingin. Dindiang rumah Lobo tabuek dari papan kayu nan indak talalu rapek, sahinggo udaro bisa bebas masuak. Untuak mancegah posisi dindiang bageser, di bagian ateh satiok dindiang disalek an kayu bulek ketek sabagai pangapik. Pado konstruksi ateh balok bubungan atok didukuang jo tiang utamo struktur bangunan. Panutuik atoknyo tabuek dari kayu alipa jo kaha nan di iris tipih jo tahan aia.

Rumah Lobo ado duo macam dicaliak dari fungsinyo, ado Lobo dan bafungsi untuk tampek tingga bantuaknyo labiah ketek. Ado pulo Lobo nan bantuaknyo labiah gadang nan digunoan untuak aula, tampek ritual adaik, patamuan adaik, sumbayang, jo lainnyo. Di satiok suduik rumah Lobo di tarangan jo lampu damar. Kaduo macam Lobo dari suku Bare'e ko bantuak nyo samo tapi fungsi jo ukurannyo babeda. Biasonyo rumah Lobo ko bawarna hitam jo coklat kayu.