Republik Demokratik Arab Sahrawi
Republik Demokratik Arab Sahrawi, juo dikenal sabagai Republik Sahrawi jo Sahara Barat, adolah nagara nan diakui sabagian di Maghreb barat, nan mangklaim wilayah Sahara Barat nan indak mampunyoi pamarintahan surang, tapi hanyo manguasoi sapalimo wilayah paliang timur. Nagara ko per Desember 2022 diakui dek 47 nagara anggota Pasarikatan Banso-Banso sarato Ossetia Selatan,[1] tatapi diklaim dek Maroko sabagai bagian dari wilayahnyo. Ibu kota nan diklaim iolah Laayoune, tapi karano ndak dikuasoi, ibu kota samantaro barado di Tifariti.[2][3]
Wilayah Sahara Barat dulunyo bagian dari koloni Spanyol sakitar tahun 1884 hinggo 1976. Katiko Spanyol maninggaan wilayah tu, Front Polisario mandeklarasian kamardekaan Arab Sahrawi jo mambantuak pamarintahan di pangasiangan sarato mamarangi Maroko jo Mauritania untuak manguasoi wilayah tu. Pado tahun 1979, Mauritania malapehan klaimnyo, kamudian Maroko mancaplok wilayah tu.[4] Pamarintah Arab Sahrawi manyabuik wilayah nan dikuasoinyo sabagai Zona Bebas. Pamarintahan Arab Sahrawi barado dalam karangko republik presidensial ciek partai nan manggabuangan unsua-unsua sistem parlementer. Jabatan tatinggi barado di tangan Presiden nan dipacik dek sekretaris jenderal Front Polisario.[5] Presiden kamudian maangkek surang Pardana Mantari.
Kasadoan data tantang informasi demografi manganai Sahara Barat sangaik rentan jo kasalahan, apopun sumbernyo. Namun manuruik Britannica, pado tahun 2007 panduduaknyo dipakiroan bajumlah 489.000 jiwa.[6] Sasudah Pawai Ijau 1975, nagara Maroko mamindahan ribuan panduduaknyo ka wilayah nan dikuasoinyo. Pado tahun 2015, panduduaknyo dipakiroan sabanyak 500.000 jiwa.[7] Agamo nan dianuik iolah Islam Sunni. Kalompok etnis utamo barupo urang Arab jo Berber. Sadangkan bahaso nan paliang umum digunoan adolah Arab Hassaniyah dan Arab Maroko.[8]
Rujuakan
[suntiang | suntiang sumber]- ↑ "A de facto state's struggle for international recognition: The case of the Sahrawi Arab Democratic Republic". internationalrelations-publishing.org. Diakses tanggal 2025-05-20.
- ↑ "Sahara Occidental – Actualités 2008, février". February 2008. Diarsipkan dari versi asli tanggal 16 January 2017. Diakses tanggal 17 September 2016.
- ↑ "Sahara Info" (PDF). March 2008. Diarsipkan dari versi asli (PDF) tanggal 18 August 2017. Diakses tanggal 17 September 2016.
- ↑ "Sahrawi Arab Democratic Republic (SADR) | Map, History, & Facts | Britannica". www.britannica.com (dalam bahasa Inggris). 2025-05-16. Diakses tanggal 2025-05-20.
- ↑ "Western Sahara profile". BBC. 11 July 2011.
- ↑ "Western Sahara | Facts, History, Conflict, Map, & Population | Britannica". www.britannica.com (dalam bahasa Inggris). 2025-05-15. Diakses tanggal 2025-05-20.
- ↑ Shefte, Whitney (6 January 2015). "Western Sahara's stranded refugees consider renewal of Morocco conflict". the Guardian.
- ↑ "The World Factbook - Western Sahara". CIA. Diarsipkan dari versi asli tanggal 2007-06-12. Diakses tanggal 2023-07-06. []