Lompat ke isi

Rahmah El Yunusiyah

Wikipedia Minangkabau - Lubuak aka tapian ilimu
Infobox orangRahmah El Yunusiyah
Biografi
Lahia26 Oktober 1900 Edit nilai pada Wikidata
Bukit Surungan Edit nilai pada Wikidata
Kamatian26 Pebruari 1969 Edit nilai pada Wikidata (68 tahun (id) terjemahkan)
Kota Padang Panjang Edit nilai pada Wikidata
Tampek dimakamkanDiniyyah Puteri Edit nilai pada Wikidata
Kalompok etnisUrang Minangkabau Edit nilai pada Wikidata
Kagiatan
KarajoGuru, politikus jo aktivis pendidikan (id) Terjemahkan Edit nilai pada Wikidata
PagawaiDiniyyah Puteri Edit nilai pada Wikidata
Partai politikPartai Masyumi (1945) Edit nilai pada Wikidata
Kaluarga
AbakMuhammad Yunus al-Khalidiyah (id) Terjemahkan Edit nilai pada Wikidata, Rafiah (id) Terjemahkan Edit nilai pada Wikidata
Sanak saibu/sabapakZainuddin Labay El Yunusy Edit nilai pada Wikidata

Syekhah Hajjah Rangkayo Rahmah El Yunusiyah (lahia di Nagari Bukit Surungan, Padang Panjang, Hindia Belanda, 26 Oktober 1900 – maningga di Padang Panjang, Sumatra Barat, 26 Februari 1969 pado umua 68 taun) adolah saurang reformator pandidikan Islam jo pajuang kamerdekaan Indonesia. Inyo marupoan pandiri Diniyah Putri, perguruan nan kini iko maliputi taman kanak-kanak hinggo sakolah tinggi. Sawaktu Revolusi Nasional Indonesia, inyo mamelopori panagakan Tentara Keamanan Rakyat (TKR) di Padang Panjang sarato manjamin sadoalah parbekalan jo mambantu pangadaan alaik sanjato mereka.

Rahmah sempat baraja di Diniyah School nan dipimpin udanyo, Zainuddin Labay El Yunusy. Indak pueh jo sistem koedukasi nan mancampuaan pelajar putra jo putri, Rahmah sacaro inisiatif manamui babarapo ulama Minangkabau untuak mandalami agamo, hal indak lazim bagi saurang padusi pado awal abaik ka-20 di Minangkabau. Salain itu, inyo mampalajari babagai ilimu praktis sacaro privat nan kudian inyo ajaan kapado murik-muriknya. Dengan dukungan udanyo, inyo marintis Diniyah Putri pado 1 November 1923 nan tacataik sabagai sakolah agamo Islam padusi patamo di Indonesia.

Sawaktu pandudukan Japang di Sumatra Barat, Rahmah mamimpin Haha No Kai di Padang Panjang untuak mambantu perwira Giyugun. Pado maso parang kamerdekaan, inyo mamelopori tagaknyo TKR di Padang Panjang dan mangerahkan muriknyo malawan panjajah sasuai kasanggupan mereka walaupun hanyo manyedioan makanan jo ubek-ubek. Pado 7 Januari 1949, inyo ditangkok dek Balanda dan ditahan. Dalam pemilu 1955, Rahmah tapiliah sabagai anggota DPR mawakili Masyumi, tapi indak pernah lai tibo sidang sasudah ikuik bagerilya mandukuang Pemerintahan Revolusioner Republik Indonesia (PRRI).

Latar balakang

[suntiang | suntiang sumber]

Rahmah laia dari pasangan Moh. Yunus dan Rafiah dari suku Minang. Ayahnyo adolah surang ulama gadang nan manjabat sabagai kadi di Pandai Sikek, Tanah Data. Inyiaknyo Imanuddin adolah surang ahli ilmu falak sarato pamimpin Tarikaik Naqsyabandiyah.

Sajak ketek Rahmah adah ditingga mati dek ayahnyo. Baliau digadangan sarato diasuah dek ibu jo kakak-kakaknyo. Lingkuangannyo nan taat kapado ajaran agamo, alah mambantuak kapribadiannyo untuak manjadi surang nan saba sarato bapandirian taguah.

Rahmah adolah surang otodidak. Baliau baraja dari kakak-kakaknyo, Zainuddin Labay jo M. Rasyad. Katiko Zainuddin mandirian Diniyyah School, Rahmah ikuik pulo baraja di sinan. Baliau baraja agamo kapado Abdul Karim Amrullah, Tuanku Mudo, sarato Abdul Hamid. Di sampiang baraja agamo, antaro taun 1931-1935 Rahmah maikuti kursus ilmu kabidanan di Rumah Sakik Umum Kayutanam.

Managakkan Diniyah Putri

[suntiang | suntiang sumber]

Pado 1 November 1923, Rahmah mambuka Madrasah Diniyah Li al-Banat sabagai bagian dari Diniyah School nan dikhususan untuak murik-murik padusi. Rahmah maatur kagiatan baraja maaja di musajik nan talatak bausubarangan jo rumah kadiamannyo di Jalan Lubuk Mata Kucing (kini Jalan Abdul Hamid Hakim), Pasar Usang, Padang Panjang. Duo kawan Rahmah, Sitti Nansiah jo Djawana Basyir, tamasuak guru paliang patamo, samantaro Rahmah marangkap sabagai guru jo pimpinan.[1] Mulonyo terdapat 71 urang murik nan kabanyakan adolah amai-amai mudo.[2] Palajaran diagiah salamo 2,5 jam maliputi dasar pangatahuan agamo, gramatika bahaso Arab, jo ilimu alaik.[3] Para murik duduak di lantai mangaliliangi guru sacaro bakalompok. Para guru mamakai buku-buku babahaso Arab dan manarangan jo bahaso Indonesia. Ilimu pangatahuan umum alun diajaan pado tahun patamo. Dek baitu, Rahmah mangerahkan murik-muriknyo bagabuang jo Persatuan Murid-Murid Diniyah School (PMDS) untuak mandapek babagai pangetahuan umum jo mangikuti babagai kagiatan takah kepanduan, organisasi, jo koperasi.[4] Dengan hadirnya bagian untuak putri, Diniyah School paninggalan Zainuddin bransua-ansua hanyo dihadiri dek murik-murik putra, dan Madrasah Diniyah Li al-Banat nan ditagakan Rahmah manjadi populer sabagai Diniyah Putri.[5][6][7]

Catatan kaki

[suntiang | suntiang sumber]
Rujuakan
  1. ↑ Peringatan 55 Tahun... 1978, hlm. 273.
  2. ↑ Peringatan 55 Tahun... 1978, hlm. 44.
  3. ↑ Munawaroh 2002, hlm. 13.
  4. ↑ Peringatan 55 Tahun... 1978, hlm. 246.
  5. ↑ Nata 2005, hlm. 31.
  6. ↑ Peringatan 55 Tahun... 1978, hlm. 45.
  7. ↑ Peringatan 55 Tahun... 1978, hlm. 280.
Daftar pustaka
Buku
Jurnal
Media massa

Pautan lua

[suntiang | suntiang sumber]
Diambiak dari "https://min.wikipedia.org/w/index.php?title=Rahmah_El_Yunusiyah&oldid=3147169"