Pusako
.jpg)
Pusako adolah sabuah istilah nan digunoan kapado benda atau barang nan mampunyoi nilai khusus nan dimiliki dek suatu kaluarga, kalompok atau negara tatantu nan diwariskan sacaro turun-temurun dari babarapo generasi, Benda-Benda Replika Barang kuno nan disakralkan dapek juo disabuik Pusako dengan katantuan mampunyoi nilai Isoteri jo Eksoteri nan disakralkan sarupo Keris [1][2] Contoh dari pusako nan diwariskan adolah kitab suci, barang antik, sanjato, atau parhiasan. Tadapek pabedaan dalam tata caro pambagian pusako di babagai negara atau wilayah, di mano pabedaan iko dilandaskan kapado agamo, budayo, jo sistem hukum satampek nan dianut dek masyarakaiknyo.[3]
Hukum pusako
[suntiang | suntiang sumber]Hukum di Indonesia
[suntiang | suntiang sumber]Hukum adaik Minangkabau
[suntiang | suntiang sumber]Masyarakaik minangkabau mampunyoi paham matrilineal, aratinyo sabuah warisan diturunkan kepado kamanakan baiak warisan barupo gala maupun warisan nan barupo harato. Di minangkabai warisan gala disabauik jo sako dan warisan nan barupo harato disabuik jo pusako. Sabagai warisan, harato nan ditinggakan dek pawarih indak buliah dibagi-bagi.[4] Masyarakaik Minangkabau mambagi harato pusako (harato pusaka) manjadi duo yaitunyo harato pusako randah jo harato pusako tinggi.[5] Harato pusako randah marupokan harato pribadi nan didapek dari usaho kaluarga, di mano harato iko bebas dipajualbalikan atau diwariskan dek pamiliaknyo. Samantaro itu, harato pusako tinggi marupoan harato pusako nan diturunkan sacaro turun-temurun dari pihak kaluarga ibu, di mano suatu kaluarga hanyo mampunyoi hak pangalolaan tahadoknyo.[6] Pangalolaan harato pusako tinggi dalam suatu kaluarga gadang diawasi dek pihak pamuko adaik nan banamo ninik mamak nan mamutuskan sagalo status takaiik dengan harato pusako tinggi tasabuik.[5]
Hukum di Britania Raya
[suntiang | suntiang sumber]Manuruik Hukum Inggris, satiok pamiliak pusako asli dapek mawariskan pusako katiko pamiliak tasabuik masih hiduik, namun pamiliak nan samo indak dapek mawariskan pusako sacaro tapisah dari warisan lain dalam surat wasiat. Jiko pamiliak pusako wafat tanpa mambuek wasiat, mako pusako tasabuik turun kapado pawaris sahnyo sacaro hukum. Jika pamiliaknyo mambuek wasiat, mako pusako tasabuik turun kapado nan diwasiatkan. Suatu pusako dalam artian sampik ditantukan dek adaik kaluarga, bukan dek kasapakatan.[7] Barang bagarak nan ditantukan sabagai pusako dapek dijua di bawah arahan pangadilan, dan piti nan didapek dari hasil panjualan tasabuik dianggap sabagai pitih modal atau usaha.[8] Pangadilan hanyo akan manyatujui panjualan iko jiko memang bamanfaat untuak satiok pihak nan takaik, sarato jiko pusako nan diajukan untuak dijua mampunyoi nilai basajarah atau unik. Pangadilan akan mamahami niek dari pihak panjua pusako jo kahandak dari pihak pambali.[9]
Hukum di Japang
[suntiang | suntiang sumber]
Kementerian Budaya Jepang manantukan properti-properti budaya di Jepang nan dapek dikalompokkan sabagai pusaka tingkat nasional di negara tasabuik.[10][11] Suatu bangunan atau hasil karya tatantu nan mampunyoi nilai pambuatan jo sijarah nan tinggi atau lua biaso dapek ditetapkan sabagai pusako nasional.[12] Tadapek tigo baleh kategori pusako nasional di Japang, yaitunyo puri, tampek tingga, bangunan industri, sakolah, tampek suci, kuil, berkas basijarah, panamuan arkeologis, karajinan pedang jo non-pedang, lukisan, pahatan, jo tulisan.[13] Pamiliak atau pangalola dari suatu pusako nasional batangguangjawab tahadok pangurusan jo pabaikan pusako, sasuai arahan sarato katetapan dari Badan Urusan Budaya di Japang.[14]
Rujuakan
[suntiang | suntiang sumber]- ↑ "Hasil Pencarian - KBBI Daring". kbbi.kemdikbud.go.id. Diakses tanggal 2022-09-18.
- ↑ Sutarjadi; Rahman, Abdul; Indrawati, Ni Luh (2012) (dalam bahaso id). Jamu, obat asli Indonesia pusaka leluhur warisan nasional bangsa: sejarah, perkembangan, dan usaha pemanfaatannya. Gramedia Pustaka Utama. ISBN 978-979-22-8045-6. https://books.google.com/books?id=340yMwEACAAJ&newbks=0&hl=en.
- ↑ M.H.I, H. SYAIKHU (2021-07-19) (dalam bahaso id). AKULTURASI HUKUM WARIS; (Paradigma Konsep Eklektisisme dalam Kewarisan Adat Dayak). Penerbit K-Media. ISBN 978-623-316-206-7. https://books.google.com/books?id=hMA5EAAAQBAJ&newbks=0&printsec=frontcover&dq=perbedaan+hukum+pusaka&hl=en.
- ↑ a b Zufrizal (2019-12-10). Mudassir, Rivki Maulana dan Rayful, ed. "Apa Itu Harato Pusako Tinggi dan Rendah bagi Masyarakat Minang?". Bisnis.com (dalam bahasa Indonesia). Diakses tanggal 2022-09-25.
- ↑ R, Musfira (2020-05-10). "Harato Pusako Tinggi, Harato Pusako Randah: Hukum Kewarisan dalam Adat Minangkabau". IBTimes.ID (dalam bahasa Indonesia). Diakses tanggal 2022-09-25.
- ↑ Stroud, April (2008). The Trusts of Land and Appointment of Trustees Act 1996. London: Macmillan Education UK. pp. 204–235. ISBN 978-0-230-20534-5. http://dx.doi.org/10.1007/978-1-137-28810-3_10.
- ↑ "Short Titles Act 1896 (Hansard)". api.parliament.uk. Diakses tanggal 2022-09-25.
- ↑ Re Hope, Dr Cello v. Hope [1899] 2 Ch. 679
- ↑ Mackay-Smith, Alexander (2000-04-29). "Mission to preserve and protect". Japan Times. Tokyo: Japan Times Ltd. ISSN 0447-5763. Diakses tanggal 2009-12-02.
- ↑ "Oura Catholic Church". Nagasaki Tourism Internet Committee. Diarsipkan dari versi asli tanggal 2013-05-10. Diakses tanggal 2009-11-14.
- ↑ Jokilehto 2002, p. 280
- ↑ "All about Tomioka Silk Mill". Tomioka Silk Mill. Tomioka. 2005. Diarsipkan dari versi asli tanggal 2015-08-17. Diakses tanggal 2015-09-08.
- ↑ Gibbon 2005, p. 331