Pulau Sironjong Gadang
| Koordinat | |
|---|---|
| Provinsi | Sumatera Barat |
| Pesisir Selatan | |
| Populasi | 0 |
Pulau Sironjong Gadang adolah sabuah pulau nan indak bapanghuni nan talatak di sisi barat Pulau Sumatera. Pulau ko barado di kawasan Wisata Mandeh, di Kabupaten Pesisir Selatan, Sumatera Barat, Indonesia. Dari segi pamarintahan, pulau ko tamasuak dalam Kecamatan Koto XI Tarusan.[1][2]
Kato Sironjong nan malakek ka pulau ko punyo makna nan tinggi. Sasuai jo topografi pulau ko, nan umumnyo babukik-bukik jo batabiang. Hanyo ado babarapo pantai pasia di pulau ko. Salain dari itu, pantai-pantai di pulau ko babatu-batu dan punyo tabiang-tabiang nan curam.[1]
Pulau iko marupokan salah satu objek wisata strategis pulau di Kabupaten Pesisir Selatan karano barado di daerah Mandeh. Tapek di sampiang pulau ko, ado sabuah pulau jo topografi nan hampia samo, yaitu Pulau Sironjong Ketek.[1]
Manganai vegetasi nan tumbuah di pulau ko, kabanyakan jinih tumbuahan adolah tumbuahan nan cukuik labek atau tingkek tinggi. Banyak pohon-pohon jo samak-samak gadang nan manjulang tinggi nan tumbuah di pulau ko.[1]
Rujuakan
[suntiang | suntiang sumber]- 1 2 3 4 Dinas Kelautan dan Perikanan Sumatera Barat (2009). Direktori Pulau di Provinsi Sumatera Barat. Padang: Direktorat Pemberdayaan Pulau-pulau Kecil. pp. 195.
- ↑ Agency, ANTARA News (2024-01-14). "Menikmati Keindahan Pulau Sironjong, Destinasi Wisata di Pesisir Selatan". Antara News Sumbar (dalam bahasa Indonesia). Diakses tanggal 2026-02-18.
Pranala lua
[suntiang | suntiang sumber]- (Indonesia) Situs web resmi Kabupaten Pesisir Selatan
