Pulau Pitoiat Sabeu
| Koordinat | |
|---|---|
| Provinsi |  Sumatera Barat |
| Kepulauan Mentawai | |
| Populasi | 0 |
Pulau Pitoiat Sabeu marupoan sabuah pulau yang tamasuak dalam wilayah Kecamatan Sipora Utara, Kabupaten Kepulauan Mentawai, Provinsi Sumatera Barat, Indonesia.[1][2] Sacaro geografis, pulau ko barado indak jauah dari Pulau Pitoiat Sigoiso yang tamasuak pulo ka dalam wilayah administrasi Kecamatan Sipora Utara.
Badasarkan hasil survei yang dilakuan dek Departemen Kelautan dan Perikanan RI, namo pulau ko adolah Pulau Pittoiyat Sabeu. Namun, sasudah dilakuan verifikasi, tarungkap bahaso namo pulau ko yaitu Pulau Pitoiat Sabeu.[1]
Kata Sabeu yang disamekan sabagai namo pulau ko barasa dari bahaso daerah satampek yang bararti gadang.[1] Hal itu mungkin dek karano pulau tasabuik baukuran labiah gadang daripado Pulau Pitoiat Sigoiso. Kato Sigoiso dalam bahaso satampek mamiliki arti ketek.
Pulau Pitoiat Sabeu tacataik sabagai sabuah pulau yang indak bapanduduak di Sumatera Barat. Sacaro umum, pulau ko mamiliki topografi data. Pulau ko mamiliki pantai bapasia putiah. Salain tu, Pulau Pitoiat Sabeu ditumbuhi pulo papohonan tingkek tinggi, batang karambia, jo samak.[1]
Rujuakan
[suntiang | suntiang sumber]- 1 2 3 4 Dinas Kelautan dan Perikanan Sumatera Barat (2009). Direktori Pulau di Provinsi Sumatera Barat. Padang: Direktorat Pemberdayaan Pulau-pulau Kecil. pp. 87.
- ↑ Badan Perencanaan Pembanguan Daerah Pemerintah Kabupaten Kepulauan Mentawai (2020). Materi teknis Revisi RTRW Kabupaten Kepulauan Mentawai Tahun 2015-2035. Tua Pejat: Pemerintah Kabupaten Mentawai. pp: 52.
Pranala lua
[suntiang | suntiang sumber]- (Indonesia) Situs web resmi Kabupaten Kepulauan Mentawai Archived 2020-10-28 di Wayback Machine.
