Pulau Pisang Gadang
| Koordinat | |
|---|---|
| Provinsi | Sumatera Barat |
| Padang | |
| Populasi | 0 |
Pulau Pisang Gadang marupoan salah satu pulau yang talatak di sisi baraik pulau Sumatra. Sacaro administrasi pamerintahan, pulau ko masuak ka dalam wilayah Kecamatan Padang Selatan, Kota Padang, Provinsi Sumatera Barat, Indonesia.
Pulau ko indak bapanduduak. Sacaro topografi pulau ko marupoan pulau babukik dengan pantai bapasia putiah, ditumbuhi batang karambia sarato samak jo tumbuhan tingkek tinggi.[1]
Bangunan
[suntiang | suntiang sumber]Di Pulau Pisang Gadang ko tadapel palabuhan (reede). Bardasarkan peta kuno, Reede Pulau Pisang Gadang tadiri dari tigo buah dermaga yang kasadonyo barado di bagian timur dari Pulau Pisang, yaitu di sebelah timur, timur lauik, jo tenggara. Reede ko ado sabalum hadirnyo Palabuhan Emmahaven atau yang kini dikenal sabagai Palabuhan Teluk Bayur.[2]
Salain redee, ado duo makam dan satu buah tugu paringatan. Makam tu marupoan makam tentara Balando yang baparang di Aceh, sadangkan tugunyo marupoan bangunan paringatan tahadok korban parang Aceh.
Sacaro astronomis, makam barado pado posisi 00 59.702 LS dan 1000 20.381 BT. Kuburan urang Balando tu alah digali dek urang dan diambiak porselinnyo. Pado kompleks makam ko tadapek tigo buah nisan, ciek nisan alah rabah dengan bantuak balok baukuran tinggi 130 cm, lebar 90 cm, jo taba 30 cm. Bahannyo tabuat dari batu andesit, bagian kapalanyo babantuak satangah lingkaran dengan motif bungo manghiasi pamukaannyo. Nisan ko mamiliki sayok jo mamiliki profil pado bagian bingkai tubuhnyo. (Buletin Amoghapasa, 2009, 35). Pado tubuah nisan tadapek inskripsi babahaso Balando.
Nisan 1: In memoriam JHR WF van Spenclerluitenant ter zee 2E klasse geboren 5 November 1862 overleden 4 April 1890 tengevolge van zine den 21 December 1889 bij Poloe Weh bekomen wonden.
Nisan 2: Zijne vele vrienden en kameraden, Dobbe van Pelt’s Bosch.
Nisan 3: Gestoeven op reis naar Holland 5 April 1890.
Tugu: Hier rust het stof Felyk Overschot van J.P. Uyttenhhooven in leven Luittenant ter zee 2E klasse aan boord ZM Schroefstoomship montrado in den ouderboom van 24 japen op den 13 April 1859 by het opnemender baai van Saribanoa zyn eyk is uit hunne handen cered boor de trouw der Javaasche matrozen zyn bood werd gewrokon dit gedenktenken is opgerigt door zyne wa penbroeders talryke vrienden Padang.
Rujuakan
[suntiang | suntiang sumber]- ↑ http://www.ppk-kp3k.dkp.go.id Archived 2010-07-12 di Wayback Machine. Profil Pulau Pisang Gadang[pautan nonaktif salamonyo] (diakses pada 15 Oktober 2010)
- ↑ "Jejak Pelabuhan Pulau Pisang Sebelum Emmahaven – Balai Pelestarian Cagar Budaya Sumatera Barat" (dalam bahasa Inggris). Diakses tanggal 2024-12-22.
