Pulau Pieh

Koordinat	0°52′23″S, 100°06′03″E
Provinsi	Sumatera Barat
Padang Pariaman
Populasi	0

Pulau Pieh adolah salah satu pulau nan talatak di Kabupaten Padang Pariaman, Provinsi Sumatra Barat. Pulau Pieh mamiliki pesona alam bawah lauik nan tadiri dari tarumbu karang, ikan karang, panyu, sarato cetacea.

Pulau ko dan parairan sakitarnyo mampunyoi potensi bahari jo biota lauik yang paralu dilindungi sarato dapek dikambangkan untuak pamanfaatan wisata bahari. Potensi yang dimiliki Pulau Pieh antaro lain hamparan tarumbu karang, topografi bawah lauik yang unik, ikan karang, panyu, mangrove, jo biota lainnya. Pulau ko bapantai pasia putiah jo air lauik yang barasiah. Keunikan lainnyo dari Pulau Pieh yaitu daerah daratan di bagaian tangah pulau yang barupo lahan rawa yang langsuang bahubungan jo lauik, di mano katinggian aia yang tadapek di rawa-rawa ko sangaik dipangaruhi oleh pasang suruik.

Bardasarkan kondisi di ateh Kawasan Pulau Pieh dan parairan sakitarnyo alah ditunjuak dek Menteri Kehutanan dan perkebunan RI sebagai Kawasan Taman Wisata Alam Laut (TWAL) bardasarkan Surat Keputusan No. 070/Kpts-II/2000 tanggal 28 Maret 2000 dengan laweh kawasan 39.900 hektare. Penentuan status TWAL bardasarkan kriteria panantuan kawasan konservasi lauik yang memiliki keanekaragaman biota lauik jo lingkungan yang mamungkinkan untuk dikambangkan sabagai objek wisata.

Di Pulau Pieh, flora dominan adolah karambian jo nipah (Nypa frutican). Pado Pulau Pieh, tumbuhan ko marupoan tampek hiduik bagi babagai jinih buruang sarato satwa lainnya. Babarapo jinih buruang yang tadapek di Pulau Pieh antaro lain elang lauik (Haliarctus leucogaster), dara lauik (Sterna sp.), pucuang (roko-roko), barabah, barau-barau (cucak rawa), jo buruang raou. Reptil yang basobok di Pulau Pieh antaro lain biawak (Varanus sp.), panyu hijau (Chelonia mydas), jo panyu sisiak (Erecmochelys imbricata).